circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

יְחֶזְקֵאל ל״ח:י״אבערך תקפ״ז לפנה״ס
ואמרת אעלה על ארץ פרזות אבוא השקטים ישבי לבטח כלם ישבים באין חומה ובריח ודלתים אין להם׃
יְחֶזְקֵאל ל״ח:י״בבערך תקפ״ז לפנה״ס
לשלל שלל ולבז בז להשיב ידך על חרבות נושבת ואל עם מאסף מגוים עשה מקנה וקנין ישבי על טבור הארץ׃
יְחֶזְקֵאל ל״ח:י״גבערך תקפ״ז לפנה״ס
שבא ודדן וסחרי תרשיש וכל כפריה יאמרו לך הלשלל שלל אתה בא הלבז בז הקהלת קהלך לשאת כסף וזהב לקחת מקנה וקנין לשלל שלל גדול׃
יְחֶזְקֵאל ל״ח:י״דבערך תקפ״ז לפנה״ס
לכן הנבא בן אדם ואמרת לגוג כה אמר אדני יהוה הלוא ביום ההוא בשבת עמי ישראל לבטח תדע׃
יְחֶזְקֵאל ל״ח:ט״ובערך תקפ״ז לפנה״ס
ובאת ממקומך מירכתי צפון אתה ועמים רבים אתך רכבי סוסים כלם קהל גדול וחיל רב׃
יְחֶזְקֵאל ל״ח:ט״זבערך תקפ״ז לפנה״ס
ועלית על עמי ישראל כענן לכסות הארץ באחרית הימים תהיה והבאותיך על ארצי למען דעת הגוים אתי בהקדשי בך לעיניהם גוג׃
יְחֶזְקֵאל ל״ח:י״זבערך תקפ״ז לפנה״ס
כה אמר אדני יהוה האתה הוא אשר דברתי בימים קדמונים ביד עבדי נביאי ישראל הנבאים בימים ההם שנים להביא אתך עליהם׃
יְחֶזְקֵאל ל״ח:י״חבערך תקפ״ז לפנה״ס
והיה ביום ההוא ביום בוא גוג על אדמת ישראל נאם אדני יהוה תעלה חמתי באפי׃
יְחֶזְקֵאל ל״ח:י״טבערך תקפ״ז לפנה״ס
ובקנאתי באש עברתי דברתי אם לא ביום ההוא יהיה רעש גדול על אדמת ישראל׃
יְחֶזְקֵאל ל״ח:כ׳בערך תקפ״ז לפנה״ס
ורעשו מפני דגי הים ועוף השמים וחית השדה וכל הרמש הרמש על האדמה וכל האדם אשר על פני האדמה ונהרסו ההרים ונפלו המדרגות וכל חומה לארץ תפול׃
יְחֶזְקֵאל ל״ח:כ״אבערך תקפ״ז לפנה״ס
וקראתי עליו לכל הרי חרב נאם אדני יהוה חרב איש באחיו תהיה׃
יְחֶזְקֵאל ל״ח:כ״בבערך תקפ״ז לפנה״ס
ונשפטתי אתו בדבר ובדם וגשם שוטף ואבני אלגביש אש וגפרית אמטיר עליו ועל אגפיו ועל עמים רבים אשר אתו׃
יְחֶזְקֵאל ל״ח:כ״גבערך תקפ״ז לפנה״ס
והתגדלתי והתקדשתי ונודעתי לעיני גוים רבים וידעו כי אני יהוה׃
יְחֶזְקֵאל ל״ט:א׳בערך תקפ״ז לפנה״ס
¶ ואתה בן אדם הנבא על גוג ואמרת כה אמר אדני יהוה הנני אליך גוג נשיא ראש משך ותבל׃
יְחֶזְקֵאל ל״ט:ב׳בערך תקפ״ז לפנה״ס
ושבבתיך וששאתיך והעליתיך מירכתי צפון והבאותך על הרי ישראל׃
יְחֶזְקֵאל ל״ט:ג׳בערך תקפ״ז לפנה״ס
והכיתי קשתך מיד שמאולך וחציך מיד ימינך אפיל׃
יְחֶזְקֵאל ל״ט:ד׳בערך תקפ״ז לפנה״ס
על הרי ישראל תפול אתה וכל אגפיך ועמים אשר אתך לעיט צפור כל כנף וחית השדה נתתיך לאכלה׃
יְחֶזְקֵאל ל״ט:ה׳בערך תקפ״ז לפנה״ס
על פני השדה תפול כי אני דברתי נאם אדני יהוה׃
יְחֶזְקֵאל ל״ט:ו׳בערך תקפ״ז לפנה״ס
ושלחתי אש במגוג ובישבי האיים לבטח וידעו כי אני יהוה׃
יְחֶזְקֵאל ל״ט:ז׳בערך תקפ״ז לפנה״ס
ואת שם קדשי אודיע בתוך עמי ישראל ולא אחל את שם קדשי עוד וידעו הגוים כי אני יהוה קדוש בישראל׃
יְחֶזְקֵאל ל״ט:ח׳בערך תקפ״ז לפנה״ס
הנה באה ונהיתה נאם אדני יהוה הוא היום אשר דברתי׃
יְחֶזְקֵאל ל״ט:ט׳בערך תקפ״ז לפנה״ס
ויצאו ישבי ערי ישראל ובערו והשיקו בנשק ומגן וצנה בקשת ובחצים ובמקל יד וברמח ובערו בהם אש שבע שנים׃
יְחֶזְקֵאל ל״ט:י׳בערך תקפ״ז לפנה״ס
ולא ישאו עצים מן השדה ולא יחטבו מן היערים כי בנשק יבערו אש ושללו את שלליהם ובזזו את בזזיהם נאם אדני יהוה׃
יְחֶזְקֵאל ל״ט:י״אבערך תקפ״ז לפנה״ס
והיה ביום ההוא אתן לגוג מקום שם קבר בישראל גי העברים קדמת הים וחסמת היא את העברים וקברו שם את גוג ואת כל המונה וקראו גיא המון גוג׃
יְחֶזְקֵאל ל״ט:י״בבערך תקפ״ז לפנה״ס
וקברום בית ישראל למען טהר את הארץ שבעה חדשים׃

מציג 1,126–1,150 מתוך 1,784 פסוקים

הקודם 1...44 45 46 47 48...72 הבא