פסוקים על Jerusalem

271 פסוקים · 117 היבטים

פסוקי מפתח

2 מְלָכִים י״ט:כ״ז
ושבתך וצאתך ובאך ידעתי ואת התרגזך אלי׃
2 מְלָכִים י״ט:כ״ח
יען התרגזך אלי ושאננך עלה באזני ושמתי חחי באפך ומתגי בשפתיך והשבתיך בדרך אשר באת בה׃
2 מְלָכִים י״ט:כ״ט
וזה לך האות אכול השנה ספיח ובשנה השנית סחיש ובשנה השלישית זרעו וקצרו ונטעו כרמים ואכלו פרים׃
2 מְלָכִים י״ט:ל׳
ויספה פליטת בית יהודה הנשארה שרש למטה ועשה פרי למעלה׃
2 מְלָכִים י״ט:ל״א
כי מירושלם תצא שארית ופליטה מהר ציון קנאת יהוה תעשה זאת׃
2 מְלָכִים י״ט:ל״ב
לכן כה אמר יהוה אל מלך אשור לא יבא אל העיר הזאת ולא יורה שם חץ ולא יקדמנה מגן ולא ישפך עליה סללה׃
2 מְלָכִים י״ט:ל״ג
בדרך אשר יבא בה ישוב ואל העיר הזאת לא יבא נאם יהוה׃
2 מְלָכִים י״ט:ל״ד
וגנותי אל העיר הזאת להושיעה למעני ולמען דוד עבדי׃
2 מְלָכִים י״ט:ל״ה
ויהי בלילה ההוא ויצא מלאך יהוה ויך במחנה אשור מאה שמונים וחמשה אלף וישכימו בבקר והנה כלם פגרים מתים׃
2 מְלָכִים י״ט:ל״ו
ויסע וילך וישב סנחריב מלך אשור וישב בנינוה׃
2 מְלָכִים י״ט:ל״ז
ויהי הוא משתחוה בית נסרך אלהיו ואדרמלך ושראצר הכהו בחרב והמה נמלטו ארץ אררט וימלך אסר חדן בנו תחתיו׃
2 מְלָכִים כ״א:י״ב
לכן כה אמר יהוה אלהי ישראל הנני מביא רעה על ירושלם ויהודה אשר כל שמעיו תצלנה שתי אזניו׃
2 מְלָכִים כ״א:י״ג
ונטיתי על ירושלם את קו שמרון ואת משקלת בית אחאב ומחיתי את ירושלם כאשר ימחה את הצלחת מחה והפך על פניה׃
2 מְלָכִים כ״א:י״ד
ונטשתי את שארית נחלתי ונתתים ביד איביהם והיו לבז ולמשסה לכל איביהם׃
2 מְלָכִים כ״א:ט״ו
יען אשר עשו את הרע בעיני ויהיו מכעסים אתי מן היום אשר יצאו אבותם ממצרים ועד היום הזה׃
2 מְלָכִים כ״ג:ל״ג
ויאסרהו פרעה נכה ברבלה בארץ חמת במלך בירושלם ויתן ענש על הארץ מאה ככר כסף וככר זהב׃
2 מְלָכִים כ״ג:ל״ד
וימלך פרעה נכה את אליקים בן יאשיהו תחת יאשיהו אביו ויסב את שמו יהויקים ואת יהואחז לקח ויבא מצרים וימת שם׃
2 מְלָכִים כ״ג:ל״ה
והכסף והזהב נתן יהויקים לפרעה אך העריך את הארץ לתת את הכסף על פי פרעה איש כערכו נגש את הכסף ואת הזהב את עם הארץ לתת לפרעה נכה׃
2 מְלָכִים כ״ה:א׳
¶ ויהי בשנת התשיעית למלכו בחדש העשירי בעשור לחדש בא נבכדנאצר מלך בבל הוא וכל חילו על ירושלם ויחן עליה ויבנו עליה דיק סביב׃
2 מְלָכִים כ״ה:ב׳
ותבא העיר במצור עד עשתי עשרה שנה למלך צדקיהו׃
2 מְלָכִים כ״ה:ג׳
בתשעה לחדש ויחזק הרעב בעיר ולא היה לחם לעם הארץ׃
2 מְלָכִים כ״ה:ד׳
ותבקע העיר וכל אנשי המלחמה הלילה דרך שער בין החמתים אשר על גן המלך וכשדים על העיר סביב וילך דרך הערבה׃
2 מְלָכִים כ״ה:ה׳
וירדפו חיל כשדים אחר המלך וישגו אתו בערבות ירחו וכל חילו נפצו מעליו׃
2 מְלָכִים כ״ה:ו׳
ויתפשו את המלך ויעלו אתו אל מלך בבל רבלתה וידברו אתו משפט׃
2 מְלָכִים כ״ה:ז׳
ואת בני צדקיהו שחטו לעיניו ואת עיני צדקיהו עור ויאסרהו בנחשתים ויבאהו בבל׃

מציג 76–100 מתוך 271 פסוקים

הקודם 1 2 3 4 5 6...11 הבא