פסוקים על Syria

235 פסוקים · 61 היבטים

פסוקי מפתח

סינון לפי ספר
  1. 1 מְלָכִים כ״ב:כ״ט

    ויעל מלך ישראל ויהושפט מלך יהודה רמת גלעד׃

  2. 1 מְלָכִים כ״ב:ל׳

    ויאמר מלך ישראל אל יהושפט התחפש ובא במלחמה ואתה לבש בגדיך ויתחפש מלך ישראל ויבוא במלחמה׃

  3. 1 מְלָכִים כ״ב:ל״א

    ומלך ארם צוה את שרי הרכב אשר לו שלשים ושנים לאמר לא תלחמו את קטן ואת גדול כי אם את מלך ישראל לבדו׃

  4. 1 מְלָכִים כ״ב:ל״ב

    ויהי כראות שרי הרכב את יהושפט והמה אמרו אך מלך ישראל הוא ויסרו עליו להלחם ויזעק יהושפט׃

  5. 1 מְלָכִים כ״ב:ל״ג

    ויהי כראות שרי הרכב כי לא מלך ישראל הוא וישובו מאחריו׃

  6. 1 מְלָכִים כ״ב:ל״ד

    ואיש משך בקשת לתמו ויכה את מלך ישראל בין הדבקים ובין השרין ויאמר לרכבו הפך ידך והוציאני מן המחנה כי החליתי׃

  7. 1 מְלָכִים כ״ב:ל״ה

    ותעלה המלחמה ביום ההוא והמלך היה מעמד במרכבה נכח ארם וימת בערב ויצק דם המכה אל חיק הרכב׃

  8. 1 מְלָכִים כ״ב:ל״ו

    ויעבר הרנה במחנה כבא השמש לאמר איש אל עירו ואיש אל ארצו׃

  9. 2 מְלָכִים ה׳:א׳

    ¶ ונעמן שר צבא מלך ארם היה איש גדול לפני אדניו ונשא פנים כי בו נתן יהוה תשועה לארם והאיש היה גבור חיל מצרע׃

  10. 2 מְלָכִים ה׳:ב׳

    וארם יצאו גדודים וישבו מארץ ישראל נערה קטנה ותהי לפני אשת נעמן׃

  11. 2 מְלָכִים ה׳:י״ב

    הלא טוב אבנה ופרפר נהרות דמשק מכל מימי ישראל הלא ארחץ בהם וטהרתי ויפן וילך בחמה׃

  12. 2 מְלָכִים ה׳:י״ח

    לדבר הזה יסלח יהוה לעבדך בבוא אדני בית רמון להשתחות שמה והוא נשען על ידי והשתחויתי בית רמן בהשתחויתי בית רמן יסלח נא יהוה לעבדך בדבר הזה׃

  13. 2 מְלָכִים ה׳:כ׳

    ויאמר גיחזי נער אלישע איש האלהים הנה חשך אדני את נעמן הארמי הזה מקחת מידו את אשר הביא חי יהוה כי אם רצתי אחריו ולקחתי מאתו מאומה׃

  14. 2 מְלָכִים ו׳:ח׳

    ומלך ארם היה נלחם בישראל ויועץ אל עבדיו לאמר אל מקום פלני אלמני תחנתי׃

  15. 2 מְלָכִים ו׳:ט׳

    וישלח איש האלהים אל מלך ישראל לאמר השמר מעבר המקום הזה כי שם ארם נחתים׃

  16. 2 מְלָכִים ו׳:י׳

    וישלח מלך ישראל אל המקום אשר אמר לו איש האלהים והזהירה ונשמר שם לא אחת ולא שתים׃

  17. 2 מְלָכִים ו׳:י״א

    ויסער לב מלך ארם על הדבר הזה ויקרא אל עבדיו ויאמר אליהם הלוא תגידו לי מי משלנו אל מלך ישראל׃

  18. 2 מְלָכִים ו׳:י״ב

    ויאמר אחד מעבדיו לוא אדני המלך כי אלישע הנביא אשר בישראל יגיד למלך ישראל את הדברים אשר תדבר בחדר משכבך׃

  19. 2 מְלָכִים ו׳:י״ד

    וישלח שמה סוסים ורכב וחיל כבד ויבאו לילה ויקפו על העיר׃

  20. 2 מְלָכִים ו׳:י״ח

    וירדו אליו ויתפלל אלישע אל יהוה ויאמר הך נא את הגוי הזה בסנורים ויכם בסנורים כדבר אלישע׃

  21. 2 מְלָכִים ו׳:י״ט

    ויאמר אלהם אלישע לא זה הדרך ולא זה העיר לכו אחרי ואוליכה אתכם אל האיש אשר תבקשון וילך אותם שמרונה׃

  22. 2 מְלָכִים ו׳:כ׳

    ויהי כבאם שמרון ויאמר אלישע יהוה פקח את עיני אלה ויראו ויפקח יהוה את עיניהם ויראו והנה בתוך שמרון׃

  23. 2 מְלָכִים ו׳:כ״ג

    ויכרה להם כרה גדולה ויאכלו וישתו וישלחם וילכו אל אדניהם ולא יספו עוד גדודי ארם לבוא בארץ ישראל׃

  24. 2 מְלָכִים ו׳:כ״ד

    ויהי אחרי כן ויקבץ בן הדד מלך ארם את כל מחנהו ויעל ויצר על שמרון׃

  25. 2 מְלָכִים ו׳:כ״ה

    ויהי רעב גדול בשמרון והנה צרים עליה עד היות ראש חמור בשמנים כסף ורבע הקב חרייונים בחמשה כסף׃