פסוקים על Jerusalem: Wickedness of

9 פסוקים · 117 היבטים

פסוקים על Wickedness of

יְשַׁעְיָהוּ א׳:א׳
¶ חזון ישעיהו בן אמוץ אשר חזה על יהודה וירושלם בימי עזיהו יותם אחז יחזקיהו מלכי יהודה׃
יְשַׁעְיָהוּ א׳:ב׳
שמעו שמים והאזיני ארץ כי יהוה דבר בנים גדלתי ורוממתי והם פשעו בי׃
יְשַׁעְיָהוּ א׳:ג׳
ידע שור קנהו וחמור אבוס בעליו ישראל לא ידע עמי לא התבונן׃
יְשַׁעְיָהוּ א׳:ד׳
הוי גוי חטא עם כבד עון זרע מרעים בנים משחיתים עזבו את יהוה נאצו את קדוש ישראל נזרו אחור׃
יִרְמְיָהוּ ה׳:א׳
¶ שוטטו בחוצות ירושלם וראו נא ודעו ובקשו ברחובותיה אם תמצאו איש אם יש עשה משפט מבקש אמונה ואסלח לה׃
יִרְמְיָהוּ ה׳:ב׳
ואם חי יהוה יאמרו לכן לשקר ישבעו׃
יִרְמְיָהוּ ה׳:ג׳
יהוה עיניך הלוא לאמונה הכיתה אתם ולא חלו כליתם מאנו קחת מוסר חזקו פניהם מסלע מאנו לשוב׃
יִרְמְיָהוּ ה׳:ד׳
ואני אמרתי אך דלים הם נואלו כי לא ידעו דרך יהוה משפט אלהיהם׃
יִרְמְיָהוּ ה׳:ה׳
אלכה לי אל הגדלים ואדברה אותם כי המה ידעו דרך יהוה משפט אלהיהם אך המה יחדו שברו על נתקו מוסרות׃