Hausa

circa 6 BC – AD 30

The Life of Jesus

The eternal Son of God enters history: born in Bethlehem, baptized in the Jordan, crucified at Golgotha, raised on the third day.

3,779 ayoyi · 4 littattafai da aka rufe

Ayoyi daga wannan lokacin

Tsarin Nassi Bisa kwanan wata
Tace bisa littafi
  1. Markus 14:16kusan 33 M.

    Almajiran suka tafi, suka shiga cikin birnin, suka kuwa tarar da kome kamar yadda Yesu ya faɗa musu. Sai suka shirya Bikin Ƙetarewa.

  2. Markus 14:17kusan 33 M.

    Da yamma ta yi, sai Yesu ya zo tare da Sha Biyun.

  3. Markus 14:18kusan 33 M.

    Yayinda suke cin abinci a tebur, sai ya ce, “Gaskiya nake gaya muku, ɗaya daga cikinku zai bashe ni, wani wanda yake ci tare da ni.”

  4. Markus 14:19kusan 33 M.

    Suka cika da baƙin ciki, da ɗaya-ɗaya suka ce masa, “Tabbatacce, ba ni ba ne, ko?”

  5. Markus 14:20kusan 33 M.

    Ya ce, “Ɗaya daga cikin Sha Biyun ne, wanda yake ci tare da ni a kwano.

  6. Markus 14:21kusan 33 M.

    Ɗan Mutum zai tafi kamar yadda yake a rubuce game da shi, amma kaiton mutumin da ya bashe Ɗan Mutum! Zai fi masa, da ba a haife shi ba.”

  7. Markus 14:22kusan 33 M.

    Yayinda suke cin abinci, sai Yesu ya ɗauki burodi, ya yi godiya, ya kakkarya, ya ba wa almajiransa, yana cewa, “Ku karɓa, wannan jikina ne.”

  8. Markus 14:23kusan 33 M.

    Sai kuma ya ɗauki kwaf ruwan inabi, ya yi godiya, ya kuma miƙa musu, dukansu suka sha daga ciki.

  9. Markus 14:24kusan 33 M.

    Sai ya ce musu, “Wannan jinina ne na alkawari, wanda aka zubar da shi saboda mutane da yawa.

  10. Markus 14:25kusan 33 M.

    Gaskiya nake gaya muku, ‘Ba zan ƙara sha daga ’ya’yan inabi ba, sai ranan nan, da zan sha shi sabo a mulkin Allah.’ ”

  11. Markus 14:26kusan 33 M.

    Da suka rera waƙa, sai suka fita, suka tafi Dutsen Zaitun.

  12. Markus 14:27kusan 33 M.

    Yesu ya ce musu, “Dukanku za ku ja da baya ku bar ni, gama yana a rubuce cewa, “ ‘Zan bugi makiyayin tumaki, tumakin kuwa za su warwatse.’

  13. Markus 14:28kusan 33 M.

    Amma bayan na tashi, zan sha gabanku zuwa Galili.”

  14. Markus 14:29kusan 33 M.

    Bitrus ya ce, “Ko da duka sun ja da baya suka bar ka, ba zan bar ka ba.”

  15. Markus 14:30kusan 33 M.

    Yesu ya ce, “Gaskiya nake faɗa maka, yau, tabbatacce, a daren nan, kafin zakara yă yi cara sau biyukai da kanka za ka yi mūsun sanina sau uku.”

  16. Markus 14:31kusan 33 M.

    Amma Bitrus ya yi ta nanatawa da ƙarfi ya ce, “Ko da zan mutu tare da kai, ba zan taɓa yin mūsun saninka ba.” Duk sauran ma suka ce haka.

  17. Markus 14:32kusan 33 M.

    Suka tafi wani wurin da ake kira Getsemane, Yesu ya kuma ce wa almajiransa, “Ku zauna a nan, yayinda ni kuwa in yi addu’a.”

  18. Markus 14:33kusan 33 M.

    Ya tafi tare da Bitrus, Yaƙub da kuma Yohanna. Sai ya fara baƙin ciki da damuwa ƙwarai.

  19. Markus 14:34kusan 33 M.

    Sai ya ce musu, “Raina yana cike da baƙin ciki har ma kamar zan mutu. Ku dakata a nan ku yi tsaro.”

  20. Markus 14:35kusan 33 M.

    Sai ya yi gaba kaɗan, ya fāɗi a ƙasa, ya yi addu’a, ya ce in mai yiwuwa ne, a ɗauke masa wannan sa’a.

  21. Markus 14:36kusan 33 M.

    Ya ce, “Ya Abba,Uba, kome mai yiwuwa ne a gare ka. Ka ɗauke mini wannan kwaf. Amma ba abin da nake so ba, sai dai abin da kake so.”

  22. Markus 14:37kusan 33 M.

    Sai ya koma wajen almajiransa, ya same su suna barci. Ya ce wa Bitrus, “Siman, kana barci ne? Ka kāsa yin tsaro na sa’a ɗaya?

  23. Markus 14:38kusan 33 M.

    Ku yi tsaro, ku kuma yi addu’a, domin kada ku fāɗi cikin jarraba. Ruhu yana so, sai dai jiki raunana ne.”

  24. Markus 14:39kusan 33 M.

    Ya sāke komawa, ya maimaita addu’ar da ya yi.

  25. Markus 14:40kusan 33 M.

    Da ya dawo, ya sāke tarar da su suna barci, domin barci ya cika musu ido. Suka rasa abin da za su ce masa.