פסוקים על Paul: Sent unto the Gentiles

ויהי בשרתם את יהוה ובצומם ויאמר רוח הקדש הבדילו לי את בר נבא ואת שאול למלאכה אשר קראתים לה׃

ויצומו ויתפללו ויסמכו את ידיהם עליהם וישלחום׃

כי כן צוה עלינו האדון נתתיך לאור גוים להיות ישועתי עד קצה הארץ׃

וישמחו הגוים כשמעם ויהללו את דבר יהוה ויאמינו כל אשר היו מוכנים לחיי עולם׃

ויהי בשובי אל ירושלים ואתפלל במקדש ותהי עלי יד יהוה׃

וארא אותו מדבר אלי חושה צא במהרה מירושלים כי לא יקבלו את עדותך עלי׃

ואמר הלא הם יודעים את אשר השלכתי אל הכלא והלקיתי בבתי הכנסיות את המאמינים בך׃

ובהשפך דם אסטפנוס עדך אף אני עמדתי שם חפץ בהרגתו ושומר את בגדי הרגיו׃

ויאמר אלי לך כי אני אל הגיום עד למרחוק אשלחך׃

כי אליכם הגוים אני מדבר וכפי אשר שליח הגוים אנכי את שרותי אפאר׃

להיותי משרת ישוע המשיח לגוים ולכהן בבשורת האלהים למען יהיה קרבן הגוים רצוי ומקדש ברוח הקדש׃

אך כאשר היה רצון האלהים אשר הבדיל אתי מרחם אמי ויקראני בחסדו׃

לגלות בי את בנו שאבשרנו בגוים מיד לא נועצתי עם בשר ודם׃

גם לא עליתי ירושלים אל אשר היו שליחים לפני כי אם הלכתי לערב ומשם שבתי אל דמשק׃

אחרי כן מקץ שלש שנים עליתי ירושלים לראות את כיפא ואשב עמו חמשה עשר יום׃

ואחר מן השליחים לא ראיתי זולתי את יעקב אחי אדנינו׃

ואשר אני כתב אליכם הנה נגד האלהים כי לא אכזב׃

אחרי כן באתי אל גלילות סוריא וקיליקיא׃

אבל קהלות יהודה אשר במשיח הנה לא ידעו את פני׃

רק זאת בלבד שמעו כי האיש ההוא אשר היה רדף אתנו מאז עתה הוא מבשר את האמונה אשר האבידה מלפנים׃

ויהללו בי את האלהים׃