circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

יְחֶזְקֵאל ל״ו:כ״זבערך תקפ״ז לפנה״ס
ואת רוחי אתן בקרבכם ועשיתי את אשר בחקי תלכו ומשפטי תשמרו ועשיתם׃
יְחֶזְקֵאל ל״ו:כ״חבערך תקפ״ז לפנה״ס
וישבתם בארץ אשר נתתי לאבתיכם והייתם לי לעם ואנכי אהיה לכם לאלהים׃
יְחֶזְקֵאל ל״ו:כ״טבערך תקפ״ז לפנה״ס
והושעתי אתכם מכל טמאותיכם וקראתי אל הדגן והרביתי אתו ולא אתן עליכם רעב׃
יְחֶזְקֵאל ל״ו:ל׳בערך תקפ״ז לפנה״ס
והרביתי את פרי העץ ותנובת השדה למען אשר לא תקחו עוד חרפת רעב בגוים׃
יְחֶזְקֵאל ל״ו:ל״אבערך תקפ״ז לפנה״ס
וזכרתם את דרכיכם הרעים ומעלליכם אשר לא טובים ונקטתם בפניכם על עונתיכם ועל תועבתיכם׃
יְחֶזְקֵאל ל״ו:ל״בבערך תקפ״ז לפנה״ס
לא למענכם אני עשה נאם אדני יהוה יודע לכם בושו והכלמו מדרכיכם בית ישראל׃
יְחֶזְקֵאל ל״ו:ל״גבערך תקפ״ז לפנה״ס
כה אמר אדני יהוה ביום טהרי אתכם מכל עונותיכם והושבתי את הערים ונבנו החרבות׃
יְחֶזְקֵאל ל״ו:ל״דבערך תקפ״ז לפנה״ס
והארץ הנשמה תעבד תחת אשר היתה שממה לעיני כל עובר׃
יְחֶזְקֵאל ל״ו:ל״הבערך תקפ״ז לפנה״ס
ואמרו הארץ הלזו הנשמה היתה כגן עדן והערים החרבות והנשמות והנהרסות בצורות ישבו׃
יְחֶזְקֵאל ל״ו:ל״ובערך תקפ״ז לפנה״ס
וידעו הגוים אשר ישארו סביבותיכם כי אני יהוה בניתי הנהרסות נטעתי הנשמה אני יהוה דברתי ועשיתי׃
יְחֶזְקֵאל ל״ו:ל״זבערך תקפ״ז לפנה״ס
כה אמר אדני יהוה עוד זאת אדרש לבית ישראל לעשות להם ארבה אתם כצאן אדם׃
יְחֶזְקֵאל ל״ו:ל״חבערך תקפ״ז לפנה״ס
כצאן קדשים כצאן ירושלם במועדיה כן תהיינה הערים החרבות מלאות צאן אדם וידעו כי אני יהוה׃
יְחֶזְקֵאל ל״ז:א׳בערך תקפ״ז לפנה״ס
¶ היתה עלי יד יהוה ויוצאני ברוח יהוה ויניחני בתוך הבקעה והיא מלאה עצמות׃
יְחֶזְקֵאל ל״ז:ב׳בערך תקפ״ז לפנה״ס
והעבירני עליהם סביב סביב והנה רבות מאד על פני הבקעה והנה יבשות מאד׃
יְחֶזְקֵאל ל״ז:ג׳בערך תקפ״ז לפנה״ס
ויאמר אלי בן אדם התחיינה העצמות האלה ואמר אדני יהוה אתה ידעת׃
יְחֶזְקֵאל ל״ז:ד׳בערך תקפ״ז לפנה״ס
ויאמר אלי הנבא על העצמות האלה ואמרת אליהם העצמות היבשות שמעו דבר יהוה׃
יְחֶזְקֵאל ל״ז:ה׳בערך תקפ״ז לפנה״ס
כה אמר אדני יהוה לעצמות האלה הנה אני מביא בכם רוח וחייתם׃
יְחֶזְקֵאל ל״ז:ו׳בערך תקפ״ז לפנה״ס
ונתתי עליכם גדים והעלתי עליכם בשר וקרמתי עליכם עור ונתתי בכם רוח וחייתם וידעתם כי אני יהוה׃
יְחֶזְקֵאל ל״ז:ז׳בערך תקפ״ז לפנה״ס
ונבאתי כאשר צויתי ויהי קול כהנבאי והנה רעש ותקרבו עצמות עצם אל עצמו׃
יְחֶזְקֵאל ל״ז:ח׳בערך תקפ״ז לפנה״ס
וראיתי והנה עליהם גדים ובשר עלה ויקרם עליהם עור מלמעלה ורוח אין בהם׃
יְחֶזְקֵאל ל״ז:ט׳בערך תקפ״ז לפנה״ס
ויאמר אלי הנבא אל הרוח הנבא בן אדם ואמרת אל הרוח כה אמר אדני יהוה מארבע רוחות באי הרוח ופחי בהרוגים האלה ויחיו׃
יְחֶזְקֵאל ל״ז:י׳בערך תקפ״ז לפנה״ס
והנבאתי כאשר צוני ותבוא בהם הרוח ויחיו ויעמדו על רגליהם חיל גדול מאד מאד׃
יְחֶזְקֵאל ל״ז:י״אבערך תקפ״ז לפנה״ס
ויאמר אלי בן אדם העצמות האלה כל בית ישראל המה הנה אמרים יבשו עצמותינו ואבדה תקותנו נגזרנו לנו׃
יְחֶזְקֵאל ל״ז:י״בבערך תקפ״ז לפנה״ס
לכן הנבא ואמרת אליהם כה אמר אדני יהוה הנה אני פתח את קברותיכם והעליתי אתכם מקברותיכם עמי והבאתי אתכם אל אדמת ישראל׃
יְחֶזְקֵאל ל״ז:י״גבערך תקפ״ז לפנה״ס
וידעתם כי אני יהוה בפתחי את קברותיכם ובהעלותי אתכם מקברותיכם עמי׃

מציג 1,076–1,100 מתוך 1,784 פסוקים

הקודם 1...42 43 44 45 46...72 הבא