פסוקים על Passover

161 פסוקים · 14 היבטים

פסוקי מפתח

סינון לפי ספר
  1. שְׁמֹות י״ב:כ״ח

    וילכו ויעשו בני ישראל כאשר צוה יהוה את משה ואהרן כן עשו׃

  2. שְׁמֹות י״ב:כ״ט

    ויהי בחצי הלילה ויהוה הכה כל בכור בארץ מצרים מבכר פרעה הישב על כסאו עד בכור השבי אשר בבית הבור וכל בכור בהמה׃

  3. שְׁמֹות י״ב:ל׳

    ויקם פרעה לילה הוא וכל עבדיו וכל מצרים ותהי צעקה גדלה במצרים כי אין בית אשר אין שם מת׃

  4. שְׁמֹות י״ב:ל״א

    ויקרא למשה ולאהרן לילה ויאמר קומו צאו מתוך עמי גם אתם גם בני ישראל ולכו עבדו את יהוה כדברכם׃

  5. שְׁמֹות י״ב:ל״ב

    גם צאנכם גם בקרכם קחו כאשר דברתם ולכו וברכתם גם אתי׃

  6. שְׁמֹות י״ב:ל״ג

    ותחזק מצרים על העם למהר לשלחם מן הארץ כי אמרו כלנו מתים׃

  7. שְׁמֹות י״ב:ל״ד

    וישא העם את בצקו טרם יחמץ משארתם צררת בשמלתם על שכמם׃

  8. שְׁמֹות י״ב:ל״ה

    ובני ישראל עשו כדבר משה וישאלו ממצרים כלי כסף וכלי זהב ושמלת׃

  9. שְׁמֹות י״ב:ל״ו

    ויהוה נתן את חן העם בעיני מצרים וישאלום וינצלו את מצרים׃

  10. שְׁמֹות י״ב:ל״ז

    ויסעו בני ישראל מרעמסס סכתה כשש מאות אלף רגלי הגברים לבד מטף׃

  11. שְׁמֹות י״ב:ל״ח

    וגם ערב רב עלה אתם וצאן ובקר מקנה כבד מאד׃

  12. שְׁמֹות י״ב:ל״ט

    ויאפו את הבצק אשר הוציאו ממצרים עגת מצות כי לא חמץ כי גרשו ממצרים ולא יכלו להתמהמה וגם צדה לא עשו להם׃

  13. שְׁמֹות י״ב:מ׳

    ומושב בני ישראל אשר ישבו במצרים שלשים שנה וארבע מאות שנה׃

  14. שְׁמֹות י״ב:מ״א

    ויהי מקץ שלשים שנה וארבע מאות שנה ויהי בעצם היום הזה יצאו כל צבאות יהוה מארץ מצרים׃

  15. שְׁמֹות י״ב:מ״ב

    ליל שמרים הוא ליהוה להוציאם מארץ מצרים הוא הלילה הזה ליהוה שמרים לכל בני ישראל לדרתם׃

  16. שְׁמֹות י״ב:מ״ג

    ויאמר יהוה אל משה ואהרן זאת חקת הפסח כל בן נכר לא יאכל בו׃

  17. שְׁמֹות י״ב:מ״ד

    וכל עבד איש מקנת כסף ומלתה אתו אז יאכל בו׃

  18. שְׁמֹות י״ב:מ״ה

    תושב ושכיר לא יאכל בו׃

  19. שְׁמֹות י״ב:מ״ו

    בבית אחד יאכל לא תוציא מן הבית מן הבשר חוצה ועצם לא תשברו בו׃

  20. שְׁמֹות י״ב:מ״ז

    כל עדת ישראל יעשו אתו׃

  21. שְׁמֹות י״ב:מ״ח

    וכי יגור אתך גר ועשה פסח ליהוה המול לו כל זכר ואז יקרב לעשתו והיה כאזרח הארץ וכל ערל לא יאכל בו׃

  22. שְׁמֹות י״ב:מ״ט

    תורה אחת יהיה לאזרח ולגר הגר בתוככם׃

  23. שְׁמֹות כ״ג:ט״ו

    את חג המצות תשמר שבעת ימים תאכל מצות כאשר צויתך למועד חדש האביב כי בו יצאת ממצרים ולא יראו פני ריקם׃

  24. שְׁמֹות כ״ג:ט״ז

    וחג הקציר בכורי מעשיך אשר תזרע בשדה וחג האסף בצאת השנה באספך את מעשיך מן השדה׃

  25. שְׁמֹות כ״ג:י״ז

    שלש פעמים בשנה יראה כל זכורך אל פני האדן יהוה׃