Mistari ya Biblia kuhusu Meekness

Kama hasira ya mtawala ikiwaka dhidi yako, usiache mahali pako, utulivu huweza kuzuia makosa mengi.

bali kwa uadilifu atahukumu wahitaji, kwa haki ataamua wanyenyekevu wa dunia. Ataipiga dunia kwa fimbo ya kinywa chake, kwa pumzi ya midomo yake atawaua waovu.

Mara nyingine tena wanyenyekevu watafurahi katika Bwana, wahitaji watafurahi katika yeye Aliye Mtakatifu wa Israeli.

Alionewa na kuteswa, hata hivyo hakufungua kinywa chake; aliongozwa kama mwana-kondoo apelekwaye machinjoni, kama vile kondoo anyamazavyo mbele ya wao wamkataye manyoya, hivyo hakufungua kinywa chake.

Roho wa Bwana Mwenyezi yu juu yangu, kwa sababu Bwana amenitia mafuta kuwahubiria maskini habari njema. Amenituma kuwaganga waliovunjika moyo, kuwatangazia mateka uhuru wao, na hao waliofungwa habari za kufunguliwa kwao;

Na akae peke yake awe kimya, kwa maana Bwana ameiweka juu yake.

Na azike uso wake mavumbini bado panawezekana kuwa na matumaini.

Na atoe shavu lake kwa yule ampigaye, na ajazwe na aibu.

Je, watu wawili hutembea pamoja wasipokubaliana kufanya hivyo?

Mtafuteni Bwana, enyi nyote wanyenyekevu wa nchi, ninyi ambao hufanya lile analoamuru. Tafuteni haki, tafuteni unyenyekevu; labda mtahifadhiwa siku ya hasira ya Bwana.

Heri walio wapole, maana hao watairithi nchi.

Heri walio wapatanishi, maana hao wataitwa wana wa Mungu.

“Mmesikia kwamba ilinenwa, ‘Jicho kwa jicho na jino kwa jino.’

Lakini mimi nawaambia, msishindane na mtu mwovu. Lakini kama mtu akikupiga kwenye shavu la kuume, mgeuzie na la pili pia.

Kama mtu akitaka kukushtaki na kuchukua joho lako, mwachie achukue na koti pia.

Kama mtu akikulazimisha kwenda maili moja, nenda naye maili mbili.

Mpe yeye akuombaye, wala usimgeuzie kisogo yeye atakaye kukukopa.

“Mmesikia kwamba ilinenwa, ‘Mpende jirani yako na umchukie adui yako.’

Lakini ninawaambia: Wapendeni adui zenu na waombeeni wanaowatesa ninyi,

ili mpate kuwa watoto wa Baba yenu aliye mbinguni. Kwa maana yeye huwaangazia jua lake watu waovu na watu wema, naye huwanyeshea mvua wenye haki na wasio haki.

Jifungeni nira yangu, mjifunze kutoka kwangu, kwa maana mimi ni mpole na mnyenyekevu wa moyo, nanyi mtapata raha nafsini mwenu.

“Mwambieni Binti Sayuni, ‘Tazama, mfalme wako anakuja kwako, ni mnyenyekevu, naye amepanda punda, juu ya mwana-punda, mtoto wa punda.’ ”

Kwa kuwa yeyote anayejikweza atashushwa, na yeyote anayejinyenyekeza atakwezwa.

Ndipo Pilato akamuuliza, “Je, husikii ni mambo mangapi wanayokushtaki nayo?”

Lakini Yesu hakumjibu hata kwa shtaka moja, kiasi kwamba mtawala alishangaa sana.