circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יְחֶזְקֵאל ל״ז:י״דבערך תקפ״ז לפנה״ס

    ונתתי רוחי בכם וחייתם והנחתי אתכם על אדמתכם וידעתם כי אני יהוה דברתי ועשיתי נאם יהוה׃

  2. יְחֶזְקֵאל ל״ז:ט״ובערך תקפ״ז לפנה״ס

    ויהי דבר יהוה אלי לאמר׃

  3. יְחֶזְקֵאל ל״ז:ט״זבערך תקפ״ז לפנה״ס

    ואתה בן אדם קח לך עץ אחד וכתב עליו ליהודה ולבני ישראל חברו ולקח עץ אחד וכתוב עליו ליוסף עץ אפרים וכל בית ישראל חברו׃

  4. יְחֶזְקֵאל ל״ז:י״זבערך תקפ״ז לפנה״ס

    וקרב אתם אחד אל אחד לך לעץ אחד והיו לאחדים בידך׃

  5. יְחֶזְקֵאל ל״ז:י״חבערך תקפ״ז לפנה״ס

    וכאשר יאמרו אליך בני עמך לאמר הלוא תגיד לנו מה אלה לך׃

  6. יְחֶזְקֵאל ל״ז:י״טבערך תקפ״ז לפנה״ס

    דבר אלהם כה אמר אדני יהוה הנה אני לקח את עץ יוסף אשר ביד אפרים ושבטי ישראל חברו ונתתי אותם עליו את עץ יהודה ועשיתם לעץ אחד והיו אחד בידי׃

  7. יְחֶזְקֵאל ל״ז:כ׳בערך תקפ״ז לפנה״ס

    והיו העצים אשר תכתב עליהם בידך לעיניהם׃

  8. יְחֶזְקֵאל ל״ז:כ״אבערך תקפ״ז לפנה״ס

    ודבר אליהם כה אמר אדני יהוה הנה אני לקח את בני ישראל מבין הגוים אשר הלכו שם וקבצתי אתם מסביב והבאתי אותם אל אדמתם׃

  9. יְחֶזְקֵאל ל״ז:כ״בבערך תקפ״ז לפנה״ס

    ועשיתי אתם לגוי אחד בארץ בהרי ישראל ומלך אחד יהיה לכלם למלך ולא יהיה עוד לשני גוים ולא יחצו עוד לשתי ממלכות עוד׃

  10. יְחֶזְקֵאל ל״ז:כ״גבערך תקפ״ז לפנה״ס

    ולא יטמאו עוד בגלוליהם ובשקוציהם ובכל פשעיהם והושעתי אתם מכל מושבתיהם אשר חטאו בהם וטהרתי אותם והיו לי לעם ואני אהיה להם לאלהים׃

  11. יְחֶזְקֵאל ל״ז:כ״דבערך תקפ״ז לפנה״ס

    ועבדי דוד מלך עליהם ורועה אחד יהיה לכלם ובמשפטי ילכו וחקתי ישמרו ועשו אותם׃

  12. יְחֶזְקֵאל ל״ז:כ״הבערך תקפ״ז לפנה״ס

    וישבו על הארץ אשר נתתי לעבדי ליעקב אשר ישבו בה אבותיכם וישבו עליה המה ובניהם ובני בניהם עד עולם ודוד עבדי נשיא להם לעולם׃

  13. יְחֶזְקֵאל ל״ז:כ״ובערך תקפ״ז לפנה״ס

    וכרתי להם ברית שלום ברית עולם יהיה אותם ונתתים והרביתי אותם ונתתי את מקדשי בתוכם לעולם׃

  14. יְחֶזְקֵאל ל״ז:כ״זבערך תקפ״ז לפנה״ס

    והיה משכני עליהם והייתי להם לאלהים והמה יהיו לי לעם׃

  15. יְחֶזְקֵאל ל״ז:כ״חבערך תקפ״ז לפנה״ס

    וידעו הגוים כי אני יהוה מקדש את ישראל בהיות מקדשי בתוכם לעולם׃

  16. יְחֶזְקֵאל ל״ח:א׳בערך תקפ״ז לפנה״ס

    ¶ ויהי דבר יהוה אלי לאמר׃

  17. יְחֶזְקֵאל ל״ח:ב׳בערך תקפ״ז לפנה״ס

    בן אדם שים פניך אל גוג ארץ המגוג נשיא ראש משך ותבל והנבא עליו׃

  18. יְחֶזְקֵאל ל״ח:ג׳בערך תקפ״ז לפנה״ס

    ואמרת כה אמר אדני יהוה הנני אליך גוג נשיא ראש משך ותבל׃

  19. יְחֶזְקֵאל ל״ח:ד׳בערך תקפ״ז לפנה״ס

    ושובבתיך ונתתי חחים בלחייך והוצאתי אותך ואת כל חילך סוסים ופרשים לבשי מכלול כלם קהל רב צנה ומגן תפשי חרבות כלם׃

  20. יְחֶזְקֵאל ל״ח:ה׳בערך תקפ״ז לפנה״ס

    פרס כוש ופוט אתם כלם מגן וכובע׃

  21. יְחֶזְקֵאל ל״ח:ו׳בערך תקפ״ז לפנה״ס

    גמר וכל אגפיה בית תוגרמה ירכתי צפון ואת כל אגפיו עמים רבים אתך׃

  22. יְחֶזְקֵאל ל״ח:ז׳בערך תקפ״ז לפנה״ס

    הכן והכן לך אתה וכל קהלך הנקהלים עליך והיית להם למשמר׃

  23. יְחֶזְקֵאל ל״ח:ח׳בערך תקפ״ז לפנה״ס

    מימים רבים תפקד באחרית השנים תבוא אל ארץ משובבת מחרב מקבצת מעמים רבים על הרי ישראל אשר היו לחרבה תמיד והיא מעמים הוצאה וישבו לבטח כלם׃

  24. יְחֶזְקֵאל ל״ח:ט׳בערך תקפ״ז לפנה״ס

    ועלית כשאה תבוא כענן לכסות הארץ תהיה אתה וכל אגפיך ועמים רבים אותך׃

  25. יְחֶזְקֵאל ל״ח:י׳בערך תקפ״ז לפנה״ס

    כה אמר אדני יהוה והיה ביום ההוא יעלו דברים על לבבך וחשבת מחשבת רעה׃