עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ ז׳:ז׳

    ושכנתי אתכם במקום הזה בארץ אשר נתתי לאבותיכם למן עולם ועד עולם׃

  2. יִרְמְיָהוּ ז׳:י׳

    ובאתם ועמדתם לפני בבית הזה אשר נקרא שמי עליו ואמרתם נצלנו למען עשות את כל התועבות האלה׃

  3. יִרְמְיָהוּ ז׳:י״א

    המערת פרצים היה הבית הזה אשר נקרא שמי עליו בעיניכם גם אנכי הנה ראיתי נאם יהוה׃

  4. יִרְמְיָהוּ ז׳:י״ב

    כי לכו נא אל מקומי אשר בשילו אשר שכנתי שמי שם בראשונה וראו את אשר עשיתי לו מפני רעת עמי ישראל׃

  5. יִרְמְיָהוּ ז׳:י״ג

    ועתה יען עשותכם את כל המעשים האלה נאם יהוה ואדבר אליכם השכם ודבר ולא שמעתם ואקרא אתכם ולא עניתם׃

  6. יִרְמְיָהוּ ז׳:י״ד

    ועשיתי לבית אשר נקרא שמי עליו אשר אתם בטחים בו ולמקום אשר נתתי לכם ולאבותיכם כאשר עשיתי לשלו׃

  7. יִרְמְיָהוּ ז׳:ט״ו

    והשלכתי אתכם מעל פני כאשר השלכתי את כל אחיכם את כל זרע אפרים׃

  8. יִרְמְיָהוּ ז׳:ט״ז

    ואתה אל תתפלל בעד העם הזה ואל תשא בעדם רנה ותפלה ואל תפגע בי כי אינני שמע אתך׃

  9. יִרְמְיָהוּ ז׳:י״ח

    הבנים מלקטים עצים והאבות מבערים את האש והנשים לשות בצק לעשות כונים למלכת השמים והסך נסכים לאלהים אחרים למען הכעסני׃

  10. יִרְמְיָהוּ ז׳:י״ט

    האתי הם מכעסים נאם יהוה הלוא אתם למען בשת פניהם׃

  11. יִרְמְיָהוּ ז׳:כ׳

    לכן כה אמר אדני יהוה הנה אפי וחמתי נתכת אל המקום הזה על האדם ועל הבהמה ועל עץ השדה ועל פרי האדמה ובערה ולא תכבה׃

  12. יִרְמְיָהוּ ז׳:כ״א

    כה אמר יהוה צבאות אלהי ישראל עלותיכם ספו על זבחיכם ואכלו בשר׃

  13. יִרְמְיָהוּ ז׳:כ״ב

    כי לא דברתי את אבותיכם ולא צויתים ביום הוציא אותם מארץ מצרים על דברי עולה וזבח׃

  14. יִרְמְיָהוּ ז׳:כ״ג

    כי אם את הדבר הזה צויתי אותם לאמר שמעו בקולי והייתי לכם לאלהים ואתם תהיו לי לעם והלכתם בכל הדרך אשר אצוה אתכם למען ייטב לכם׃

  15. יִרְמְיָהוּ ז׳:כ״ה

    למן היום אשר יצאו אבותיכם מארץ מצרים עד היום הזה ואשלח אליכם את כל עבדי הנביאים יום השכם ושלח׃

  16. יִרְמְיָהוּ ז׳:כ״ו

    ולוא שמעו אלי ולא הטו את אזנם ויקשו את ערפם הרעו מאבותם׃

  17. יִרְמְיָהוּ ז׳:כ״ח

    ואמרת אליהם זה הגוי אשר לוא שמעו בקול יהוה אלהיו ולא לקחו מוסר אבדה האמונה ונכרתה מפיהם׃

  18. יִרְמְיָהוּ ז׳:כ״ט

    גזי נזרך והשליכי ושאי על שפים קינה כי מאס יהוה ויטש את דור עברתו׃

  19. יִרְמְיָהוּ ז׳:ל׳

    כי עשו בני יהודה הרע בעיני נאום יהוה שמו שקוציהם בבית אשר נקרא שמי עליו לטמאו׃

  20. יִרְמְיָהוּ ז׳:ל״א

    ובנו במות התפת אשר בגיא בן הנם לשרף את בניהם ואת בנתיהם באש אשר לא צויתי ולא עלתה על לבי׃

  21. יִרְמְיָהוּ ז׳:ל״ב

    לכן הנה ימים באים נאם יהוה ולא יאמר עוד התפת וגיא בן הנם כי אם גיא ההרגה וקברו בתפת מאין מקום׃

  22. יִרְמְיָהוּ ז׳:ל״ד

    והשבתי מערי יהודה ומחצות ירושלם קול ששון וקול שמחה קול חתן וקול כלה כי לחרבה תהיה הארץ׃

  23. יִרְמְיָהוּ ח׳:א׳

    ¶ בעת ההיא נאם יהוה ויציאו את עצמות מלכי יהודה ואת עצמות שריו ואת עצמות הכהנים ואת עצמות הנביאים ואת עצמות יושבי ירושלם מקבריהם׃

  24. יִרְמְיָהוּ ח׳:ג׳

    ונבחר מות מחיים לכל השארית הנשארים מן המשפחה הרעה הזאת בכל המקמות הנשארים אשר הדחתים שם נאם יהוה צבאות׃

  25. יִרְמְיָהוּ ח׳:ד׳

    ואמרת אליהם כה אמר יהוה היפלו ולא יקומו אם ישוב ולא ישוב׃