פסוקים על Prophets: Frequently spoke in parables and riddles

22 פסוקים · 128 היבטים

פסוקים על Frequently spoke in parables and riddles

  1. 2 שְׁמוּאֵל י״ב:א׳

    ¶ וישלח יהוה את נתן אל דוד ויבא אליו ויאמר לו שני אנשים היו בעיר אחת אחד עשיר ואחד ראש׃

  2. 2 שְׁמוּאֵל י״ב:ב׳

    לעשיר היה צאן ובקר הרבה מאד׃

  3. 2 שְׁמוּאֵל י״ב:ג׳

    ולרש אין כל כי אם כבשה אחת קטנה אשר קנה ויחיה ותגדל עמו ועם בניו יחדו מפתו תאכל ומכסו תשתה ובחיקו תשכב ותהי לו כבת׃

  4. 2 שְׁמוּאֵל י״ב:ד׳

    ויבא הלך לאיש העשיר ויחמל לקחת מצאנו ומבקרו לעשות לארח הבא לו ויקח את כבשת האיש הראש ויעשה לאיש הבא אליו׃

  5. 2 שְׁמוּאֵל י״ב:ה׳

    ויחר אף דוד באיש מאד ויאמר אל נתן חי יהוה כי בן מות האיש העשה זאת׃

  6. 2 שְׁמוּאֵל י״ב:ו׳

    ואת הכבשה ישלם ארבעתים עקב אשר עשה את הדבר הזה ועל אשר לא חמל׃

  7. יְשַׁעְיָהוּ ה׳:א׳

    ¶ אשירה נא לידידי שירת דודי לכרמו כרם היה לידידי בקרן בן שמן׃

  8. יְשַׁעְיָהוּ ה׳:ב׳

    ויעזקהו ויסקלהו ויטעהו שרק ויבן מגדל בתוכו וגם יקב חצב בו ויקו לעשות ענבים ויעש באשים׃

  9. יְשַׁעְיָהוּ ה׳:ג׳

    ועתה יושב ירושלם ואיש יהודה שפטו נא ביני ובין כרמי׃

  10. יְשַׁעְיָהוּ ה׳:ד׳

    מה לעשות עוד לכרמי ולא עשיתי בו מדוע קויתי לעשות ענבים ויעש באשים׃

  11. יְשַׁעְיָהוּ ה׳:ה׳

    ועתה אודיעה נא אתכם את אשר אני עשה לכרמי הסר משוכתו והיה לבער פרץ גדרו והיה למרמס׃

  12. יְשַׁעְיָהוּ ה׳:ו׳

    ואשיתהו בתה לא יזמר ולא יעדר ועלה שמיר ושית ועל העבים אצוה מהמטיר עליו מטר׃

  13. יְשַׁעְיָהוּ ה׳:ז׳

    כי כרם יהוה צבאות בית ישראל ואיש יהודה נטע שעשועיו ויקו למשפט והנה משפח לצדקה והנה צעקה׃

  14. יְחֶזְקֵאל י״ז:ב׳

    בן אדם חוד חידה ומשל משל אל בית ישראל׃

  15. יְחֶזְקֵאל י״ז:ג׳

    ואמרת כה אמר אדני יהוה הנשר הגדול גדול הכנפים ארך האבר מלא הנוצה אשר לו הרקמה בא אל הלבנון ויקח את צמרת הארז׃

  16. יְחֶזְקֵאל י״ז:ד׳

    את ראש יניקותיו קטף ויביאהו אל ארץ כנען בעיר רכלים שמו׃

  17. יְחֶזְקֵאל י״ז:ה׳

    ויקח מזרע הארץ ויתנהו בשדה זרע קח על מים רבים צפצפה שמו׃

  18. יְחֶזְקֵאל י״ז:ו׳

    ויצמח ויהי לגפן סרחת שפלת קומה לפנות דליותיו אליו ושרשיו תחתיו יהיו ותהי לגפן ותעש בדים ותשלח פארות׃

  19. יְחֶזְקֵאל י״ז:ז׳

    ויהי נשר אחד גדול גדול כנפים ורב נוצה והנה הגפן הזאת כפנה שרשיה עליו ודליותיו שלחה לו להשקות אותה מערגות מטעה׃

  20. יְחֶזְקֵאל י״ז:ח׳

    אל שדה טוב אל מים רבים היא שתולה לעשות ענף ולשאת פרי להיות לגפן אדרת׃

  21. יְחֶזְקֵאל י״ז:ט׳

    אמר כה אמר אדני יהוה תצלח הלוא את שרשיה ינתק ואת פריה יקוסס ויבש כל טרפי צמחה תיבש ולא בזרע גדולה ובעם רב למשאות אותה משרשיה׃

  22. יְחֶזְקֵאל י״ז:י׳

    והנה שתולה התצלח הלוא כגעת בה רוח הקדים תיבש יבש על ערגת צמחה תיבש׃