פסוקים על Paul: His defense

29 פסוקים · 103 היבטים

פסוקים על His defense

  1. מַעֲשֵׂי הַשְּׁלִיחִים כ״א:ל״ג

    ויגש שר האלף ויחזק בו ויצו לאסרו בנחשתים וישאל מי הוא זה ומה עשה׃

  2. מַעֲשֵׂי הַשְּׁלִיחִים כ״א:ל״ד

    ויענו מן העם אלה בכה ואלה בכה ולא יכל לדעת מאומה אל נכון מרב השאון ויצו להוליכו אל המצד׃

  3. מַעֲשֵׂי הַשְּׁלִיחִים כ״א:ל״ה

    ויהי כבואו עד המעלות וישאהו אנשי הצבא מפני חמת העם׃

  4. מַעֲשֵׂי הַשְּׁלִיחִים כ״א:ל״ו

    כי עם רב הלך אחריו והם צעקים ואמרים הסר אתו׃

  5. מַעֲשֵׂי הַשְּׁלִיחִים כ״א:ל״ז

    וכאשר הקריב פולוס להאסף אל המצד אמר אל שר האלף התניח לי לדבר אליך דבר ויאמר הידעת יונית׃

  6. מַעֲשֵׂי הַשְּׁלִיחִים כ״א:ל״ח

    האם אינך המצרי אשר לפני הימים האלה העיר מרד והוציא המדברה ארבעת אלפים אנשי דמים׃

  7. מַעֲשֵׂי הַשְּׁלִיחִים כ״א:ל״ט

    ויאמר פולוס איש יהודי אנכי מטרסוס בן עיר קיליקיא אשר איננה בלי שם ועתה אשאלה מאתך הניחה לי לדבר אל העם׃

  8. מַעֲשֵׂי הַשְּׁלִיחִים כ״א:מ׳

    וינח לו ויעמד פולוס על המעלות הניף ידו אל העם ותהי דממה רבה וידבר בלשון עברית ויאמר׃

  9. מַעֲשֵׂי הַשְּׁלִיחִים כ״ב:א׳

    ¶ אנשים אחים ואבות שמעו נא את דברי התנצלותי אליכם׃

  10. מַעֲשֵׂי הַשְּׁלִיחִים כ״ב:ב׳

    ויהי כשמעם כי הוא מדבר אליהם בלשון עברית ויחשו עוד יותר׃

  11. מַעֲשֵׂי הַשְּׁלִיחִים כ״ב:ג׳

    ויאמר איש יהודי אנכי נולד בטרסוס אשר בקיליקיא ומגדל בעיר הזאת לרגלי גמליאל ומלמד לפי דקדוקי תורת אבותינו ואהי מקנא לאלהים כמוכם כלכם היום׃

  12. מַעֲשֵׂי הַשְּׁלִיחִים כ״ב:ד׳

    וארדף את הדרך הזאת עד מות ואהי אסר ומסגיר לכלא אנשים ונשים׃

  13. מַעֲשֵׂי הַשְּׁלִיחִים כ״ב:ה׳

    כאשר גם יעיד עלי הכהן הגדול וכל בית הזקנים אשר מהם לקחתי מכתבים ואלך אל האחים לדמשק לאסר אף את הנמצאים שמה להביאם ירושלים למען יוסרו׃

  14. מַעֲשֵׂי הַשְּׁלִיחִים כ״ב:ו׳

    ויהי אנכי הלך וקרב לדמשק כעת צהרים ופתאם נגה עלי מסביב אור גדול מן השמים׃

  15. מַעֲשֵׂי הַשְּׁלִיחִים כ״ב:ז׳

    ואפל ארצה ואשמע קול מדבר אלי שאול שאול למה תרדפני׃

  16. מַעֲשֵׂי הַשְּׁלִיחִים כ״ב:ח׳

    ואען ואמר מי אתה אדני ויאמר אלי אני ישוע הנצרי אשר אתה רדפו׃

  17. מַעֲשֵׂי הַשְּׁלִיחִים כ״ב:ט׳

    והאנשים אשר אתי ראו את האור וייראו ואת קול המדבר אלי לא שמעו׃

  18. מַעֲשֵׂי הַשְּׁלִיחִים כ״ב:י׳

    ואמר מה אעשה אדני ויאמר אלי האדון קום לך אל דמשק ושם יאמר לך את כל אשר צוית לעשות׃

  19. מַעֲשֵׂי הַשְּׁלִיחִים כ״ב:י״א

    ואני לא יכלתי לראות מפני זהר האור ההוא והאנשים אשר אתי הוליכוני ביד ואבא לדמשק׃

  20. מַעֲשֵׂי הַשְּׁלִיחִים כ״ב:י״ב

    ואיש חסיד כפי התורה ושמו חנניה אשר קנה לו שם טוב בקרב כל היהודים הישבים שם׃

  21. מַעֲשֵׂי הַשְּׁלִיחִים כ״ב:י״ג

    ויבא אלי ויעמד ויאמר אלי שאול אחי שוב ראה ובשעה ההיא נפקחו עיני וראיתיהו׃

  22. מַעֲשֵׂי הַשְּׁלִיחִים כ״ב:י״ד

    ויאמר אלהי אבותינו בחר בך לדעת את רצונו ולראות את הצדיק ולשמע קול מפיהו׃

  23. מַעֲשֵׂי הַשְּׁלִיחִים כ״ב:ט״ו

    כי היו תהיה לו לעד אל כל בני האדם על כל אשר ראית ושמעת׃

  24. מַעֲשֵׂי הַשְּׁלִיחִים כ״ב:ט״ז

    ועתה למה תתמהמה קום והטבל והתרחץ מחטאתיך בקראך בשמו׃

  25. מַעֲשֵׂי הַשְּׁלִיחִים כ״ב:י״ז

    ויהי בשובי אל ירושלים ואתפלל במקדש ותהי עלי יד יהוה׃