פסוקים על War

639 פסוקים · 45 היבטים

פסוקי מפתח

סינון לפי ספר
  1. יְהוֹשֻעַ י׳:כ״ט

    ויעבר יהושע וכל ישראל עמו ממקדה לבנה וילחם עם לבנה׃

  2. יְהוֹשֻעַ י׳:ל׳

    ויתן יהוה גם אותה ביד ישראל ואת מלכה ויכה לפי חרב ואת כל הנפש אשר בה לא השאיר בה שריד ויעש למלכה כאשר עשה למלך יריחו׃

  3. יְהוֹשֻעַ י׳:ל״א

    ויעבר יהושע וכל ישראל עמו מלבנה לכישה ויחן עליה וילחם בה׃

  4. יְהוֹשֻעַ י׳:ל״ב

    ויתן יהוה את לכיש ביד ישראל וילכדה ביום השני ויכה לפי חרב ואת כל הנפש אשר בה ככל אשר עשה ללבנה׃

  5. יְהוֹשֻעַ י׳:ל״ג

    אז עלה הרם מלך גזר לעזר את לכיש ויכהו יהושע ואת עמו עד בלתי השאיר לו שריד׃

  6. יְהוֹשֻעַ י׳:ל״ד

    ויעבר יהושע וכל ישראל עמו מלכיש עגלנה ויחנו עליה וילחמו עליה׃

  7. יְהוֹשֻעַ י׳:ל״ה

    וילכדוה ביום ההוא ויכוה לפי חרב ואת כל הנפש אשר בה ביום ההוא החרים ככל אשר עשה ללכיש׃

  8. יְהוֹשֻעַ י׳:ל״ו

    ויעל יהושע וכל ישראל עמו מעגלונה חברונה וילחמו עליה׃

  9. יְהוֹשֻעַ י׳:ל״ז

    וילכדוה ויכוה לפי חרב ואת מלכה ואת כל עריה ואת כל הנפש אשר בה לא השאיר שריד ככל אשר עשה לעגלון ויחרם אותה ואת כל הנפש אשר בה׃

  10. יְהוֹשֻעַ י׳:ל״ח

    וישב יהושע וכל ישראל עמו דברה וילחם עליה׃

  11. יְהוֹשֻעַ י׳:ל״ט

    וילכדה ואת מלכה ואת כל עריה ויכום לפי חרב ויחרימו את כל נפש אשר בה לא השאיר שריד כאשר עשה לחברון כן עשה לדברה ולמלכה וכאשר עשה ללבנה ולמלכה׃

  12. יְהוֹשֻעַ י׳:מ׳

    ויכה יהושע את כל הארץ ההר והנגב והשפלה והאשדות ואת כל מלכיהם לא השאיר שריד ואת כל הנשמה החרים כאשר צוה יהוה אלהי ישראל׃

  13. יְהוֹשֻעַ י״א:י״א

    ויכו את כל הנפש אשר בה לפי חרב החרם לא נותר כל נשמה ואת חצור שרף באש׃

  14. יְהוֹשֻעַ י״א:י״ב

    ואת כל ערי המלכים האלה ואת כל מלכיהם לכד יהושע ויכם לפי חרב החרים אותם כאשר צוה משה עבד יהוה׃

  15. יְהוֹשֻעַ י״א:י״ג

    רק כל הערים העמדות על תלם לא שרפם ישראל זולתי את חצור לבדה שרף יהושע׃

  16. יְהוֹשֻעַ י״א:י״ד

    וכל שלל הערים האלה והבהמה בזזו להם בני ישראל רק את כל האדם הכו לפי חרב עד השמדם אותם לא השאירו כל נשמה׃

  17. יְהוֹשֻעַ י״א:ט״ו

    כאשר צוה יהוה את משה עבדו כן צוה משה את יהושע וכן עשה יהושע לא הסיר דבר מכל אשר צוה יהוה את משה׃

  18. יְהוֹשֻעַ י״א:ט״ז

    ויקח יהושע את כל הארץ הזאת ההר ואת כל הנגב ואת כל ארץ הגשן ואת השפלה ואת הערבה ואת הר ישראל ושפלתה׃

  19. יְהוֹשֻעַ י״א:י״ז

    מן ההר החלק העולה שעיר ועד בעל גד בבקעת הלבנון תחת הר חרמון ואת כל מלכיהם לכד ויכם וימיתם׃

  20. יְהוֹשֻעַ י״א:י״ח

    ימים רבים עשה יהושע את כל המלכים האלה מלחמה׃

  21. יְהוֹשֻעַ י״א:י״ט

    לא היתה עיר אשר השלימה אל בני ישראל בלתי החוי ישבי גבעון את הכל לקחו במלחמה׃

  22. יְהוֹשֻעַ י״א:כ׳

    כי מאת יהוה היתה לחזק את לבם לקראת המלחמה את ישראל למען החרימם לבלתי היות להם תחנה כי למען השמידם כאשר צוה יהוה את משה׃

  23. יְהוֹשֻעַ י״א:כ״א

    ויבא יהושע בעת ההיא ויכרת את הענקים מן ההר מן חברון מן דבר מן ענב ומכל הר יהודה ומכל הר ישראל עם עריהם החרימם יהושע׃

  24. יְהוֹשֻעַ י״א:כ״ב

    לא נותר ענקים בארץ בני ישראל רק בעזה בגת ובאשדוד נשארו׃

  25. יְהוֹשֻעַ י״א:כ״ג

    ויקח יהושע את כל הארץ ככל אשר דבר יהוה אל משה ויתנה יהושע לנחלה לישראל כמחלקתם לשבטיהם והארץ שקטה ממלחמה׃