פסוקים על Jerusalem: Taken and burned by Nebuchadnezzar

38 פסוקים · 117 היבטים

פסוקים על Taken and burned by Nebuchadnezzar

2 מְלָכִים כ״ה:א׳
¶ ויהי בשנת התשיעית למלכו בחדש העשירי בעשור לחדש בא נבכדנאצר מלך בבל הוא וכל חילו על ירושלם ויחן עליה ויבנו עליה דיק סביב׃
2 מְלָכִים כ״ה:ב׳
ותבא העיר במצור עד עשתי עשרה שנה למלך צדקיהו׃
2 מְלָכִים כ״ה:ג׳
בתשעה לחדש ויחזק הרעב בעיר ולא היה לחם לעם הארץ׃
2 מְלָכִים כ״ה:ד׳
ותבקע העיר וכל אנשי המלחמה הלילה דרך שער בין החמתים אשר על גן המלך וכשדים על העיר סביב וילך דרך הערבה׃
2 מְלָכִים כ״ה:ה׳
וירדפו חיל כשדים אחר המלך וישגו אתו בערבות ירחו וכל חילו נפצו מעליו׃
2 מְלָכִים כ״ה:ו׳
ויתפשו את המלך ויעלו אתו אל מלך בבל רבלתה וידברו אתו משפט׃
2 מְלָכִים כ״ה:ז׳
ואת בני צדקיהו שחטו לעיניו ואת עיני צדקיהו עור ויאסרהו בנחשתים ויבאהו בבל׃
2 מְלָכִים כ״ה:ח׳
ובחדש החמישי בשבעה לחדש היא שנת תשע עשרה שנה למלך נבכדנאצר מלך בבל בא נבוזראדן רב טבחים עבד מלך בבל ירושלם׃
2 מְלָכִים כ״ה:ט׳
וישרף את בית יהוה ואת בית המלך ואת כל בתי ירושלם ואת כל בית גדול שרף באש׃
2 מְלָכִים כ״ה:י׳
ואת חומת ירושלם סביב נתצו כל חיל כשדים אשר רב טבחים׃
2 מְלָכִים כ״ה:י״א
ואת יתר העם הנשארים בעיר ואת הנפלים אשר נפלו על המלך בבל ואת יתר ההמון הגלה נבוזראדן רב טבחים׃
2 מְלָכִים כ״ה:י״ב
ומדלת הארץ השאיר רב טבחים לכרמים וליגבים׃
2 מְלָכִים כ״ה:י״ג
ואת עמודי הנחשת אשר בית יהוה ואת המכנות ואת ים הנחשת אשר בבית יהוה שברו כשדים וישאו את נחשתם בבלה׃
2 מְלָכִים כ״ה:י״ד
ואת הסירת ואת היעים ואת המזמרות ואת הכפות ואת כל כלי הנחשת אשר ישרתו בם לקחו׃
2 מְלָכִים כ״ה:ט״ו
ואת המחתות ואת המזרקות אשר זהב זהב ואשר כסף כסף לקח רב טבחים׃
2 מְלָכִים כ״ה:ט״ז
העמודים שנים הים האחד והמכנות אשר עשה שלמה לבית יהוה לא היה משקל לנחשת כל הכלים האלה׃
2 מְלָכִים כ״ה:י״ז
שמנה עשרה אמה קומת העמוד האחד וכתרת עליו נחשת וקומת הכתרת שלש אמה ושבכה ורמנים על הכתרת סביב הכל נחשת וכאלה לעמוד השני על השבכה׃
2 מְלָכִים כ״ה:י״ח
ויקח רב טבחים את שריה כהן הראש ואת צפניהו כהן משנה ואת שלשת שמרי הסף׃
2 מְלָכִים כ״ה:י״ט
ומן העיר לקח סריס אחד אשר הוא פקיד על אנשי המלחמה וחמשה אנשים מראי פני המלך אשר נמצאו בעיר ואת הספר שר הצבא המצבא את עם הארץ וששים איש מעם הארץ הנמצאים בעיר׃
2 מְלָכִים כ״ה:כ׳
ויקח אתם נבוזראדן רב טבחים וילך אתם על מלך בבל רבלתה׃
2 מְלָכִים כ״ה:כ״א
ויך אתם מלך בבל וימיתם ברבלה בארץ חמת ויגל יהודה מעל אדמתו׃
2 מְלָכִים כ״ה:כ״ב
והעם הנשאר בארץ יהודה אשר השאיר נבוכדנאצר מלך בבל ויפקד עליהם את גדליהו בן אחיקם בן שפן׃
2 מְלָכִים כ״ה:כ״ג
וישמעו כל שרי החילים המה והאנשים כי הפקיד מלך בבל את גדליהו ויבאו אל גדליהו המצפה וישמעאל בן נתניה ויוחנן בן קרח ושריה בן תנחמת הנטפתי ויאזניהו בן המעכתי המה ואנשיהם׃
2 מְלָכִים כ״ה:כ״ד
וישבע להם גדליהו ולאנשיהם ויאמר להם אל תיראו מעבדי הכשדים שבו בארץ ועבדו את מלך בבל ויטב לכם׃
2 מְלָכִים כ״ה:כ״ה
ויהי בחדש השביעי בא ישמעאל בן נתניה בן אלישמע מזרע המלוכה ועשרה אנשים אתו ויכו את גדליהו וימת ואת היהודים ואת הכשדים אשר היו אתו במצפה׃

מציג 1–25 מתוך 38 פסוקים

1 2 הבא