עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ ט׳:כ״ד

    כי אם בזאת יתהלל המתהלל השכל וידע אותי כי אני יהוה עשה חסד משפט וצדקה בארץ כי באלה חפצתי נאם יהוה׃

  2. יִרְמְיָהוּ ט׳:כ״ה

    הנה ימים באים נאם יהוה ופקדתי על כל מול בערלה׃

  3. יִרְמְיָהוּ י׳:א׳

    ¶ שמעו את הדבר אשר דבר יהוה עליכם בית ישראל׃

  4. יִרְמְיָהוּ י׳:ב׳

    כה אמר יהוה אל דרך הגוים אל תלמדו ומאתות השמים אל תחתו כי יחתו הגוים מהמה׃

  5. יִרְמְיָהוּ י׳:ו׳

    מאין כמוך יהוה גדול אתה וגדול שמך בגבורה׃

  6. יִרְמְיָהוּ י׳:ז׳

    מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך׃

  7. יִרְמְיָהוּ י׳:י׳

    ויהוה אלהים אמת הוא אלהים חיים ומלך עולם מקצפו תרעש הארץ ולא יכלו גוים זעמו׃

  8. יִרְמְיָהוּ י׳:י״ב

    עשה ארץ בכחו מכין תבל בחכמתו ובתבונתו נטה שמים׃

  9. יִרְמְיָהוּ י׳:י״ג

    לקול תתו המון מים בשמים ויעלה נשאים מקצה ארץ ברקים למטר עשה ויוצא רוח מאצרתיו׃

  10. יִרְמְיָהוּ י׳:ט״ז

    לא כאלה חלק יעקב כי יוצר הכל הוא וישראל שבט נחלתו יהוה צבאות שמו׃

  11. יִרְמְיָהוּ י׳:י״ח

    כי כה אמר יהוה הנני קולע את יושבי הארץ בפעם הזאת והצרותי להם למען ימצאו׃

  12. יִרְמְיָהוּ י׳:כ״א

    כי נבערו הרעים ואת יהוה לא דרשו על כן לא השכילו וכל מרעיתם נפוצה׃

  13. יִרְמְיָהוּ י׳:כ״ג

    ידעתי יהוה כי לא לאדם דרכו לא לאיש הלך והכין את צעדו׃

  14. יִרְמְיָהוּ י׳:כ״ד

    יסרני יהוה אך במשפט אל באפך פן תמעטני׃

  15. יִרְמְיָהוּ י׳:כ״ה

    שפך חמתך על הגוים אשר לא ידעוך ועל משפחות אשר בשמך לא קראו כי אכלו את יעקב ואכלהו ויכלהו ואת נוהו השמו׃

  16. יִרְמְיָהוּ י״א:א׳

    ¶ הדבר אשר היה אל ירמיהו מאת יהוה לאמר׃

  17. יִרְמְיָהוּ י״א:ג׳

    ואמרת אליהם כה אמר יהוה אלהי ישראל ארור האיש אשר לא ישמע את דברי הברית הזאת׃

  18. יִרְמְיָהוּ י״א:ד׳

    אשר צויתי את אבותיכם ביום הוציאי אותם מארץ מצרים מכור הברזל לאמר שמעו בקולי ועשיתם אותם ככל אשר אצוה אתכם והייתם לי לעם ואנכי אהיה לכם לאלהים׃

  19. יִרְמְיָהוּ י״א:ה׳

    למען הקים את השבועה אשר נשבעתי לאבותיכם לתת להם ארץ זבת חלב ודבש כיום הזה ואען ואמר אמן יהוה׃

  20. יִרְמְיָהוּ י״א:ו׳

    ויאמר יהוה אלי קרא את כל הדברים האלה בערי יהודה ובחצות ירושלם לאמר שמעו את דברי הברית הזאת ועשיתם אותם׃

  21. יִרְמְיָהוּ י״א:ז׳

    כי העד העדתי באבותיכם ביום העלותי אותם מארץ מצרים ועד היום הזה השכם והעד לאמר שמעו בקולי׃

  22. יִרְמְיָהוּ י״א:ח׳

    ולא שמעו ולא הטו את אזנם וילכו איש בשרירות לבם הרע ואביא עליהם את כל דברי הברית הזאת אשר צויתי לעשות ולא עשו׃

  23. יִרְמְיָהוּ י״א:ט׳

    ויאמר יהוה אלי נמצא קשר באיש יהודה ובישבי ירושלם׃

  24. יִרְמְיָהוּ י״א:י׳

    שבו על עונת אבותם הראשנים אשר מאנו לשמוע את דברי והמה הלכו אחרי אלהים אחרים לעבדם הפרו בית ישראל ובית יהודה את בריתי אשר כרתי את אבותם׃

  25. יִרְמְיָהוּ י״א:י״א

    לכן כה אמר יהוה הנני מביא אליהם רעה אשר לא יוכלו לצאת ממנה וזעקו אלי ולא אשמע אליהם׃