פסוקים על Paul

619 פסוקים · 103 היבטים

פסוקי מפתח

סינון לפי ספר
  1. מַעֲשֵׂי הַשְּׁלִיחִים ב׳:כ״ד

    והאלהים הקימו מן המתים בהתיר את חבלי המות באשר נמנע מן המות לעצר אתו׃

  2. מַעֲשֵׂי הַשְּׁלִיחִים ז׳:נ״ח

    וידחפהו חוצה לעיר ויסקלו אתו באבנים והעדים פשטו את בגדיהם לרגלי בחור אחד ושמו שאול׃

  3. מַעֲשֵׂי הַשְּׁלִיחִים ח׳:א׳

    ¶ ושאול גם הוא היה רצה בהרגתו ותהי ביום ההוא רדיפה גדולה על הקהלה אשר בירושלים ויפצו כלם בערי יהודה ושמרון לבד מן השליחים׃

  4. מַעֲשֵׂי הַשְּׁלִיחִים ח׳:ג׳

    ושאול החריב את הקהלה וישוטט בבתים ויסחב משם אנשים ונשים ויסגירם לכלא׃

  5. מַעֲשֵׂי הַשְּׁלִיחִים ט׳:א׳

    ¶ ושאול עודנו יפח זעם ורצח על תלמידי האדון ויבא אל הכהן הגדול׃

  6. מַעֲשֵׂי הַשְּׁלִיחִים ט׳:ב׳

    וישאל מאתו מכתבים לדמשק אל בתי הכנסיות למען אשר יאסר את אשר ימצא בדרך ההיא אנשים או נשים ויביאם ירושלים׃

  7. מַעֲשֵׂי הַשְּׁלִיחִים ט׳:ג׳

    ויהי הוא הלך וקרב לדמשק והנה פתאם נגה עליו מסביב אור מן השמים׃

  8. מַעֲשֵׂי הַשְּׁלִיחִים ט׳:ד׳

    ויפל ארצה וישמע קול מדבר אליו שאול שאול למה תרדפני׃

  9. מַעֲשֵׂי הַשְּׁלִיחִים ט׳:ה׳

    ויאמר מי אתה אדני ויאמר האדון אנכי ישוע אשר אתה רודף קשה לך לבעט בדרבנות׃

  10. מַעֲשֵׂי הַשְּׁלִיחִים ט׳:ו׳

    והוא חרד ונבעת ויאמר אדני מה תחפץ ואעשה ויען האדון קום לך העירה ויאמר לך את אשר עליך לעשות׃

  11. מַעֲשֵׂי הַשְּׁלִיחִים ט׳:ז׳

    והאנשים אשר הלכו אתו עמדו נאלמים כי שמעו את הקול ואיש לא הביטו׃

  12. מַעֲשֵׂי הַשְּׁלִיחִים ט׳:ח׳

    ויקם שאול מן הארץ ובפתחו את עיניו לא ראה איש ויחזיקו בידו ויוליכהו לדמשק׃

  13. מַעֲשֵׂי הַשְּׁלִיחִים ט׳:ט׳

    ויחשכו עיניו מראות שלשת ימים ולא אכל ולא שתה׃

  14. מַעֲשֵׂי הַשְּׁלִיחִים ט׳:י׳

    ותלמיד אחד היה בדמשק חנניה שמו ויאמר אליו האדון במחזה חנניה ויאמר הנני אדני׃

  15. מַעֲשֵׂי הַשְּׁלִיחִים ט׳:י״א

    ויאמר אליו האדון קום לך אל הרחוב הנקרא הישר ושאל בבית יהודה לאיש טרסי ושמו שאול כי הנה הוא מתפלל׃

  16. מַעֲשֵׂי הַשְּׁלִיחִים ט׳:י״ב

    וירא במחזה והנה איש ושמו חנניה בא החדרה ושם עליו את ידו למען ישוב ויראה׃

  17. מַעֲשֵׂי הַשְּׁלִיחִים ט׳:י״ג

    ויען חנניה ויאמר אדני שמעתי רבים מספרים על האיש הזה כמה רעות עשה לקדושיך בירושלים׃

  18. מַעֲשֵׂי הַשְּׁלִיחִים ט׳:י״ד

    וגם פה רשיון יש לו מאת ראשי הכהנים לאסר את כל הקראים בשמך׃

  19. מַעֲשֵׂי הַשְּׁלִיחִים ט׳:ט״ו

    ויאמר אליו האדון לך כי כלי חפץ הוא לי לשאת את שמי לפני גוים ומלכים ולפני בני ישראל׃

  20. מַעֲשֵׂי הַשְּׁלִיחִים ט׳:ט״ז

    כי אני אראהו כמה יש לו לסבל למען שמי׃

  21. מַעֲשֵׂי הַשְּׁלִיחִים ט׳:י״ז

    וילך חנניה ויבא הביתה וישם את ידיו עליו ויאמר שאול אחי האדון ישוע הנראה אליך בדרך אשר באת בה שלחני למען תשוב ותראה ותמלא רוח הקדש׃

  22. מַעֲשֵׂי הַשְּׁלִיחִים ט׳:י״ח

    וכרגע נפלו מעל עיניו כמו קשקשים וישב פתאם לראות ויקם ויטבל׃

  23. מַעֲשֵׂי הַשְּׁלִיחִים ט׳:י״ט

    ויאכל לחם ויחזק וישב שאול ימים אחדים עם התלמידים אשר בדמשק׃

  24. מַעֲשֵׂי הַשְּׁלִיחִים ט׳:כ׳

    וימהר ויקרא בבתי הכנסיות את המשיח לאמר כי הוא הוא בן האלהים׃

  25. מַעֲשֵׂי הַשְּׁלִיחִים ט׳:כ״א

    וישתוממו כל השמעים ויאמרו הלא זה הוא אשר האביד בירושלים את קראי השם הזה ולמען זאת בא הנה להביאם אסורים לפני ראשי הכהנים׃