פסוקים על Sin

210 פסוקים · 120 היבטים

פסוקי מפתח

סינון לפי ספר
  1. קֹהֶלֶת ז׳:כ׳

    כי אדם אין צדיק בארץ אשר יעשה טוב ולא יחטא׃

  2. יְשַׁעְיָהוּ א׳:י״ח

    לכו נא ונוכחה יאמר יהוה אם יהיו חטאיכם כשנים כשלג ילבינו אם יאדימו כתולע כצמר יהיו׃

  3. יְשַׁעְיָהוּ ג׳:ט׳

    הכרת פניהם ענתה בם וחטאתם כסדם הגידו לא כחדו אוי לנפשם כי גמלו להם רעה׃

  4. יְשַׁעְיָהוּ ה׳:י״ח

    הוי משכי העון בחבלי השוא וכעבות העגלה חטאה׃

  5. יְשַׁעְיָהוּ ה׳:י״ט

    האמרים ימהר יחישה מעשהו למען נראה ותקרב ותבואה עצת קדוש ישראל ונדעה׃

  6. יְשַׁעְיָהוּ י״ג:י״א

    ופקדתי על תבל רעה ועל רשעים עונם והשבתי גאון זדים וגאות עריצים אשפיל׃

  7. יְשַׁעְיָהוּ ל׳:א׳

    ¶ הוי בנים סוררים נאם יהוה לעשות עצה ולא מני ולנסך מסכה ולא רוחי למען ספות חטאת על חטאת׃

  8. יְשַׁעְיָהוּ נ״ט:ב׳

    כי אם עונתיכם היו מבדלים בינכם לבין אלהיכם וחטאותיכם הסתירו פנים מכם משמוע׃

  9. יְשַׁעְיָהוּ נ״ט:ג׳

    כי כפיכם נגאלו בדם ואצבעותיכם בעון שפתותיכם דברו שקר לשונכם עולה תהגה׃

  10. יִרְמְיָהוּ ב׳:כ״ב

    כי אם תכבסי בנתר ותרבי לך ברית נכתם עונך לפני נאם אדני יהוה׃

  11. יִרְמְיָהוּ ב׳:כ״ה

    מנעי רגלך מיחף וגורנך מצמאה ותאמרי נואש לוא כי אהבתי זרים ואחריהם אלך׃

  12. יִרְמְיָהוּ ג׳:כ״א

    קול על שפיים נשמע בכי תחנוני בני ישראל כי העוו את דרכם שכחו את יהוה אלהיהם׃

  13. יִרְמְיָהוּ ה׳:כ״ה

    עונותיכם הטו אלה וחטאותיכם מנעו הטוב מכם׃

  14. יִרְמְיָהוּ ז׳:י׳

    ובאתם ועמדתם לפני בבית הזה אשר נקרא שמי עליו ואמרתם נצלנו למען עשות את כל התועבות האלה׃

  15. יִרְמְיָהוּ ט״ז:י״ח

    ושלמתי ראשונה משנה עונם וחטאתם על חללם את ארצי בנבלת שקוציהם ותועבותיהם מלאו את נחלתי׃

  16. יִרְמְיָהוּ י״ח:י״ב

    ואמרו נואש כי אחרי מחשבותינו נלך ואיש שררות לבו הרע נעשה׃

  17. יִרְמְיָהוּ מ״ד:ד׳

    ואשלח אליכם את כל עבדי הנביאים השכים ושלח לאמר אל נא תעשו את דבר התעבה הזאת אשר שנאתי׃

  18. יִרְמְיָהוּ מ״ד:י״א

    לכן כה אמר יהוה צבאות אלהי ישראל הנני שם פני בכם לרעה ולהכרית את כל יהודה׃

  19. יְחֶזְקֵאל ט״ז:נ״ב

    גם את שאי כלמתך אשר פללת לאחותך בחטאתיך אשר התעבת מהן תצדקנה ממך וגם את בושי ושאי כלמתך בצדקתך אחיותך׃

  20. יְחֶזְקֵאל י״ח:ד׳

    הן כל הנפשות לי הנה כנפש האב וכנפש הבן לי הנה הנפש החטאת היא תמות׃

  21. יְחֶזְקֵאל כ׳:מ״ג

    וזכרתם שם את דרכיכם ואת כל עלילותיכם אשר נטמאתם בם ונקטתם בפניכם בכל רעותיכם אשר עשיתם׃

  22. יְחֶזְקֵאל כ״א:כ״ד

    לכן כה אמר אדני יהוה יען הזכרכם עונכם בהגלות פשעיכם להראות חטאותיכם בכל עלילותיכם יען הזכרכם בכף תתפשו׃

  23. יְחֶזְקֵאל ל״ג:ט׳

    ואתה כי הזהרת רשע מדרכו לשוב ממנה ולא שב מדרכו הוא בעונו ימות ואתה נפשך הצלת׃

  24. דָּנִיֵּאל ד׳:כ״ז

    להן מלכא מלכי ישפר עליך וחטיך בצדקה פרק ועויתך במחן ענין הן תהוא ארכה לשלותך׃

  25. דָּנִיֵּאל ט׳:ז׳

    לך אדני הצדקה ולנו בשת הפנים כיום הזה לאיש יהודה וליושבי ירושלם ולכל ישראל הקרבים והרחקים בכל הארצות אשר הדחתם שם במעלם אשר מעלו בך׃