circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יְחֶזְקֵאל ל״ט:י״גבערך תקפ״ז לפנה״ס

    וקברו כל עם הארץ והיה להם לשם יום הכבדי נאם אדני יהוה׃

  2. יְחֶזְקֵאל ל״ט:י״דבערך תקפ״ז לפנה״ס

    ואנשי תמיד יבדילו עברים בארץ מקברים את העברים את הנותרים על פני הארץ לטהרה מקצה שבעה חדשים יחקרו׃

  3. יְחֶזְקֵאל ל״ט:ט״ובערך תקפ״ז לפנה״ס

    ועברו העברים בארץ וראה עצם אדם ובנה אצלו ציון עד קברו אתו המקברים אל גיא המון גוג׃

  4. יְחֶזְקֵאל ל״ט:ט״זבערך תקפ״ז לפנה״ס

    וגם שם עיר המונה וטהרו הארץ׃

  5. יְחֶזְקֵאל ל״ט:י״זבערך תקפ״ז לפנה״ס

    ואתה בן אדם כה אמר אדני יהוה אמר לצפור כל כנף ולכל חית השדה הקבצו ובאו האספו מסביב על זבחי אשר אני זבח לכם זבח גדול על הרי ישראל ואכלתם בשר ושתיתם דם׃

  6. יְחֶזְקֵאל ל״ט:י״חבערך תקפ״ז לפנה״ס

    בשר גבורים תאכלו ודם נשיאי הארץ תשתו אילים כרים ועתודים פרים מריאי בשן כלם׃

  7. יְחֶזְקֵאל ל״ט:י״טבערך תקפ״ז לפנה״ס

    ואכלתם חלב לשבעה ושתיתם דם לשכרון מזבחי אשר זבחתי לכם׃

  8. יְחֶזְקֵאל ל״ט:כ׳בערך תקפ״ז לפנה״ס

    ושבעתם על שלחני סוס ורכב גבור וכל איש מלחמה נאם אדני יהוה׃

  9. יְחֶזְקֵאל ל״ט:כ״אבערך תקפ״ז לפנה״ס

    ונתתי את כבודי בגוים וראו כל הגוים את משפטי אשר עשיתי ואת ידי אשר שמתי בהם׃

  10. יְחֶזְקֵאל ל״ט:כ״בבערך תקפ״ז לפנה״ס

    וידעו בית ישראל כי אני יהוה אלהיהם מן היום ההוא והלאה׃

  11. יְחֶזְקֵאל ל״ט:כ״גבערך תקפ״ז לפנה״ס

    וידעו הגוים כי בעונם גלו בית ישראל על אשר מעלו בי ואסתר פני מהם ואתנם ביד צריהם ויפלו בחרב כלם׃

  12. יְחֶזְקֵאל ל״ט:כ״דבערך תקפ״ז לפנה״ס

    כטמאתם וכפשעיהם עשיתי אתם ואסתר פני מהם׃

  13. יְחֶזְקֵאל ל״ט:כ״הבערך תקפ״ז לפנה״ס

    לכן כה אמר אדני יהוה עתה אשיב את שבית יעקב ורחמתי כל בית ישראל וקנאתי לשם קדשי׃

  14. יְחֶזְקֵאל ל״ט:כ״ובערך תקפ״ז לפנה״ס

    ונשו את כלמתם ואת כל מעלם אשר מעלו בי בשבתם על אדמתם לבטח ואין מחריד׃

  15. יְחֶזְקֵאל ל״ט:כ״זבערך תקפ״ז לפנה״ס

    בשובבי אותם מן העמים וקבצתי אתם מארצות איביהם ונקדשתי בם לעיני הגוים רבים׃

  16. יְחֶזְקֵאל ל״ט:כ״חבערך תקפ״ז לפנה״ס

    וידעו כי אני יהוה אלהיהם בהגלותי אתם אל הגוים וכנסתים על אדמתם ולא אותיר עוד מהם שם׃

  17. יְחֶזְקֵאל ל״ט:כ״טבערך תקפ״ז לפנה״ס

    ולא אסתיר עוד פני מהם אשר שפכתי את רוחי על בית ישראל נאם אדני יהוה׃

  18. יְחֶזְקֵאל מ׳:א׳בערך תקע״ד לפנה״ס

    ¶ בעשרים וחמש שנה לגלותנו בראש השנה בעשור לחדש בארבע עשרה שנה אחר אשר הכתה העיר בעצם היום הזה היתה עלי יד יהוה ויבא אתי שמה׃

  19. יְחֶזְקֵאל מ׳:ב׳בערך תקע״ד לפנה״ס

    במראות אלהים הביאני אל ארץ ישראל ויניחני אל הר גבה מאד ועליו כמבנה עיר מנגב׃

  20. יְחֶזְקֵאל מ׳:ג׳בערך תקע״ד לפנה״ס

    ויביא אותי שמה והנה איש מראהו כמראה נחשת ופתיל פשתים בידו וקנה המדה והוא עמד בשער׃

  21. יְחֶזְקֵאל מ׳:ד׳בערך תקע״ד לפנה״ס

    וידבר אלי האיש בן אדם ראה בעיניך ובאזניך שמע ושים לבך לכל אשר אני מראה אותך כי למען הראותכה הבאתה הנה הגד את כל אשר אתה ראה לבית ישראל׃

  22. יְחֶזְקֵאל מ׳:ה׳בערך תקע״ד לפנה״ס

    והנה חומה מחוץ לבית סביב סביב וביד האיש קנה המדה שש אמות באמה וטפח וימד את רחב הבנין קנה אחד וקומה קנה אחד׃

  23. יְחֶזְקֵאל מ׳:ו׳בערך תקע״ד לפנה״ס

    ויבוא אל שער אשר פניו דרך הקדימה ויעל במעלתו וימד את סף השער קנה אחד רחב ואת סף אחד קנה אחד רחב׃

  24. יְחֶזְקֵאל מ׳:ז׳בערך תקע״ד לפנה״ס

    והתא קנה אחד ארך וקנה אחד רחב ובין התאים חמש אמות וסף השער מאצל אולם השער מהבית קנה אחד׃

  25. יְחֶזְקֵאל מ׳:ח׳בערך תקע״ד לפנה״ס

    וימד את אלם השער מהבית קנה אחד׃