עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ ח׳:ו׳

    הקשבתי ואשמע לוא כן ידברו אין איש נחם על רעתו לאמר מה עשיתי כלה שב במרצותם כסוס שוטף במלחמה׃

  2. יִרְמְיָהוּ ח׳:ז׳

    גם חסידה בשמים ידעה מועדיה ותר וסוס ועגור שמרו את עת באנה ועמי לא ידעו את משפט יהוה׃

  3. יִרְמְיָהוּ ח׳:ח׳

    איכה תאמרו חכמים אנחנו ותורת יהוה אתנו אכן הנה לשקר עשה עט שקר ספרים׃

  4. יִרְמְיָהוּ ח׳:ט׳

    הבישו חכמים חתו וילכדו הנה בדבר יהוה מאסו וחכמת מה להם׃

  5. יִרְמְיָהוּ ח׳:י׳

    לכן אתן את נשיהם לאחרים שדותיהם ליורשים כי מקטן ועד גדול כלה בצע בצע מנביא ועד כהן כלה עשה שקר׃

  6. יִרְמְיָהוּ ח׳:י״א

    וירפו את שבר בת עמי על נקלה לאמר שלום שלום ואין שלום׃

  7. יִרְמְיָהוּ ח׳:י״ב

    הבשו כי תועבה עשו גם בוש לא יבשו והכלם לא ידעו לכן יפלו בנפלים בעת פקדתם יכשלו אמר יהוה׃

  8. יִרְמְיָהוּ ח׳:י״ג

    אסף אסיפם נאם יהוה אין ענבים בגפן ואין תאנים בתאנה והעלה נבל ואתן להם יעברום׃

  9. יִרְמְיָהוּ ח׳:י״ד

    על מה אנחנו ישבים האספו ונבוא אל ערי המבצר ונדמה שם כי יהוה אלהינו הדמנו וישקנו מי ראש כי חטאנו ליהוה׃

  10. יִרְמְיָהוּ ח׳:י״ז

    כי הנני משלח בכם נחשים צפענים אשר אין להם לחש ונשכו אתכם נאם יהוה׃

  11. יִרְמְיָהוּ ח׳:י״ט

    הנה קול שועת בת עמי מארץ מרחקים היהוה אין בציון אם מלכה אין בה מדוע הכעסוני בפסליהם בהבלי נכר׃

  12. יִרְמְיָהוּ ט׳:ג׳

    וידרכו את לשונם קשתם שקר ולא לאמונה גברו בארץ כי מרעה אל רעה יצאו ואתי לא ידעו נאם יהוה׃

  13. יִרְמְיָהוּ ט׳:ו׳

    שבתך בתוך מרמה במרמה מאנו דעת אותי נאם יהוה׃

  14. יִרְמְיָהוּ ט׳:ז׳

    לכן כה אמר יהוה צבאות הנני צורפם ובחנתים כי איך אעשה מפני בת עמי׃

  15. יִרְמְיָהוּ ט׳:ט׳

    העל אלה לא אפקד בם נאם יהוה אם בגוי אשר כזה לא תתנקם נפשי׃

  16. יִרְמְיָהוּ ט׳:י׳

    על ההרים אשא בכי ונהי ועל נאות מדבר קינה כי נצתו מבלי איש עבר ולא שמעו קול מקנה מעוף השמים ועד בהמה נדדו הלכו׃

  17. יִרְמְיָהוּ ט׳:י״א

    ונתתי את ירושלם לגלים מעון תנים ואת ערי יהודה אתן שממה מבלי יושב׃

  18. יִרְמְיָהוּ ט׳:י״ב

    מי האיש החכם ויבן את זאת ואשר דבר פי יהוה אליו ויגדה על מה אבדה הארץ נצתה כמדבר מבלי עבר׃

  19. יִרְמְיָהוּ ט׳:י״ג

    ויאמר יהוה על עזבם את תורתי אשר נתתי לפניהם ולא שמעו בקולי ולא הלכו בה׃

  20. יִרְמְיָהוּ ט׳:ט״ו

    לכן כה אמר יהוה צבאות אלהי ישראל הנני מאכילם את העם הזה לענה והשקיתים מי ראש׃

  21. יִרְמְיָהוּ ט׳:ט״ז

    והפצותים בגוים אשר לא ידעו המה ואבותם ושלחתי אחריהם את החרב עד כלותי אותם׃

  22. יִרְמְיָהוּ ט׳:י״ז

    כה אמר יהוה צבאות התבוננו וקראו למקוננות ותבואינה ואל החכמות שלחו ותבואנה׃

  23. יִרְמְיָהוּ ט׳:כ׳

    כי שמענה נשים דבר יהוה ותקח אזנכם דבר פיו ולמדנה בנותיכם נהי ואשה רעותה קינה׃

  24. יִרְמְיָהוּ ט׳:כ״ב

    דבר כה נאם יהוה ונפלה נבלת האדם כדמן על פני השדה וכעמיר מאחרי הקצר ואין מאסף׃

  25. יִרְמְיָהוּ ט׳:כ״ג

    כה אמר יהוה אל יתהלל חכם בחכמתו ואל יתהלל הגבור בגבורתו אל יתהלל עשיר בעשרו׃