circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. וַיִּקְרָא י״ד:ל״זבערך ת״צ לפנה״ס

    וראה את הנגע והנה הנגע בקירת הבית שקערורת ירקרקת או אדמדמת ומראיהן שפל מן הקיר׃

  2. וַיִּקְרָא י״ד:ל״חבערך ת״צ לפנה״ס

    ויצא הכהן מן הבית אל פתח הבית והסגיר את הבית שבעת ימים׃

  3. וַיִּקְרָא י״ד:ל״טבערך ת״צ לפנה״ס

    ושב הכהן ביום השביעי וראה והנה פשה הנגע בקירת הבית׃

  4. וַיִּקְרָא י״ד:מ׳בערך ת״צ לפנה״ס

    וצוה הכהן וחלצו את האבנים אשר בהן הנגע והשליכו אתהן אל מחוץ לעיר אל מקום טמא׃

  5. וַיִּקְרָא י״ד:מ״אבערך ת״צ לפנה״ס

    ואת הבית יקצע מבית סביב ושפכו את העפר אשר הקצו אל מחוץ לעיר אל מקום טמא׃

  6. וַיִּקְרָא י״ד:מ״בבערך ת״צ לפנה״ס

    ולקחו אבנים אחרות והביאו אל תחת האבנים ועפר אחר יקח וטח את הבית׃

  7. וַיִּקְרָא י״ד:מ״גבערך ת״צ לפנה״ס

    ואם ישוב הנגע ופרח בבית אחר חלץ את האבנים ואחרי הקצות את הבית ואחרי הטוח׃

  8. וַיִּקְרָא י״ד:מ״דבערך ת״צ לפנה״ס

    ובא הכהן וראה והנה פשה הנגע בבית צרעת ממארת הוא בבית טמא הוא׃

  9. וַיִּקְרָא י״ד:מ״הבערך ת״צ לפנה״ס

    ונתץ את הבית את אבניו ואת עציו ואת כל עפר הבית והוציא אל מחוץ לעיר אל מקום טמא׃

  10. וַיִּקְרָא י״ד:מ״ובערך ת״צ לפנה״ס

    והבא אל הבית כל ימי הסגיר אתו יטמא עד הערב׃

  11. וַיִּקְרָא י״ד:מ״זבערך ת״צ לפנה״ס

    והשכב בבית יכבס את בגדיו והאכל בבית יכבס את בגדיו׃

  12. וַיִּקְרָא י״ד:מ״חבערך ת״צ לפנה״ס

    ואם בא יבא הכהן וראה והנה לא פשה הנגע בבית אחרי הטח את הבית וטהר הכהן את הבית כי נרפא הנגע׃

  13. וַיִּקְרָא י״ד:מ״טבערך ת״צ לפנה״ס

    ולקח לחטא את הבית שתי צפרים ועץ ארז ושני תולעת ואזב׃

  14. וַיִּקְרָא י״ד:נ׳בערך ת״צ לפנה״ס

    ושחט את הצפר האחת אל כלי חרש על מים חיים׃

  15. וַיִּקְרָא י״ד:נ״אבערך ת״צ לפנה״ס

    ולקח את עץ הארז ואת האזב ואת שני התולעת ואת הצפר החיה וטבל אתם בדם הצפר השחוטה ובמים החיים והזה אל הבית שבע פעמים׃

  16. וַיִּקְרָא י״ד:נ״בבערך ת״צ לפנה״ס

    וחטא את הבית בדם הצפור ובמים החיים ובצפר החיה ובעץ הארז ובאזב ובשני התולעת׃

  17. וַיִּקְרָא י״ד:נ״גבערך ת״צ לפנה״ס

    ושלח את הצפר החיה אל מחוץ לעיר אל פני השדה וכפר על הבית וטהר׃

  18. וַיִּקְרָא י״ד:נ״דבערך ת״צ לפנה״ס

    זאת התורה לכל נגע הצרעת ולנתק׃

  19. וַיִּקְרָא י״ד:נ״הבערך ת״צ לפנה״ס

    ולצרעת הבגד ולבית׃

  20. וַיִּקְרָא י״ד:נ״ובערך ת״צ לפנה״ס

    ולשאת ולספחת ולבהרת׃

  21. וַיִּקְרָא י״ד:נ״זבערך ת״צ לפנה״ס

    להורת ביום הטמא וביום הטהר זאת תורת הצרעת׃

  22. וַיִּקְרָא ט״ו:א׳בערך ת״צ לפנה״ס

    ¶ וידבר יהוה אל משה ואל אהרן לאמר׃

  23. וַיִּקְרָא ט״ו:ב׳בערך ת״צ לפנה״ס

    דברו אל בני ישראל ואמרתם אלהם איש איש כי יהיה זב מבשרו זובו טמא הוא׃

  24. וַיִּקְרָא ט״ו:ג׳בערך ת״צ לפנה״ס

    וזאת תהיה טמאתו בזובו רר בשרו את זובו או החתים בשרו מזובו טמאתו הוא׃

  25. וַיִּקְרָא ט״ו:ד׳בערך ת״צ לפנה״ס

    כל המשכב אשר ישכב עליו הזב יטמא וכל הכלי אשר ישב עליו יטמא׃