Shqip

circa 6 BC – AD 30

The Life of Jesus

The eternal Son of God enters history: born in Bethlehem, baptized in the Jordan, crucified at Golgotha, raised on the third day.

3,779 vargje · 4 libra të përfshirë

Vargje nga kjo periudhë

Rendi i Shkrimit Sipas datës
Filtro sipas librit
  1. Luka 23:10rreth 33 e.s.

    Ndërkaq krerët e priftërinjve dhe skribët rrinin aty dhe e paditnin me furi.

  2. Luka 23:11rreth 33 e.s.

    Atëherë Herodi, me ushtarët e vet, mbasi e fyu dhe e talli, e veshi me një rrobe të shkëlqyeshme dhe ia riktheu Pilatit.

  3. Luka 23:12rreth 33 e.s.

    Atë ditë Herodi dhe Pilati u bënë miq me njëri-tjetrin, ndërsa më parë ishin armiq.

  4. Luka 23:13rreth 33 e.s.

    Atëherë Pilati, mblodhi krerët e priftërinjve, kryetarët dhe popullin,

  5. Luka 23:14rreth 33 e.s.

    dhe u tha atyre: ''Ju më prutë këtë njeri si çoroditës të popullit; dhe ja, unë, pasi e hetova para jush, nuk kam gjetur tek ai asnjë nga fajet për të cilat ju e paditni,

  6. Luka 23:15rreth 33 e.s.

    dhe as Herodi, sepse na e ktheu përsëri te ne; në fakt ai s'ka bërë asgjë që të meritojë vdekjen.

  7. Luka 23:16rreth 33 e.s.

    Prandaj, pasi ta fshikullojnë, do ta lëshoj''.

  8. Luka 23:17rreth 33 e.s.

    Tani me rastin e festës së Pashkës qeveritari duhet të lironte dikë.

  9. Luka 23:18rreth 33 e.s.

    Por ata, të gjithë njëzeri, bërtitën duke thënë: ''Vraje këtë dhe na liro Barabën''.

  10. Luka 23:19rreth 33 e.s.

    Ky ishte hedhur në burg për një trazirë të bërë në qytet dhe për vrasje.

  11. Luka 23:20rreth 33 e.s.

    Prandaj Pilati, duke dashur të lëshojë Jezusin, u foli përsëri.

  12. Luka 23:21rreth 33 e.s.

    Por ata bërtitnin duke thënë: ''Kryqëzoje!''.

  13. Luka 23:22rreth 33 e.s.

    Për të tretën herë ai u tha atyre: ''Po ç'të keqe bëri ky? Unë nuk gjeta në të asnjë faj që të meritojë vdekjen. Prandaj, pasi ta fshikullojnë, do ta lëshoj''.

  14. Luka 23:23rreth 33 e.s.

    Por ata ngulnin këmbë me britma te mëdha duke kërkuar që ta kryqëzonin; dhe britmat e tyre dhe të krerëve të priftërinjve u bënë mbisunduese.

  15. Luka 23:24rreth 33 e.s.

    Atëherë Pilat vendosi që të bëhej çka ata kërkonin.

  16. Luka 23:25rreth 33 e.s.

    Dhe ua lëshoi atë që qe burgosur për trazirë dhe vrasje dhe që ata e kishin kërkuar; dhe Jezusin ia dorëzoi vullnetit të tyre.

  17. Luka 23:26rreth 33 e.s.

    Ndërsa po e çonin, kapën njëfarë Simoni nga Kirena, që po kthehej nga fusha, e ngarkuan me kryqin që ta mbarte pas Jezusit.

  18. Luka 23:27rreth 33 e.s.

    Dhe e ndiqte një turmë e madhe populli dhe disa gra që hidhëroheshin dhe vajtonin për të.

  19. Luka 23:28rreth 33 e.s.

    Por Jezusi u kthye nga ato dhe u tha: ''O bija të Jeruzalemit, mos qani për mua, por qani për veten tuaj dhe për fëmijët tuaj.

  20. Luka 23:29rreth 33 e.s.

    Sepse ja, do të vijnë ditët kur do të thuhet: "Lum gratë shterpe dhe lum barqet që nuk kanë pjellë dhe gjinjtë që nuk kanë mëndur!".

  21. Luka 23:30rreth 33 e.s.

    Atëherë do të fillojnë t'u thonë maleve: "Bini përmbi ne!", dhe kodrave: "Na mbuloni!".

  22. Luka 23:31rreth 33 e.s.

    Sepse, në se bëhet kështu me drurin e njomë, ç'do të bëhet me të thatin?".

  23. Luka 23:32rreth 33 e.s.

    Dhe dy të tjerë, që ishin keqbërës, i prunë bashkë me të, për t'i vrarë.

  24. Luka 23:33rreth 33 e.s.

    Dhe kur arritën në vendin që quhet ''Kafka'', aty e kryqëzuan atë dhe keqbërësit, njërin në të djathtë dhe tjetri në të majtë.

  25. Luka 23:34rreth 33 e.s.

    Dhe Jezusi tha: ''O Atë, fali ata sepse nuk dinë ç'bëjnë''. Pastaj, pasi i ndanë rrobat e tij, hodhën short.