circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 דִּבְרֵי הַיָּמִים ו׳:ד׳בערך ת״ד לפנה״ס

    ויאמר ברוך יהוה אלהי ישראל אשר דבר בפיו את דויד אבי ובידיו מלא לאמר׃

  2. 2 דִּבְרֵי הַיָּמִים ו׳:ה׳בערך ת״ד לפנה״ס

    מן היום אשר הוצאתי את עמי מארץ מצרים לא בחרתי בעיר מכל שבטי ישראל לבנות בית להיות שמי שם ולא בחרתי באיש להיות נגיד על עמי ישראל׃

  3. 2 דִּבְרֵי הַיָּמִים ו׳:ו׳בערך ת״ד לפנה״ס

    ואבחר בירושלם להיות שמי שם ואבחר בדויד להיות על עמי ישראל׃

  4. 2 דִּבְרֵי הַיָּמִים ו׳:ז׳בערך ת״ד לפנה״ס

    ויהי עם לבב דויד אבי לבנות בית לשם יהוה אלהי ישראל׃

  5. 2 דִּבְרֵי הַיָּמִים ו׳:ח׳בערך ת״ד לפנה״ס

    ויאמר יהוה אל דויד אבי יען אשר היה עם לבבך לבנות בית לשמי הטיבות כי היה עם לבבך׃

  6. 2 דִּבְרֵי הַיָּמִים ו׳:ט׳בערך ת״ד לפנה״ס

    רק אתה לא תבנה הבית כי בנך היוצא מחלציך הוא יבנה הבית לשמי׃

  7. 2 דִּבְרֵי הַיָּמִים ו׳:י׳בערך ת״ד לפנה״ס

    ויקם יהוה את דברו אשר דבר ואקום תחת דויד אבי ואשב על כסא ישראל כאשר דבר יהוה ואבנה הבית לשם יהוה אלהי ישראל׃

  8. 2 דִּבְרֵי הַיָּמִים ו׳:י״אבערך ת״ד לפנה״ס

    ואשים שם את הארון אשר שם ברית יהוה אשר כרת עם בני ישראל׃

  9. 2 דִּבְרֵי הַיָּמִים ו׳:י״בבערך ת״ד לפנה״ס

    ויעמד לפני מזבח יהוה נגד כל קהל ישראל ויפרש כפיו׃

  10. 2 דִּבְרֵי הַיָּמִים ו׳:י״גבערך ת״ד לפנה״ס

    כי עשה שלמה כיור נחשת ויתנהו בתוך העזרה חמש אמות ארכו וחמש אמות רחבו ואמות שלוש קומתו ויעמד עליו ויברך על ברכיו נגד כל קהל ישראל ויפרש כפיו השמימה׃

  11. 2 דִּבְרֵי הַיָּמִים ו׳:י״דבערך ת״ד לפנה״ס

    ויאמר יהוה אלהי ישראל אין כמוך אלהים בשמים ובארץ שמר הברית והחסד לעבדיך ההלכים לפניך בכל לבם׃

  12. 2 דִּבְרֵי הַיָּמִים ו׳:ט״ובערך ת״ד לפנה״ס

    אשר שמרת לעבדך דויד אבי את אשר דברת לו ותדבר בפיך ובידך מלאת כיום הזה׃

  13. 2 דִּבְרֵי הַיָּמִים ו׳:ט״זבערך ת״ד לפנה״ס

    ועתה יהוה אלהי ישראל שמר לעבדך דויד אבי את אשר דברת לו לאמר לא יכרת לך איש מלפני יושב על כסא ישראל רק אם ישמרו בניך את דרכם ללכת בתורתי כאשר הלכת לפני׃

  14. 2 דִּבְרֵי הַיָּמִים ו׳:י״זבערך ת״ד לפנה״ס

    ועתה יהוה אלהי ישראל יאמן דברך אשר דברת לעבדך לדויד׃

  15. 2 דִּבְרֵי הַיָּמִים ו׳:י״חבערך ת״ד לפנה״ס

    כי האמנם ישב אלהים את האדם על הארץ הנה שמים ושמי השמים לא יכלכלוך אף כי הבית הזה אשר בניתי׃

  16. 2 דִּבְרֵי הַיָּמִים ו׳:י״טבערך ת״ד לפנה״ס

    ופנית אל תפלת עבדך ואל תחנתו יהוה אלהי לשמע אל הרנה ואל התפלה אשר עבדך מתפלל לפניך׃

  17. 2 דִּבְרֵי הַיָּמִים ו׳:כ׳בערך ת״ד לפנה״ס

    להיות עיניך פתחות אל הבית הזה יומם ולילה אל המקום אשר אמרת לשום שמך שם לשמוע אל התפלה אשר יתפלל עבדך אל המקום הזה׃

  18. 2 דִּבְרֵי הַיָּמִים ו׳:כ״אבערך ת״ד לפנה״ס

    ושמעת אל תחנוני עבדך ועמך ישראל אשר יתפללו אל המקום הזה ואתה תשמע ממקום שבתך מן השמים ושמעת וסלחת׃

  19. 2 דִּבְרֵי הַיָּמִים ו׳:כ״בבערך ת״ד לפנה״ס

    אם יחטא איש לרעהו ונשא בו אלה להאלתו ובא אלה לפני מזבחך בבית הזה׃

  20. 2 דִּבְרֵי הַיָּמִים ו׳:כ״גבערך ת״ד לפנה״ס

    ואתה תשמע מן השמים ועשית ושפטת את עבדיך להשיב לרשע לתת דרכו בראשו ולהצדיק צדיק לתת לו כצדקתו׃

  21. 2 דִּבְרֵי הַיָּמִים ו׳:כ״דבערך ת״ד לפנה״ס

    ואם ינגף עמך ישראל לפני אויב כי יחטאו לך ושבו והודו את שמך והתפללו והתחננו לפניך בבית הזה׃

  22. 2 דִּבְרֵי הַיָּמִים ו׳:כ״הבערך ת״ד לפנה״ס

    ואתה תשמע מן השמים וסלחת לחטאת עמך ישראל והשיבותם אל האדמה אשר נתתה להם ולאבתיהם׃

  23. 2 דִּבְרֵי הַיָּמִים ו׳:כ״ובערך ת״ד לפנה״ס

    בהעצר השמים ולא יהיה מטר כי יחטאו לך והתפללו אל המקום הזה והודו את שמך מחטאתם ישובון כי תענם׃

  24. 2 דִּבְרֵי הַיָּמִים ו׳:כ״זבערך ת״ד לפנה״ס

    ואתה תשמע השמים וסלחת לחטאת עבדיך ועמך ישראל כי תורם אל הדרך הטובה אשר ילכו בה ונתתה מטר על ארצך אשר נתתה לעמך לנחלה׃

  25. 2 דִּבְרֵי הַיָּמִים ו׳:כ״חבערך ת״ד לפנה״ס

    רעב כי יהיה בארץ דבר כי יהיה שדפון וירקון ארבה וחסיל כי יהיה כי יצר לו אויביו בארץ שעריו כל נגע וכל מחלה׃