פסוקים על Jerusalem

271 פסוקים · 117 היבטים

פסוקי מפתח

יְהוֹשֻעַ י׳:כ״ו
ויכם יהושע אחרי כן וימיתם ויתלם על חמשה עצים ויהיו תלוים על העצים עד הערב׃
2 שְׁמוּאֵל ה׳:ה׳
בחברון מלך על יהודה שבע שנים וששה חדשים ובירושלם מלך שלשים ושלש שנה על כל ישראל ויהודה׃
2 שְׁמוּאֵל ה׳:ו׳
וילך המלך ואנשיו ירושלם אל היבסי יושב הארץ ויאמר לדוד לאמר לא תבוא הנה כי אם הסירך העורים והפסחים לאמר לא יבוא דוד הנה׃
2 שְׁמוּאֵל ה׳:ז׳
וילכד דוד את מצדת ציון היא עיר דוד׃
2 שְׁמוּאֵל ה׳:ח׳
ויאמר דוד ביום ההוא כל מכה יבסי ויגע בצנור ואת הפסחים ואת העורים שנאו נפש דוד על כן יאמרו עור ופסח לא יבוא אל הבית׃
2 שְׁמוּאֵל ה׳:ט׳
וישב דוד במצדה ויקרא לה עיר דוד ויבן דוד סביב מן המלוא וביתה׃
2 שְׁמוּאֵל ו׳:י״ב
ויגד למלך דוד לאמר ברך יהוה את בית עבד אדם ואת כל אשר לו בעבור ארון האלהים וילך דוד ויעל את ארון האלהים מבית עבד אדם עיר דוד בשמחה׃
2 שְׁמוּאֵל ו׳:י״ג
ויהי כי צעדו נשאי ארון יהוה ששה צעדים ויזבח שור ומריא׃
2 שְׁמוּאֵל ו׳:י״ד
ודוד מכרכר בכל עז לפני יהוה ודוד חגור אפוד בד׃
2 שְׁמוּאֵל ו׳:ט״ו
ודוד וכל בית ישראל מעלים את ארון יהוה בתרועה ובקול שופר׃
2 שְׁמוּאֵל ו׳:ט״ז
והיה ארון יהוה בא עיר דוד ומיכל בת שאול נשקפה בעד החלון ותרא את המלך דוד מפזז ומכרכר לפני יהוה ותבז לו בלבה׃
2 שְׁמוּאֵל ו׳:י״ז
ויבאו את ארון יהוה ויצגו אתו במקומו בתוך האהל אשר נטה לו דוד ויעל דוד עלות לפני יהוה ושלמים׃
2 שְׁמוּאֵל ו׳:י״ח
ויכל דוד מהעלות העולה והשלמים ויברך את העם בשם יהוה צבאות׃
2 שְׁמוּאֵל ו׳:י״ט
ויחלק לכל העם לכל המון ישראל למאיש ועד אשה לאיש חלת לחם אחת ואשפר אחד ואשישה אחת וילך כל העם איש לביתו׃
2 שְׁמוּאֵל כ״ד:ט״ז
וישלח ידו המלאך ירושלם לשחתה וינחם יהוה אל הרעה ויאמר למלאך המשחית בעם רב עתה הרף ידך ומלאך יהוה היה עם גרן האורנה היבסי׃
2 שְׁמוּאֵל כ״ד:י״ז
ויאמר דוד אל יהוה בראתו את המלאך המכה בעם ויאמר הנה אנכי חטאתי ואנכי העויתי ואלה הצאן מה עשו תהי נא ידך בי ובבית אבי׃
2 שְׁמוּאֵל כ״ד:י״ח
ויבא גד אל דוד ביום ההוא ויאמר לו עלה הקם ליהוה מזבח בגרן ארניה היבסי׃
2 שְׁמוּאֵל כ״ד:י״ט
ויעל דוד כדבר גד כאשר צוה יהוה׃
2 שְׁמוּאֵל כ״ד:כ׳
וישקף ארונה וירא את המלך ואת עבדיו עברים עליו ויצא ארונה וישתחו למלך אפיו ארצה׃
2 שְׁמוּאֵל כ״ד:כ״א
ויאמר ארונה מדוע בא אדני המלך אל עבדו ויאמר דוד לקנות מעמך את הגרן לבנות מזבח ליהוה ותעצר המגפה מעל העם׃
2 שְׁמוּאֵל כ״ד:כ״ב
ויאמר ארונה אל דוד יקח ויעל אדני המלך הטוב בעינו ראה הבקר לעלה והמרגים וכלי הבקר לעצים׃
2 שְׁמוּאֵל כ״ד:כ״ג
הכל נתן ארונה המלך למלך ויאמר ארונה אל המלך יהוה אלהיך ירצך׃
2 שְׁמוּאֵל כ״ד:כ״ד
ויאמר המלך אל ארונה לא כי קנו אקנה מאותך במחיר ולא אעלה ליהוה אלהי עלות חנם ויקן דוד את הגרן ואת הבקר בכסף שקלים חמשים׃
2 שְׁמוּאֵל כ״ד:כ״ה
ויבן שם דוד מזבח ליהוה ויעל עלות ושלמים ויעתר יהוה לארץ ותעצר המגפה מעל ישראל׃
2 מְלָכִים י״ט:א׳
¶ ויהי כשמע המלך חזקיהו ויקרע את בגדיו ויתכס בשק ויבא בית יהוה׃

מציג 26–50 מתוך 271 פסוקים

הקודם 1 2 3 4...11 הבא