פסוקים על Sin

210 פסוקים · 120 היבטים

פסוקי מפתח

סינון לפי ספר
  1. תְהִלִּים צ״ד:ז׳

    ויאמרו לא יראה יה ולא יבין אלהי יעקב׃

  2. תְהִלִּים צ״ז:י׳

    אהבי יהוה שנאו רע שמר נפשות חסידיו מיד רשעים יצילם׃

  3. תְהִלִּים קי״ט:י״א

    בלבי צפנתי אמרתך למען לא אחטא לך׃

  4. תְהִלִּים קל״ט:כ״ג

    חקרני אל ודע לבבי בחנני ודע שרעפי׃

  5. תְהִלִּים קל״ט:כ״ד

    וראה אם דרך עצב בי ונחני בדרך עולם׃

  6. מִשְׁלֵי א׳:י׳

    בני אם יפתוך חטאים אל תבא׃

  7. מִשְׁלֵי א׳:י״א

    אם יאמרו לכה אתנו נארבה לדם נצפנה לנקי חנם׃

  8. מִשְׁלֵי א׳:י״ב

    נבלעם כשאול חיים ותמימים כיורדי בור׃

  9. מִשְׁלֵי א׳:י״ג

    כל הון יקר נמצא נמלא בתינו שלל׃

  10. מִשְׁלֵי א׳:י״ד

    גורלך תפיל בתוכנו כיס אחד יהיה לכלנו׃

  11. מִשְׁלֵי ו׳:ט״ז

    שש הנה שנא יהוה ושבע תועבות נפשו׃

  12. מִשְׁלֵי ו׳:י״ז

    עינים רמות לשון שקר וידים שפכות דם נקי׃

  13. מִשְׁלֵי ו׳:י״ח

    לב חרש מחשבות און רגלים ממהרות לרוץ לרעה׃

  14. מִשְׁלֵי ו׳:י״ט

    יפיח כזבים עד שקר ומשלח מדנים בין אחים׃

  15. מִשְׁלֵי ח׳:י״ג

    יראת יהוה שנאת רע גאה וגאון ודרך רע ופי תהפכות שנאתי׃

  16. מִשְׁלֵי י׳:ט״ז

    פעלת צדיק לחיים תבואת רשע לחטאת׃

  17. מִשְׁלֵי י״ד:ט׳

    אולים יליץ אשם ובין ישרים רצון׃

  18. מִשְׁלֵי י״ד:ל״ד

    צדקה תרומם גוי וחסד לאמים חטאת׃

  19. מִשְׁלֵי ט״ו:ט׳

    תועבת יהוה דרך רשע ומרדף צדקה יאהב׃

  20. מִשְׁלֵי ט״ז:ו׳

    בחסד ואמת יכפר עון וביראת יהוה סור מרע׃

  21. מִשְׁלֵי כ׳:ט׳

    מי יאמר זכיתי לבי טהרתי מחטאתי׃

  22. מִשְׁלֵי כ״א:ד׳

    רום עינים ורחב לב נר רשעים חטאת׃

  23. מִשְׁלֵי כ״ד:ט׳

    זמת אולת חטאת ותועבת לאדם לץ׃

  24. מִשְׁלֵי כ״ח:י״ג

    מכסה פשעיו לא יצליח ומודה ועזב ירחם׃

  25. מִשְׁלֵי ל׳:י״ב

    דור טהור בעיניו ומצאתו לא רחץ׃