פסוקים על Afflictions and Adversities

ברעב פדך ממות ובמלחמה מידי חרב׃

בשוט לשון תחבא ולא תירא משד כי יבוא׃

לשד ולכפן תשחק ומחית הארץ אל תירא׃

כי עם אבני השדה בריתך וחית השדה השלמה לך׃

וידעת כי שלום אהלך ופקדת נוך ולא תחטא׃

וידעת כי רב זרעך וצאצאיך כעשב הארץ׃

תבוא בכלח אלי קבר כעלות גדיש בעתו׃

הנה זאת חקרנוה כן היא שמענה ואתה דע לך׃

כי חצי שדי עמדי אשר חמתם שתה רוחי בעותי אלוה יערכוני׃

הן יחתף מי ישיבנו מי יאמר אליו מה תעשה׃

אם קראתי ויענני לא אאמין כי יאזין קולי׃

אשר בשערה ישופני והרבה פצעי חנם׃

לא יתנני השב רוחי כי ישבעני ממררים׃

אם לכח אמיץ הנה ואם למשפט מי יועידני׃

אם אצדק פי ירשיעני תם אני ויעקשני׃

תם אני לא אדע נפשי אמאס חיי׃

אחת היא על כן אמרתי תם ורשע הוא מכלה׃

אם שוט ימית פתאם למסת נקים ילעג׃

ארץ נתנה ביד רשע פני שפטיה יכסה אם לא אפוא מי הוא׃

וימי קלו מני רץ ברחו לא ראו טובה׃

חלפו עם אניות אבה כנשר יטוש עלי אכל׃

אם אמרי אשכחה שיחי אעזבה פני ואבליגה׃

יגרתי כל עצבתי ידעתי כי לא תנקני׃

אנכי ארשע למה זה הבל איגע׃

אם התרחצתי במו שלג והזכותי בבר כפי׃