circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. וַיִּקְרָא ט״ו:ה׳בערך ת״צ לפנה״ס

    ואיש אשר יגע במשכבו יכבס בגדיו ורחץ במים וטמא עד הערב׃

  2. וַיִּקְרָא ט״ו:ו׳בערך ת״צ לפנה״ס

    והישב על הכלי אשר ישב עליו הזב יכבס בגדיו ורחץ במים וטמא עד הערב׃

  3. וַיִּקְרָא ט״ו:ז׳בערך ת״צ לפנה״ס

    והנגע בבשר הזב יכבס בגדיו ורחץ במים וטמא עד הערב׃

  4. וַיִּקְרָא ט״ו:ח׳בערך ת״צ לפנה״ס

    וכי ירק הזב בטהור וכבס בגדיו ורחץ במים וטמא עד הערב׃

  5. וַיִּקְרָא ט״ו:ט׳בערך ת״צ לפנה״ס

    וכל המרכב אשר ירכב עליו הזב יטמא׃

  6. וַיִּקְרָא ט״ו:י׳בערך ת״צ לפנה״ס

    וכל הנגע בכל אשר יהיה תחתיו יטמא עד הערב והנושא אותם יכבס בגדיו ורחץ במים וטמא עד הערב׃

  7. וַיִּקְרָא ט״ו:י״אבערך ת״צ לפנה״ס

    וכל אשר יגע בו הזב וידיו לא שטף במים וכבס בגדיו ורחץ במים וטמא עד הערב׃

  8. וַיִּקְרָא ט״ו:י״בבערך ת״צ לפנה״ס

    וכלי חרש אשר יגע בו הזב ישבר וכל כלי עץ ישטף במים׃

  9. וַיִּקְרָא ט״ו:י״גבערך ת״צ לפנה״ס

    וכי יטהר הזב מזובו וספר לו שבעת ימים לטהרתו וכבס בגדיו ורחץ בשרו במים חיים וטהר׃

  10. וַיִּקְרָא ט״ו:י״דבערך ת״צ לפנה״ס

    וביום השמיני יקח לו שתי תרים או שני בני יונה ובא לפני יהוה אל פתח אהל מועד ונתנם אל הכהן׃

  11. וַיִּקְרָא ט״ו:ט״ובערך ת״צ לפנה״ס

    ועשה אתם הכהן אחד חטאת והאחד עלה וכפר עליו הכהן לפני יהוה מזובו׃

  12. וַיִּקְרָא ט״ו:ט״זבערך ת״צ לפנה״ס

    ואיש כי תצא ממנו שכבת זרע ורחץ במים את כל בשרו וטמא עד הערב׃

  13. וַיִּקְרָא ט״ו:י״זבערך ת״צ לפנה״ס

    וכל בגד וכל עור אשר יהיה עליו שכבת זרע וכבס במים וטמא עד הערב׃

  14. וַיִּקְרָא ט״ו:י״חבערך ת״צ לפנה״ס

    ואשה אשר ישכב איש אתה שכבת זרע ורחצו במים וטמאו עד הערב׃

  15. וַיִּקְרָא ט״ו:י״טבערך ת״צ לפנה״ס

    ואשה כי תהיה זבה דם יהיה זבה בבשרה שבעת ימים תהיה בנדתה וכל הנגע בה יטמא עד הערב׃

  16. וַיִּקְרָא ט״ו:כ׳בערך ת״צ לפנה״ס

    וכל אשר תשכב עליו בנדתה יטמא וכל אשר תשב עליו יטמא׃

  17. וַיִּקְרָא ט״ו:כ״אבערך ת״צ לפנה״ס

    וכל הנגע במשכבה יכבס בגדיו ורחץ במים וטמא עד הערב׃

  18. וַיִּקְרָא ט״ו:כ״בבערך ת״צ לפנה״ס

    וכל הנגע בכל כלי אשר תשב עליו יכבס בגדיו ורחץ במים וטמא עד הערב׃

  19. וַיִּקְרָא ט״ו:כ״גבערך ת״צ לפנה״ס

    ואם על המשכב הוא או על הכלי אשר הוא ישבת עליו בנגעו בו יטמא עד הערב׃

  20. וַיִּקְרָא ט״ו:כ״דבערך ת״צ לפנה״ס

    ואם שכב ישכב איש אתה ותהי נדתה עליו וטמא שבעת ימים וכל המשכב אשר ישכב עליו יטמא׃

  21. וַיִּקְרָא ט״ו:כ״הבערך ת״צ לפנה״ס

    ואשה כי יזוב זוב דמה ימים רבים בלא עת נדתה או כי תזוב על נדתה כל ימי זוב טמאתה כימי נדתה תהיה טמאה הוא׃

  22. וַיִּקְרָא ט״ו:כ״ובערך ת״צ לפנה״ס

    כל המשכב אשר תשכב עליו כל ימי זובה כמשכב נדתה יהיה לה וכל הכלי אשר תשב עליו טמא יהיה כטמאת נדתה׃

  23. וַיִּקְרָא ט״ו:כ״זבערך ת״צ לפנה״ס

    וכל הנוגע בם יטמא וכבס בגדיו ורחץ במים וטמא עד הערב׃

  24. וַיִּקְרָא ט״ו:כ״חבערך ת״צ לפנה״ס

    ואם טהרה מזובה וספרה לה שבעת ימים ואחר תטהר׃

  25. וַיִּקְרָא ט״ו:כ״טבערך ת״צ לפנה״ס

    וביום השמיני תקח לה שתי תרים או שני בני יונה והביאה אותם אל הכהן אל פתח אהל מועד׃