פסוקים על Night

כן הנחלתי לי ירחי שוא ולילות עמל מנו לי׃

אם שכבתי ואמרתי מתי אקום ומדד ערב ושבעתי נדדים עדי נשף׃

לאור יקום רוצח יקטל עני ואביון ובלילה יהי כגנב׃

ועין נאף שמרה נשף לאמר לא תשורני עין וסתר פנים ישים׃

תשיגהו כמים בלהות לילה גנבתו סופה׃

שרשי פתוח אלי מים וטל ילין בקצירי׃

יגעתי באנחתי אשחה בכל לילה מטתי בדמעתי ערשי אמסה׃

בחנת לבי פקדת לילה צרפתני בל תמצא זמתי בל יעבר פי׃

יום ליום יביע אמר ולילה ללילה יחוה דעת׃

אלהי אקרא יומם ולא תענה ולילה ולא דומיה לי׃

כי רגע באפו חיים ברצונו בערב ילין בכי ולבקר רנה׃

אם זכרתיך על יצועי באשמרות אהגה בך׃

לך יום אף לך לילה אתה הכינות מאור ושמש׃

אזכרה נגינתי בלילה עם לבבי אשיחה ויחפש רוחי׃

תשת חשך ויהי לילה בו תרמש כל חיתו יער׃

הכפירים שאגים לטרף ולבקש מאל אכלם׃

תזרח השמש יאספון ואל מעונתם ירבצון׃

יצא אדם לפעלו ולעבדתו עדי ערב׃

קדמו עיני אשמרות לשיח באמרתך׃

¶ שיר המעלות הנה ברכו את יהוה כל עבדי יהוה העמדים בבית יהוה בלילות׃

ואמר אך חשך ישופני ולילה אור בעדני׃

בנשף בערב יום באישון לילה ואפלה׃

טעמה כי טוב סחרה לא יכבה בליל נרה׃

¶ על משכבי בלילות בקשתי את שאהבה נפשי בקשתיו ולא מצאתיו׃

אני ישנה ולבי ער קול דודי דופק פתחי לי אחתי רעיתי יונתי תמתי שראשי נמלא טל קוצותי רסיסי לילה׃