עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ ה׳:כ״ט

    העל אלה לא אפקד נאם יהוה אם בגוי אשר כזה לא תתנקם נפשי׃

  2. יִרְמְיָהוּ ה׳:ל״א

    הנביאים נבאו בשקר והכהנים ירדו על ידיהם ועמי אהבו כן ומה תעשו לאחריתה׃

  3. יִרְמְיָהוּ ו׳:ב׳

    הנוה והמענגה דמיתי בת ציון׃

  4. יִרְמְיָהוּ ו׳:ו׳

    כי כה אמר יהוה צבאות כרתו עצה ושפכו על ירושלם סללה היא העיר הפקד כלה עשק בקרבה׃

  5. יִרְמְיָהוּ ו׳:ז׳

    כהקיר בור מימיה כן הקרה רעתה חמס ושד ישמע בה על פני תמיד חלי ומכה׃

  6. יִרְמְיָהוּ ו׳:ח׳

    הוסרי ירושלם פן תקע נפשי ממך פן אשימך שממה ארץ לוא נושבה׃

  7. יִרְמְיָהוּ ו׳:ט׳

    כה אמר יהוה צבאות עולל יעוללו כגפן שארית ישראל השב ידך כבוצר על סלסלות׃

  8. יִרְמְיָהוּ ו׳:י׳

    על מי אדברה ואעידה וישמעו הנה ערלה אזנם ולא יוכלו להקשיב הנה דבר יהוה היה להם לחרפה לא יחפצו בו׃

  9. יִרְמְיָהוּ ו׳:י״א

    ואת חמת יהוה מלאתי נלאיתי הכיל שפך על עולל בחוץ ועל סוד בחורים יחדו כי גם איש עם אשה ילכדו זקן עם מלא ימים׃

  10. יִרְמְיָהוּ ו׳:י״ב

    ונסבו בתיהם לאחרים שדות ונשים יחדו כי אטה את ידי על ישבי הארץ נאם יהוה׃

  11. יִרְמְיָהוּ ו׳:י״ד

    וירפאו את שבר עמי על נקלה לאמר שלום שלום ואין שלום׃

  12. יִרְמְיָהוּ ו׳:ט״ו

    הבישו כי תועבה עשו גם בוש לא יבושו גם הכלים לא ידעו לכן יפלו בנפלים בעת פקדתים יכשלו אמר יהוה׃

  13. יִרְמְיָהוּ ו׳:ט״ז

    כה אמר יהוה עמדו על דרכים וראו ושאלו לנתבות עולם אי זה דרך הטוב ולכו בה ומצאו מרגוע לנפשכם ויאמרו לא נלך׃

  14. יִרְמְיָהוּ ו׳:י״ז

    והקמתי עליכם צפים הקשיבו לקול שופר ויאמרו לא נקשיב׃

  15. יִרְמְיָהוּ ו׳:י״ט

    שמעי הארץ הנה אנכי מביא רעה אל העם הזה פרי מחשבותם כי על דברי לא הקשיבו ותורתי וימאסו בה׃

  16. יִרְמְיָהוּ ו׳:כ׳

    למה זה לי לבונה משבא תבוא וקנה הטוב מארץ מרחק עלותיכם לא לרצון וזבחיכם לא ערבו לי׃

  17. יִרְמְיָהוּ ו׳:כ״א

    לכן כה אמר יהוה הנני נתן אל העם הזה מכשלים וכשלו בם אבות ובנים יחדו שכן ורעו יאבדו׃

  18. יִרְמְיָהוּ ו׳:כ״ב

    כה אמר יהוה הנה עם בא מארץ צפון וגוי גדול יעור מירכתי ארץ׃

  19. יִרְמְיָהוּ ו׳:כ״ו

    בת עמי חגרי שק והתפלשי באפר אבל יחיד עשי לך מספד תמרורים כי פתאם יבא השדד עלינו׃

  20. יִרְמְיָהוּ ו׳:כ״ז

    בחון נתתיך בעמי מבצר ותדע ובחנת את דרכם׃

  21. יִרְמְיָהוּ ו׳:ל׳

    כסף נמאס קראו להם כי מאס יהוה בהם׃

  22. יִרְמְיָהוּ ז׳:א׳

    ¶ הדבר אשר היה אל ירמיהו מאת יהוה לאמר׃

  23. יִרְמְיָהוּ ז׳:ב׳

    עמד בשער בית יהוה וקראת שם את הדבר הזה ואמרת שמעו דבר יהוה כל יהודה הבאים בשערים האלה להשתחות ליהוה׃

  24. יִרְמְיָהוּ ז׳:ג׳

    כה אמר יהוה צבאות אלהי ישראל היטיבו דרכיכם ומעלליכם ואשכנה אתכם במקום הזה׃

  25. יִרְמְיָהוּ ז׳:ד׳

    אל תבטחו לכם אל דברי השקר לאמר היכל יהוה היכל יהוה היכל יהוה המה׃