circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 דִּבְרֵי הַיָּמִים ח׳:ט״ובערך ת״ד לפנה״ס

    ולא סרו מצות המלך על הכהנים והלוים לכל דבר ולאצרות׃

  2. 2 דִּבְרֵי הַיָּמִים ח׳:ט״זבערך ת״ד לפנה״ס

    ותכן כל מלאכת שלמה עד היום מוסד בית יהוה ועד כלתו שלם בית יהוה׃

  3. 2 דִּבְרֵי הַיָּמִים ח׳:י״זבערך ת״ד לפנה״ס

    אז הלך שלמה לעציון גבר ואל אילות על שפת הים בארץ אדום׃

  4. 2 דִּבְרֵי הַיָּמִים ח׳:י״חבערך ת״ד לפנה״ס

    וישלח לו חורם ביד עבדיו אוניות ועבדים יודעי ים ויבאו עם עבדי שלמה אופירה ויקחו משם ארבע מאות וחמשים ככר זהב ויביאו אל המלך שלמה׃

  5. 2 דִּבְרֵי הַיָּמִים ט׳:א׳

    ¶ ומלכת שבא שמעה את שמע שלמה ותבוא לנסות את שלמה בחידות בירושלם בחיל כבד מאד וגמלים נשאים בשמים וזהב לרב ואבן יקרה ותבוא אל שלמה ותדבר עמו את כל אשר היה עם לבבה׃

  6. 2 דִּבְרֵי הַיָּמִים ט׳:ב׳

    ויגד לה שלמה את כל דבריה ולא נעלם דבר משלמה אשר לא הגיד לה׃

  7. 2 דִּבְרֵי הַיָּמִים ט׳:ג׳

    ותרא מלכת שבא את חכמת שלמה והבית אשר בנה׃

  8. 2 דִּבְרֵי הַיָּמִים ט׳:ד׳

    ומאכל שלחנו ומושב עבדיו ומעמד משרתיו ומלבושיהם ומשקיו ומלבושיהם ועליתו אשר יעלה בית יהוה ולא היה עוד בה רוח׃

  9. 2 דִּבְרֵי הַיָּמִים ט׳:ה׳

    ותאמר אל המלך אמת הדבר אשר שמעתי בארצי על דבריך ועל חכמתך׃

  10. 2 דִּבְרֵי הַיָּמִים ט׳:ו׳

    ולא האמנתי לדבריהם עד אשר באתי ותראינה עיני והנה לא הגד לי חצי מרבית חכמתך יספת על השמועה אשר שמעתי׃

  11. 2 דִּבְרֵי הַיָּמִים ט׳:ז׳

    אשרי אנשיך ואשרי עבדיך אלה העמדים לפניך תמיד ושמעים את חכמתך׃

  12. 2 דִּבְרֵי הַיָּמִים ט׳:ח׳

    יהי יהוה אלהיך ברוך אשר חפץ בך לתתך על כסאו למלך ליהוה אלהיך באהבת אלהיך את ישראל להעמידו לעולם ויתנך עליהם למלך לעשות משפט וצדקה׃

  13. 2 דִּבְרֵי הַיָּמִים ט׳:ט׳

    ותתן למלך מאה ועשרים ככר זהב ובשמים לרב מאד ואבן יקרה ולא היה כבשם ההוא אשר נתנה מלכת שבא למלך שלמה׃

  14. 2 דִּבְרֵי הַיָּמִים ט׳:י׳

    וגם עבדי חירם ועבדי שלמה אשר הביאו זהב מאופיר הביאו עצי אלגומים ואבן יקרה׃

  15. 2 דִּבְרֵי הַיָּמִים ט׳:י״א

    ויעש המלך את עצי האלגומים מסלות לבית יהוה ולבית המלך וכנרות ונבלים לשרים ולא נראו כהם לפנים בארץ יהודה׃

  16. 2 דִּבְרֵי הַיָּמִים ט׳:י״ב

    והמלך שלמה נתן למלכת שבא את כל חפצה אשר שאלה מלבד אשר הביאה אל המלך ותהפך ותלך לארצה היא ועבדיה׃

  17. 2 דִּבְרֵי הַיָּמִים ט׳:י״ג

    ויהי משקל הזהב אשר בא לשלמה בשנה אחת שש מאות וששים ושש ככרי זהב׃

  18. 2 דִּבְרֵי הַיָּמִים ט׳:י״ד

    לבד מאנשי התרים והסחרים מביאים וכל מלכי ערב ופחות הארץ מביאים זהב וכסף לשלמה׃

  19. 2 דִּבְרֵי הַיָּמִים ט׳:ט״ו

    ויעש המלך שלמה מאתים צנה זהב שחוט שש מאות זהב שחוט יעלה על הצנה האחת׃

  20. 2 דִּבְרֵי הַיָּמִים ט׳:ט״ז

    ושלש מאות מגנים זהב שחוט שלש מאות זהב יעלה על המגן האחת ויתנם המלך בבית יער הלבנון׃

  21. 2 דִּבְרֵי הַיָּמִים ט׳:י״ז

    ויעש המלך כסא שן גדול ויצפהו זהב טהור׃

  22. 2 דִּבְרֵי הַיָּמִים ט׳:י״ח

    ושש מעלות לכסא וכבש בזהב לכסא מאחזים וידות מזה ומזה על מקום השבת ושנים אריות עמדים אצל הידות׃

  23. 2 דִּבְרֵי הַיָּמִים ט׳:י״ט

    ושנים עשר אריות עמדים שם על שש המעלות מזה ומזה לא נעשה כן לכל ממלכה׃

  24. 2 דִּבְרֵי הַיָּמִים ט׳:כ׳

    וכל כלי משקה המלך שלמה זהב וכל כלי בית יער הלבנון זהב סגור אין כסף נחשב בימי שלמה למאומה׃

  25. 2 דִּבְרֵי הַיָּמִים ט׳:כ״א

    כי אניות למלך הלכות תרשיש עם עבדי חורם אחת לשלוש שנים תבואנה אניות תרשיש נשאות זהב וכסף שנהבים וקופים ותוכיים׃