Jesus

¶ ויען ישוע ויסף דבר במשלים אליהם לאמר׃

וילכו הפרושים ויתיעצו איך יכשילהו בדבר׃

וישלחו אליו את תלמידיהם עם ההורדוסיים לאמר רבי ידענו כי איש אמת אתה ותורה באמת את דרך אלהים ולא תגור מפני איש כי אינך מכיר פני אדם׃

לכן הגידה נא לנו את דעתך הנכון לנו לתת מס אל הקיסר אם לא׃

וישוע ידע את רשעתם ויאמר החנפים מה תנסוני׃

הראוני את מטבע המס ויביאו לו דינר׃

ויאמר אליהם של מי הצורה הזאת והמכתב אשר עליו׃

ויאמרו אליו של הקיסר ויאמר אליהם לכן תנו לקיסר את אשר לקיסר ולאלהים את אשר לאלהים׃

וכשמעם את זאת תמהו ויעזבהו וילכו להם׃

ביום ההוא נגשו אליו צדוקים האמרים כי אין תחית המתים וישאלו אתו לאמר׃

ויען ישוע ויאמר להם טעים אתם באשר אינכם יודעים את הכתובים וגם את גבורת האלהים׃

וישמע המון העם וישתומממו על תורתו׃

והפרושים כשמעם כי סכר פי הצדוקים ויועדו יחדו׃

ואחד מהם מבין בתורה שאל אתו לנסותו לאמר׃

ויאמר ישוע אליו ואהבת את יהוה אלהיך בכל לבבך ובכל נפשך ובכל מדעך׃

ויהי בהקהל הפרושים וישאלם ישוע לאמר׃

מה דעתכם על המשיח בן מי הוא ויאמרו אליו בן דוד׃

ויאמר אליהם ואיך קרא לו דוד ברוח אדון באמרו׃

נאם יהוה לאדני שב לימיני עד אשית איביך הדם לרגליך׃

ועתה אם דוד קרא לו אדון איך הוא בנו׃

ולא יכל איש לענות אתו דבר ולא ערב עוד איש את לבו מן היום ההוא לשאל אותו׃

¶ אז ידבר ישוע אל המון העם ואל תלמידיו לאמר׃

אולם אתם אל תקראו רבי כי אחד הוא רבכם המשיח ואתם אחים כלכם׃

ואל תקראו אב לאיש מכם על האדמה כי אחד הוא אביכם אשר בשמים׃

גם אל תקראו מנהיגים כי אחד הוא מנהיגכם המשיח׃