עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ י״א:י״ד

    ואתה אל תתפלל בעד העם הזה ואל תשא בעדם רנה ותפלה כי אינני שמע בעת קראם אלי בעד רעתם׃

  2. יִרְמְיָהוּ י״א:ט״ו

    מה לידידי בביתי עשותה המזמתה הרבים ובשר קדש יעברו מעליך כי רעתכי אז תעלזי׃

  3. יִרְמְיָהוּ י״א:ט״ז

    זית רענן יפה פרי תאר קרא יהוה שמך לקול המולה גדלה הצית אש עליה ורעו דליותיו׃

  4. יִרְמְיָהוּ י״א:י״ז

    ויהוה צבאות הנוטע אותך דבר עליך רעה בגלל רעת בית ישראל ובית יהודה אשר עשו להם להכעסני לקטר לבעל׃

  5. יִרְמְיָהוּ י״א:י״ח

    ויהוה הודיעני ואדעה אז הראיתני מעלליהם׃

  6. יִרְמְיָהוּ י״א:כ׳

    ויהוה צבאות שפט צדק בחן כליות ולב אראה נקמתך מהם כי אליך גליתי את ריבי׃

  7. יִרְמְיָהוּ י״א:כ״א

    לכן כה אמר יהוה על אנשי ענתות המבקשים את נפשך לאמר לא תנבא בשם יהוה ולא תמות בידנו׃

  8. יִרְמְיָהוּ י״א:כ״ב

    לכן כה אמר יהוה צבאות הנני פקד עליהם הבחורים ימתו בחרב בניהם ובנותיהם ימתו ברעב׃

  9. יִרְמְיָהוּ י״א:כ״ג

    ושארית לא תהיה להם כי אביא רעה אל אנשי ענתות שנת פקדתם׃

  10. יִרְמְיָהוּ י״ב:א׳

    ¶ צדיק אתה יהוה כי אריב אליך אך משפטים אדבר אותך מדוע דרך רשעים צלחה שלו כל בגדי בגד׃

  11. יִרְמְיָהוּ י״ב:ב׳

    נטעתם גם שרשו ילכו גם עשו פרי קרוב אתה בפיהם ורחוק מכליותיהם׃

  12. יִרְמְיָהוּ י״ב:ג׳

    ואתה יהוה ידעתני תראני ובחנת לבי אתך התקם כצאן לטבחה והקדשם ליום הרגה׃

  13. יִרְמְיָהוּ י״ב:ז׳

    עזבתי את ביתי נטשתי את נחלתי נתתי את ידדות נפשי בכף איביה׃

  14. יִרְמְיָהוּ י״ב:ח׳

    היתה לי נחלתי כאריה ביער נתנה עלי בקולה על כן שנאתיה׃

  15. יִרְמְיָהוּ י״ב:ט׳

    העיט צבוע נחלתי לי העיט סביב עליה לכו אספו כל חית השדה התיו לאכלה׃

  16. יִרְמְיָהוּ י״ב:י׳

    רעים רבים שחתו כרמי בססו את חלקתי נתנו את חלקת חמדתי למדבר שממה׃

  17. יִרְמְיָהוּ י״ב:י״א

    שמה לשממה אבלה עלי שממה נשמה כל הארץ כי אין איש שם על לב׃

  18. יִרְמְיָהוּ י״ב:י״ב

    על כל שפים במדבר באו שדדים כי חרב ליהוה אכלה מקצה ארץ ועד קצה הארץ אין שלום לכל בשר׃

  19. יִרְמְיָהוּ י״ב:י״ג

    זרעו חטים וקצים קצרו נחלו לא יועלו ובשו מתבואתיכם מחרון אף יהוה׃

  20. יִרְמְיָהוּ י״ב:י״ד

    כה אמר יהוה על כל שכני הרעים הנגעים בנחלה אשר הנחלתי את עמי את ישראל הנני נתשם מעל אדמתם ואת בית יהודה אתוש מתוכם׃

  21. יִרְמְיָהוּ י״ב:ט״ו

    והיה אחרי נתשי אותם אשוב ורחמתים והשבתים איש לנחלתו ואיש לארצו׃

  22. יִרְמְיָהוּ י״ב:ט״ז

    והיה אם למד ילמדו את דרכי עמי להשבע בשמי חי יהוה כאשר למדו את עמי להשבע בבעל ונבנו בתוך עמי׃

  23. יִרְמְיָהוּ י״ב:י״ז

    ואם לא ישמעו ונתשתי את הגוי ההוא נתוש ואבד נאם יהוה׃

  24. יִרְמְיָהוּ י״ג:א׳

    ¶ כה אמר יהוה אלי הלוך וקנית לך אזור פשתים ושמתו על מתניך ובמים לא תבאהו׃

  25. יִרְמְיָהוּ י״ג:ב׳

    ואקנה את האזור כדבר יהוה ואשם על מתני׃