Solomon

275 פסוקים · 27 בני משפחה

ידוע גם בשם: Jedidiah

פסוקים המזכירים את Solomon

סינון לפי ספר
  1. 2 דִּבְרֵי הַיָּמִים ז׳:ז׳

    ויקדש שלמה את תוך החצר אשר לפני בית יהוה כי עשה שם העלות ואת חלבי השלמים כי מזבח הנחשת אשר עשה שלמה לא יכול להכיל את העלה ואת המנחה ואת החלבים׃

  2. 2 דִּבְרֵי הַיָּמִים ז׳:ח׳

    ויעש שלמה את החג בעת ההיא שבעת ימים וכל ישראל עמו קהל גדול מאד מלבוא חמת עד נחל מצרים׃

  3. 2 דִּבְרֵי הַיָּמִים ז׳:י׳

    וביום עשרים ושלשה לחדש השביעי שלח את העם לאהליהם שמחים וטובי לב על הטובה אשר עשה יהוה לדויד ולשלמה ולישראל עמו׃

  4. 2 דִּבְרֵי הַיָּמִים ז׳:י״א

    ויכל שלמה את בית יהוה ואת בית המלך ואת כל הבא על לב שלמה לעשות בבית יהוה ובביתו הצליח׃

  5. 2 דִּבְרֵי הַיָּמִים ז׳:י״ב

    וירא יהוה אל שלמה בלילה ויאמר לו שמעתי את תפלתך ובחרתי במקום הזה לי לבית זבח׃

  6. 2 דִּבְרֵי הַיָּמִים ח׳:א׳

    ¶ ויהי מקץ עשרים שנה אשר בנה שלמה את בית יהוה ואת ביתו׃

  7. 2 דִּבְרֵי הַיָּמִים ח׳:ב׳

    והערים אשר נתן חורם לשלמה בנה שלמה אתם ויושב שם את בני ישראל׃

  8. 2 דִּבְרֵי הַיָּמִים ח׳:ג׳

    וילך שלמה חמת צובה ויחזק עליה׃

  9. 2 דִּבְרֵי הַיָּמִים ח׳:ו׳

    ואת בעלת ואת כל ערי המסכנות אשר היו לשלמה ואת כל ערי הרכב ואת ערי הפרשים ואת כל חשק שלמה אשר חשק לבנות בירושלם ובלבנון ובכל ארץ ממשלתו׃

  10. 2 דִּבְרֵי הַיָּמִים ח׳:ח׳

    מן בניהם אשר נותרו אחריהם בארץ אשר לא כלום בני ישראל ויעלם שלמה למס עד היום הזה׃

  11. 2 דִּבְרֵי הַיָּמִים ח׳:ט׳

    ומן בני ישראל אשר לא נתן שלמה לעבדים למלאכתו כי המה אנשי מלחמה ושרי שלישיו ושרי רכבו ופרשיו׃

  12. 2 דִּבְרֵי הַיָּמִים ח׳:י׳

    ואלה שרי הנציבים אשר למלך שלמה חמשים ומאתים הרדים בעם׃

  13. 2 דִּבְרֵי הַיָּמִים ח׳:י״א

    ואת בת פרעה העלה שלמה מעיר דויד לבית אשר בנה לה כי אמר לא תשב אשה לי בבית דויד מלך ישראל כי קדש המה אשר באה אליהם ארון יהוה׃

  14. 2 דִּבְרֵי הַיָּמִים ח׳:י״ב

    אז העלה שלמה עלות ליהוה על מזבח יהוה אשר בנה לפני האולם׃

  15. 2 דִּבְרֵי הַיָּמִים ח׳:ט״ז

    ותכן כל מלאכת שלמה עד היום מוסד בית יהוה ועד כלתו שלם בית יהוה׃

  16. 2 דִּבְרֵי הַיָּמִים ח׳:י״ז

    אז הלך שלמה לעציון גבר ואל אילות על שפת הים בארץ אדום׃

  17. 2 דִּבְרֵי הַיָּמִים ח׳:י״ח

    וישלח לו חורם ביד עבדיו אוניות ועבדים יודעי ים ויבאו עם עבדי שלמה אופירה ויקחו משם ארבע מאות וחמשים ככר זהב ויביאו אל המלך שלמה׃

  18. 2 דִּבְרֵי הַיָּמִים ט׳:א׳

    ¶ ומלכת שבא שמעה את שמע שלמה ותבוא לנסות את שלמה בחידות בירושלם בחיל כבד מאד וגמלים נשאים בשמים וזהב לרב ואבן יקרה ותבוא אל שלמה ותדבר עמו את כל אשר היה עם לבבה׃

  19. 2 דִּבְרֵי הַיָּמִים ט׳:ב׳

    ויגד לה שלמה את כל דבריה ולא נעלם דבר משלמה אשר לא הגיד לה׃

  20. 2 דִּבְרֵי הַיָּמִים ט׳:ג׳

    ותרא מלכת שבא את חכמת שלמה והבית אשר בנה׃

  21. 2 דִּבְרֵי הַיָּמִים ט׳:ט׳

    ותתן למלך מאה ועשרים ככר זהב ובשמים לרב מאד ואבן יקרה ולא היה כבשם ההוא אשר נתנה מלכת שבא למלך שלמה׃

  22. 2 דִּבְרֵי הַיָּמִים ט׳:י׳

    וגם עבדי חירם ועבדי שלמה אשר הביאו זהב מאופיר הביאו עצי אלגומים ואבן יקרה׃

  23. 2 דִּבְרֵי הַיָּמִים ט׳:י״ב

    והמלך שלמה נתן למלכת שבא את כל חפצה אשר שאלה מלבד אשר הביאה אל המלך ותהפך ותלך לארצה היא ועבדיה׃

  24. 2 דִּבְרֵי הַיָּמִים ט׳:י״ג

    ויהי משקל הזהב אשר בא לשלמה בשנה אחת שש מאות וששים ושש ככרי זהב׃

  25. 2 דִּבְרֵי הַיָּמִים ט׳:י״ד

    לבד מאנשי התרים והסחרים מביאים וכל מלכי ערב ופחות הארץ מביאים זהב וכסף לשלמה׃