circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 דִּבְרֵי הַיָּמִים ו׳:כ״טבערך ת״ד לפנה״ס

    כל תפלה כל תחנה אשר יהיה לכל האדם ולכל עמך ישראל אשר ידעו איש נגעו ומכאבו ופרש כפיו אל הבית הזה׃

  2. 2 דִּבְרֵי הַיָּמִים ו׳:ל׳בערך ת״ד לפנה״ס

    ואתה תשמע מן השמים מכון שבתך וסלחת ונתתה לאיש ככל דרכיו אשר תדע את לבבו כי אתה לבדך ידעת את לבב בני האדם׃

  3. 2 דִּבְרֵי הַיָּמִים ו׳:ל״אבערך ת״ד לפנה״ס

    למען ייראוך ללכת בדרכיך כל הימים אשר הם חיים על פני האדמה אשר נתתה לאבתינו׃

  4. 2 דִּבְרֵי הַיָּמִים ו׳:ל״בבערך ת״ד לפנה״ס

    וגם אל הנכרי אשר לא מעמך ישראל הוא ובא מארץ רחוקה למען שמך הגדול וידך החזקה וזרועך הנטויה ובאו והתפללו אל הבית הזה׃

  5. 2 דִּבְרֵי הַיָּמִים ו׳:ל״גבערך ת״ד לפנה״ס

    ואתה תשמע מן השמים ממכון שבתך ועשית ככל אשר יקרא אליך הנכרי למען ידעו כל עמי הארץ את שמך וליראה אתך כעמך ישראל ולדעת כי שמך נקרא על הבית הזה אשר בניתי׃

  6. 2 דִּבְרֵי הַיָּמִים ו׳:ל״דבערך ת״ד לפנה״ס

    כי יצא עמך למלחמה על אויביו בדרך אשר תשלחם והתפללו אליך דרך העיר הזאת אשר בחרת בה והבית אשר בניתי לשמך׃

  7. 2 דִּבְרֵי הַיָּמִים ו׳:ל״הבערך ת״ד לפנה״ס

    ושמעת מן השמים את תפלתם ואת תחנתם ועשית משפטם׃

  8. 2 דִּבְרֵי הַיָּמִים ו׳:ל״ובערך ת״ד לפנה״ס

    כי יחטאו לך כי אין אדם אשר לא יחטא ואנפת בם ונתתם לפני אויב ושבום שוביהם אל ארץ רחוקה או קרובה׃

  9. 2 דִּבְרֵי הַיָּמִים ו׳:ל״זבערך ת״ד לפנה״ס

    והשיבו אל לבבם בארץ אשר נשבו שם ושבו והתחננו אליך בארץ שבים לאמר חטאנו העוינו ורשענו׃

  10. 2 דִּבְרֵי הַיָּמִים ו׳:ל״חבערך ת״ד לפנה״ס

    ושבו אליך בכל לבם ובכל נפשם בארץ שבים אשר שבו אתם והתפללו דרך ארצם אשר נתתה לאבותם והעיר אשר בחרת ולבית אשר בניתי לשמך׃

  11. 2 דִּבְרֵי הַיָּמִים ו׳:ל״טבערך ת״ד לפנה״ס

    ושמעת מן השמים ממכון שבתך את תפלתם ואת תחנתיהם ועשית משפטם וסלחת לעמך אשר חטאו לך׃

  12. 2 דִּבְרֵי הַיָּמִים ו׳:מ׳בערך ת״ד לפנה״ס

    עתה אלהי יהיו נא עיניך פתחות ואזניך קשבות לתפלת המקום הזה׃

  13. 2 דִּבְרֵי הַיָּמִים ו׳:מ״אבערך ת״ד לפנה״ס

    ועתה קומה יהוה אלהים לנוחך אתה וארון עזך כהניך יהוה אלהים ילבשו תשועה וחסידיך ישמחו בטוב׃

  14. 2 דִּבְרֵי הַיָּמִים ו׳:מ״בבערך ת״ד לפנה״ס

    יהוה אלהים אל תשב פני משיחיך זכרה לחסדי דויד עבדך׃

  15. 2 דִּבְרֵי הַיָּמִים ז׳:א׳בערך ת״ד לפנה״ס

    ¶ וככלות שלמה להתפלל והאש ירדה מהשמים ותאכל העלה והזבחים וכבוד יהוה מלא את הבית׃

  16. 2 דִּבְרֵי הַיָּמִים ז׳:ב׳בערך ת״ד לפנה״ס

    ולא יכלו הכהנים לבוא אל בית יהוה כי מלא כבוד יהוה את בית יהוה׃

  17. 2 דִּבְרֵי הַיָּמִים ז׳:ג׳בערך ת״ד לפנה״ס

    וכל בני ישראל ראים ברדת האש וכבוד יהוה על הבית ויכרעו אפים ארצה על הרצפה וישתחוו והודות ליהוה כי טוב כי לעולם חסדו׃

  18. 2 דִּבְרֵי הַיָּמִים ז׳:ד׳בערך ת״ד לפנה״ס

    והמלך וכל העם זבחים זבח לפני יהוה׃

  19. 2 דִּבְרֵי הַיָּמִים ז׳:ה׳בערך ת״ד לפנה״ס

    ויזבח המלך שלמה את זבח הבקר עשרים ושנים אלף וצאן מאה ועשרים אלף ויחנכו את בית האלהים המלך וכל העם׃

  20. 2 דִּבְרֵי הַיָּמִים ז׳:ו׳בערך ת״ד לפנה״ס

    והכהנים על משמרותם עמדים והלוים בכלי שיר יהוה אשר עשה דויד המלך להדות ליהוה כי לעולם חסדו בהלל דויד בידם והכהנים מחצצרים נגדם וכל ישראל עמדים׃

  21. 2 דִּבְרֵי הַיָּמִים ז׳:ז׳בערך ת״ד לפנה״ס

    ויקדש שלמה את תוך החצר אשר לפני בית יהוה כי עשה שם העלות ואת חלבי השלמים כי מזבח הנחשת אשר עשה שלמה לא יכול להכיל את העלה ואת המנחה ואת החלבים׃

  22. 2 דִּבְרֵי הַיָּמִים ז׳:ח׳בערך ת״ד לפנה״ס

    ויעש שלמה את החג בעת ההיא שבעת ימים וכל ישראל עמו קהל גדול מאד מלבוא חמת עד נחל מצרים׃

  23. 2 דִּבְרֵי הַיָּמִים ז׳:ט׳בערך ת״ד לפנה״ס

    ויעשו ביום השמיני עצרת כי חנכת המזבח עשו שבעת ימים והחג שבעת ימים׃

  24. 2 דִּבְרֵי הַיָּמִים ז׳:י׳בערך ת״ד לפנה״ס

    וביום עשרים ושלשה לחדש השביעי שלח את העם לאהליהם שמחים וטובי לב על הטובה אשר עשה יהוה לדויד ולשלמה ולישראל עמו׃

  25. 2 דִּבְרֵי הַיָּמִים ז׳:י״אבערך ת״ד לפנה״ס

    ויכל שלמה את בית יהוה ואת בית המלך ואת כל הבא על לב שלמה לעשות בבית יהוה ובביתו הצליח׃