circa 1446 BC

Moses & The Exodus

God raises up Moses to confront Pharaoh; the ten plagues culminate in Israel's dramatic deliverance from four centuries of bondage.

415 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. שְׁמֹות ד׳:ז׳בערך תצ״א לפנה״ס

    ויאמר השב ידך אל חיקך וישב ידו אל חיקו ויוצאה מחיקו והנה שבה כבשרו׃

  2. שְׁמֹות ד׳:ח׳בערך תצ״א לפנה״ס

    והיה אם לא יאמינו לך ולא ישמעו לקל האת הראשון והאמינו לקל האת האחרון׃

  3. שְׁמֹות ד׳:ט׳בערך תצ״א לפנה״ס

    והיה אם לא יאמינו גם לשני האתות האלה ולא ישמעון לקלך ולקחת ממימי היאר ושפכת היבשה והיו המים אשר תקח מן היאר והיו לדם ביבשת׃

  4. שְׁמֹות ד׳:י׳בערך תצ״א לפנה״ס

    ויאמר משה אל יהוה בי אדני לא איש דברים אנכי גם מתמול גם משלשם גם מאז דברך אל עבדך כי כבד פה וכבד לשון אנכי׃

  5. שְׁמֹות ד׳:י״אבערך תצ״א לפנה״ס

    ויאמר יהוה אליו מי שם פה לאדם או מי ישום אלם או חרש או פקח או עור הלא אנכי יהוה׃

  6. שְׁמֹות ד׳:י״בבערך תצ״א לפנה״ס

    ועתה לך ואנכי אהיה עם פיך והוריתיך אשר תדבר׃

  7. שְׁמֹות ד׳:י״גבערך תצ״א לפנה״ס

    ויאמר בי אדני שלח נא ביד תשלח׃

  8. שְׁמֹות ד׳:י״דבערך תצ״א לפנה״ס

    ויחר אף יהוה במשה ויאמר הלא אהרן אחיך הלוי ידעתי כי דבר ידבר הוא וגם הנה הוא יצא לקראתך וראך ושמח בלבו׃

  9. שְׁמֹות ד׳:ט״ובערך תצ״א לפנה״ס

    ודברת אליו ושמת את הדברים בפיו ואנכי אהיה עם פיך ועם פיהו והוריתי אתכם את אשר תעשון׃

  10. שְׁמֹות ד׳:ט״זבערך תצ״א לפנה״ס

    ודבר הוא לך אל העם והיה הוא יהיה לך לפה ואתה תהיה לו לאלהים׃

  11. שְׁמֹות ד׳:י״זבערך תצ״א לפנה״ס

    ואת המטה הזה תקח בידך אשר תעשה בו את האתת׃

  12. שְׁמֹות ד׳:י״חבערך תצ״א לפנה״ס

    וילך משה וישב אל יתר חתנו ויאמר לו אלכה נא ואשובה אל אחי אשר במצרים ואראה העודם חיים ויאמר יתרו למשה לך לשלום׃

  13. שְׁמֹות ד׳:י״טבערך תצ״א לפנה״ס

    ויאמר יהוה אל משה במדין לך שב מצרים כי מתו כל האנשים המבקשים את נפשך׃

  14. שְׁמֹות ד׳:כ׳בערך תצ״א לפנה״ס

    ויקח משה את אשתו ואת בניו וירכבם על החמר וישב ארצה מצרים ויקח משה את מטה האלהים בידו׃

  15. שְׁמֹות ד׳:כ״אבערך תצ״א לפנה״ס

    ויאמר יהוה אל משה בלכתך לשוב מצרימה ראה כל המפתים אשר שמתי בידך ועשיתם לפני פרעה ואני אחזק את לבו ולא ישלח את העם׃

  16. שְׁמֹות ד׳:כ״בבערך תצ״א לפנה״ס

    ואמרת אל פרעה כה אמר יהוה בני בכרי ישראל׃

  17. שְׁמֹות ד׳:כ״גבערך תצ״א לפנה״ס

    ואמר אליך שלח את בני ויעבדני ותמאן לשלחו הנה אנכי הרג את בנך בכרך׃

  18. שְׁמֹות ד׳:כ״דבערך תצ״א לפנה״ס

    ויהי בדרך במלון ויפגשהו יהוה ויבקש המיתו׃

  19. שְׁמֹות ד׳:כ״הבערך תצ״א לפנה״ס

    ותקח צפרה צר ותכרת את ערלת בנה ותגע לרגליו ותאמר כי חתן דמים אתה לי׃

  20. שְׁמֹות ד׳:כ״ובערך תצ״א לפנה״ס

    וירף ממנו אז אמרה חתן דמים למולת׃

  21. שְׁמֹות ד׳:כ״זבערך תצ״א לפנה״ס

    ויאמר יהוה אל אהרן לך לקראת משה המדברה וילך ויפגשהו בהר האלהים וישק לו׃

  22. שְׁמֹות ד׳:כ״חבערך תצ״א לפנה״ס

    ויגד משה לאהרן את כל דברי יהוה אשר שלחו ואת כל האתת אשר צוהו׃

  23. שְׁמֹות ד׳:כ״טבערך תצ״א לפנה״ס

    וילך משה ואהרן ויאספו את כל זקני בני ישראל׃

  24. שְׁמֹות ד׳:ל׳בערך תצ״א לפנה״ס

    וידבר אהרן את כל הדברים אשר דבר יהוה אל משה ויעש האתת לעיני העם׃

  25. שְׁמֹות ד׳:ל״אבערך תצ״א לפנה״ס

    ויאמן העם וישמעו כי פקד יהוה את בני ישראל וכי ראה את ענים ויקדו וישתחוו׃