פסוקים על Passover: Design of

8 פסוקים · 14 היבטים

פסוקים על Design of

  1. שְׁמֹות י״ב:כ״א

    ויקרא משה לכל זקני ישראל ויאמר אלהם משכו וקחו לכם צאן למשפחתיכם ושחטו הפסח׃

  2. שְׁמֹות י״ב:כ״ב

    ולקחתם אגדת אזוב וטבלתם בדם אשר בסף והגעתם אל המשקוף ואל שתי המזוזת מן הדם אשר בסף ואתם לא תצאו איש מפתח ביתו עד בקר׃

  3. שְׁמֹות י״ב:כ״ג

    ועבר יהוה לנגף את מצרים וראה את הדם על המשקוף ועל שתי המזוזת ופסח יהוה על הפתח ולא יתן המשחית לבא אל בתיכם לנגף׃

  4. שְׁמֹות י״ב:כ״ד

    ושמרתם את הדבר הזה לחק לך ולבניך עד עולם׃

  5. שְׁמֹות י״ב:כ״ה

    והיה כי תבאו אל הארץ אשר יתן יהוה לכם כאשר דבר ושמרתם את העבדה הזאת׃

  6. שְׁמֹות י״ב:כ״ו

    והיה כי יאמרו אליכם בניכם מה העבדה הזאת לכם׃

  7. שְׁמֹות י״ב:כ״ז

    ואמרתם זבח פסח הוא ליהוה אשר פסח על בתי בני ישראל במצרים בנגפו את מצרים ואת בתינו הציל ויקד העם וישתחוו׃

  8. שְׁמֹות י״ב:כ״ח

    וילכו ויעשו בני ישראל כאשר צוה יהוה את משה ואהרן כן עשו׃