פסוקים על Wicked

724 פסוקים · 18 היבטים

פסוקי מפתח

סינון לפי ספר
  1. מִשְׁלֵי כ״ח:י״ג

    מכסה פשעיו לא יצליח ומודה ועזב ירחם׃

  2. מִשְׁלֵי כ״ח:י״ד

    אשרי אדם מפחד תמיד ומקשה לבו יפול ברעה׃

  3. מִשְׁלֵי כ״ח:י״ח

    הולך תמים יושע ונעקש דרכים יפול באחת׃

  4. קֹהֶלֶת ג׳:י״ח

    אמרתי אני בלבי על דברת בני האדם לברם האלהים ולראות שהם בהמה המה להם׃

  5. קֹהֶלֶת ח׳:י״א

    אשר אין נעשה פתגם מעשה הרעה מהרה על כן מלא לב בני האדם בהם לעשות רע׃

  6. קֹהֶלֶת ח׳:י״ב

    אשר חטא עשה רע מאת ומאריך לו כי גם יודע אני אשר יהיה טוב ליראי האלהים אשר ייראו מלפניו׃

  7. קֹהֶלֶת ח׳:י״ג

    וטוב לא יהיה לרשע ולא יאריך ימים כצל אשר איננו ירא מלפני אלהים׃

  8. יְשַׁעְיָהוּ א׳:ד׳

    הוי גוי חטא עם כבד עון זרע מרעים בנים משחיתים עזבו את יהוה נאצו את קדוש ישראל נזרו אחור׃

  9. יְשַׁעְיָהוּ א׳:ה׳

    על מה תכו עוד תוסיפו סרה כל ראש לחלי וכל לבב דוי׃

  10. יְשַׁעְיָהוּ א׳:ו׳

    מכף רגל ועד ראש אין בו מתם פצע וחבורה ומכה טריה לא זרו ולא חבשו ולא רככה בשמן׃

  11. יְשַׁעְיָהוּ א׳:י׳

    שמעו דבר יהוה קציני סדם האזינו תורת אלהינו עם עמרה׃

  12. יְשַׁעְיָהוּ א׳:י״א

    למה לי רב זבחיכם יאמר יהוה שבעתי עלות אילים וחלב מריאים ודם פרים וכבשים ועתודים לא חפצתי׃

  13. יְשַׁעְיָהוּ א׳:י״ב

    כי תבאו לראות פני מי בקש זאת מידכם רמס חצרי׃

  14. יְשַׁעְיָהוּ א׳:י״ג

    לא תוסיפו הביא מנחת שוא קטרת תועבה היא לי חדש ושבת קרא מקרא לא אוכל און ועצרה׃

  15. יְשַׁעְיָהוּ א׳:י״ד

    חדשיכם ומועדיכם שנאה נפשי היו עלי לטרח נלאיתי נשא׃

  16. יְשַׁעְיָהוּ א׳:ט״ו

    ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו׃

  17. יְשַׁעְיָהוּ א׳:ל׳

    כי תהיו כאלה נבלת עלה וכגנה אשר מים אין לה׃

  18. יְשַׁעְיָהוּ ג׳:ט׳

    הכרת פניהם ענתה בם וחטאתם כסדם הגידו לא כחדו אוי לנפשם כי גמלו להם רעה׃

  19. יְשַׁעְיָהוּ ה׳:י״א

    הוי משכימי בבקר שכר ירדפו מאחרי בנשף יין ידליקם׃

  20. יְשַׁעְיָהוּ ה׳:י״ב

    והיה כנור ונבל תף וחליל ויין משתיהם ואת פעל יהוה לא יביטו ומעשה ידיו לא ראו׃

  21. יְשַׁעְיָהוּ ה׳:י״ח

    הוי משכי העון בחבלי השוא וכעבות העגלה חטאה׃

  22. יְשַׁעְיָהוּ ה׳:י״ט

    האמרים ימהר יחישה מעשהו למען נראה ותקרב ותבואה עצת קדוש ישראל ונדעה׃

  23. יְשַׁעְיָהוּ ה׳:כ׳

    הוי האמרים לרע טוב ולטוב רע שמים חשך לאור ואור לחשך שמים מר למתוק ומתוק למר׃

  24. יְשַׁעְיָהוּ ה׳:כ״א

    הוי חכמים בעיניהם ונגד פניהם נבנים׃

  25. יְשַׁעְיָהוּ ה׳:כ״ב

    הוי גבורים לשתות יין ואנשי חיל למסך שכר׃