פסוקים על Wicked

724 פסוקים · 18 היבטים

פסוקי מפתח

סינון לפי ספר
  1. יְשַׁעְיָהוּ ה׳:כ״ג

    מצדיקי רשע עקב שחד וצדקת צדיקים יסירו ממנו׃

  2. יְשַׁעְיָהוּ ה׳:כ״ד

    לכן כאכל קש לשון אש וחשש להבה ירפה שרשם כמק יהיה ופרחם כאבק יעלה כי מאסו את תורת יהוה צבאות ואת אמרת קדוש ישראל נאצו׃

  3. יְשַׁעְיָהוּ ה׳:כ״ה

    על כן חרה אף יהוה בעמו ויט ידו עליו ויכהו וירגזו ההרים ותהי נבלתם כסוחה בקרב חוצות בכל זאת לא שב אפו ועוד ידו נטויה׃

  4. יְשַׁעְיָהוּ כ״ו:י׳

    יחן רשע בל למד צדק בארץ נכחות יעול ובל יראה גאות יהוה׃

  5. יְשַׁעְיָהוּ כ״ו:י״א

    יהוה רמה ידך בל יחזיון יחזו ויבשו קנאת עם אף אש צריך תאכלם׃

  6. יְשַׁעְיָהוּ ל׳:א׳

    ¶ הוי בנים סוררים נאם יהוה לעשות עצה ולא מני ולנסך מסכה ולא רוחי למען ספות חטאת על חטאת׃

  7. יְשַׁעְיָהוּ ל׳:ט׳

    כי עם מרי הוא בנים כחשים בנים לא אבו שמוע תורת יהוה׃

  8. יְשַׁעְיָהוּ ל׳:י׳

    אשר אמרו לראים לא תראו ולחזים לא תחזו לנו נכחות דברו לנו חלקות חזו מהתלות׃

  9. יְשַׁעְיָהוּ ל׳:י״א

    סורו מני דרך הטו מני ארח השביתו מפנינו את קדוש ישראל׃

  10. יְשַׁעְיָהוּ ל״ב:א׳

    ¶ הן לצדק ימלך מלך ולשרים למשפט ישרו׃

  11. יְשַׁעְיָהוּ ל״ב:ב׳

    והיה איש כמחבא רוח וסתר זרם כפלגי מים בציון כצל סלע כבד בארץ עיפה׃

  12. יְשַׁעְיָהוּ ל״ב:ג׳

    ולא תשעינה עיני ראים ואזני שמעים תקשבנה׃

  13. יְשַׁעְיָהוּ ל״ב:ד׳

    ולבב נמהרים יבין לדעת ולשון עלגים תמהר לדבר צחות׃

  14. יְשַׁעְיָהוּ ל״ב:ה׳

    לא יקרא עוד לנבל נדיב ולכילי לא יאמר שוע׃

  15. יְשַׁעְיָהוּ ל״ב:ו׳

    כי נבל נבלה ידבר ולבו יעשה און לעשות חנף ולדבר אל יהוה תועה להריק נפש רעב ומשקה צמא יחסיר׃

  16. יְשַׁעְיָהוּ ל״ב:ז׳

    וכלי כליו רעים הוא זמות יעץ לחבל ענוים באמרי שקר ובדבר אביון משפט׃

  17. יְשַׁעְיָהוּ ל״ב:ח׳

    ונדיב נדיבות יעץ והוא על נדיבות יקום׃

  18. יְשַׁעְיָהוּ מ״ה:י״ט

    לא בסתר דברתי במקום ארץ חשך לא אמרתי לזרע יעקב תהו בקשוני אני יהוה דבר צדק מגיד מישרים׃

  19. יְשַׁעְיָהוּ נ״ז:כ׳

    והרשעים כים נגרש כי השקט לא יוכל ויגרשו מימיו רפש וטיט׃

  20. יְשַׁעְיָהוּ נ״ז:כ״א

    אין שלום אמר אלהי לרשעים׃

  21. יְשַׁעְיָהוּ נ״ט:ב׳

    כי אם עונתיכם היו מבדלים בינכם לבין אלהיכם וחטאותיכם הסתירו פנים מכם משמוע׃

  22. יְשַׁעְיָהוּ נ״ט:ג׳

    כי כפיכם נגאלו בדם ואצבעותיכם בעון שפתותיכם דברו שקר לשונכם עולה תהגה׃

  23. יְשַׁעְיָהוּ נ״ט:ד׳

    אין קרא בצדק ואין נשפט באמונה בטוח על תהו ודבר שוא הרו עמל והוליד און׃

  24. יְשַׁעְיָהוּ נ״ט:ה׳

    ביצי צפעוני בקעו וקורי עכביש יארגו האכל מביציהם ימות והזורה תבקע אפעה׃

  25. יְשַׁעְיָהוּ נ״ט:ו׳

    קוריהם לא יהיו לבגד ולא יתכסו במעשיהם מעשיהם מעשי און ופעל חמס בכפיהם׃