פסוקים על Wicked

724 פסוקים · 18 היבטים

פסוקי מפתח

יִרְמְיָהוּ ח׳:ו׳
הקשבתי ואשמע לוא כן ידברו אין איש נחם על רעתו לאמר מה עשיתי כלה שב במרצותם כסוס שוטף במלחמה׃
יִרְמְיָהוּ ח׳:י״ב
הבשו כי תועבה עשו גם בוש לא יבשו והכלם לא ידעו לכן יפלו בנפלים בעת פקדתם יכשלו אמר יהוה׃
יִרְמְיָהוּ ט׳:ג׳
וידרכו את לשונם קשתם שקר ולא לאמונה גברו בארץ כי מרעה אל רעה יצאו ואתי לא ידעו נאם יהוה׃
יִרְמְיָהוּ ט׳:ד׳
איש מרעהו השמרו ועל כל אח אל תבטחו כי כל אח עקוב יעקב וכל רע רכיל יהלך׃
יִרְמְיָהוּ ט׳:ה׳
ואיש ברעהו יהתלו ואמת לא ידברו למדו לשונם דבר שקר העוה נלאו׃
יִרְמְיָהוּ ט׳:ו׳
שבתך בתוך מרמה במרמה מאנו דעת אותי נאם יהוה׃
יִרְמְיָהוּ י״א:ח׳
ולא שמעו ולא הטו את אזנם וילכו איש בשרירות לבם הרע ואביא עליהם את כל דברי הברית הזאת אשר צויתי לעשות ולא עשו׃
יִרְמְיָהוּ י״א:י״א
לכן כה אמר יהוה הנני מביא אליהם רעה אשר לא יוכלו לצאת ממנה וזעקו אלי ולא אשמע אליהם׃
יִרְמְיָהוּ י״א:ט״ו
מה לידידי בביתי עשותה המזמתה הרבים ובשר קדש יעברו מעליך כי רעתכי אז תעלזי׃
יִרְמְיָהוּ י״ב:א׳
¶ צדיק אתה יהוה כי אריב אליך אך משפטים אדבר אותך מדוע דרך רשעים צלחה שלו כל בגדי בגד׃
יִרְמְיָהוּ י״ב:ב׳
נטעתם גם שרשו ילכו גם עשו פרי קרוב אתה בפיהם ורחוק מכליותיהם׃
יִרְמְיָהוּ י״ג:י׳
העם הזה הרע המאנים לשמוע את דברי ההלכים בשררות לבם וילכו אחרי אלהים אחרים לעבדם ולהשתחות להם ויהי כאזור הזה אשר לא יצלח לכל׃
יִרְמְיָהוּ י״ד:י׳
כה אמר יהוה לעם הזה כן אהבו לנוע רגליהם לא חשכו ויהוה לא רצם עתה יזכר עונם ויפקד חטאתם׃
יִרְמְיָהוּ י״ד:י״ב
כי יצמו אינני שמע אל רנתם וכי יעלו עלה ומנחה אינני רצם כי בחרב וברעב ובדבר אנכי מכלה אותם׃
יִרְמְיָהוּ ט״ו:א׳
¶ ויאמר יהוה אלי אם יעמד משה ושמואל לפני אין נפשי אל העם הזה שלח מעל פני ויצאו׃
יִרְמְיָהוּ י״ז:א׳
¶ חטאת יהודה כתובה בעט ברזל בצפרן שמיר חרושה על לוח לבם ולקרנות מזבחותיכם׃
יִרְמְיָהוּ י״ח:י״ז
כרוח קדים אפיצם לפני אויב ערף ולא פנים אראם ביום אידם׃
יִרְמְיָהוּ כ״ה:ד׳
ושלח יהוה אליכם את כל עבדיו הנבאים השכם ושלח ולא שמעתם ולא הטיתם את אזנכם לשמע׃
יִרְמְיָהוּ כ״ה:ה׳
לאמר שובו נא איש מדרכו הרעה ומרע מעלליכם ושבו על האדמה אשר נתן יהוה לכם ולאבותיכם למן עולם ועד עולם׃
יִרְמְיָהוּ כ״ה:ו׳
ואל תלכו אחרי אלהים אחרים לעבדם ולהשתחות להם ולא תכעיסו אותי במעשה ידיכם ולא ארע לכם׃
יִרְמְיָהוּ כ״ו:ב׳
כה אמר יהוה עמד בחצר בית יהוה ודברת על כל ערי יהודה הבאים להשתחות בית יהוה את כל הדברים אשר צויתיך לדבר אליהם אל תגרע דבר׃
יִרְמְיָהוּ כ״ו:ג׳
אולי ישמעו וישבו איש מדרכו הרעה ונחמתי אל הרעה אשר אנכי חשב לעשות להם מפני רע מעלליהם׃
יִרְמְיָהוּ כ״ו:ד׳
ואמרת אליהם כה אמר יהוה אם לא תשמעו אלי ללכת בתורתי אשר נתתי לפניכם׃
יִרְמְיָהוּ כ״ו:ה׳
לשמע על דברי עבדי הנבאים אשר אנכי שלח אליכם והשכם ושלח ולא שמעתם׃
יִרְמְיָהוּ כ״ו:ו׳
ונתתי את הבית הזה כשלה ואת העיר הזאתה אתן לקללה לכל גויי הארץ׃

מציג 451–475 מתוך 724 פסוקים

הקודם 1...17 18 19 20 21...29 הבא