circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. וַיִּקְרָא י״ד:י״בבערך ת״צ לפנה״ס

    ולקח הכהן את הכבש האחד והקריב אתו לאשם ואת לג השמן והניף אתם תנופה לפני יהוה׃

  2. וַיִּקְרָא י״ד:י״גבערך ת״צ לפנה״ס

    ושחט את הכבש במקום אשר ישחט את החטאת ואת העלה במקום הקדש כי כחטאת האשם הוא לכהן קדש קדשים הוא׃

  3. וַיִּקְרָא י״ד:י״דבערך ת״צ לפנה״ס

    ולקח הכהן מדם האשם ונתן הכהן על תנוך אזן המטהר הימנית ועל בהן ידו הימנית ועל בהן רגלו הימנית׃

  4. וַיִּקְרָא י״ד:ט״ובערך ת״צ לפנה״ס

    ולקח הכהן מלג השמן ויצק על כף הכהן השמאלית׃

  5. וַיִּקְרָא י״ד:ט״זבערך ת״צ לפנה״ס

    וטבל הכהן את אצבעו הימנית מן השמן אשר על כפו השמאלית והזה מן השמן באצבעו שבע פעמים לפני יהוה׃

  6. וַיִּקְרָא י״ד:י״זבערך ת״צ לפנה״ס

    ומיתר השמן אשר על כפו יתן הכהן על תנוך אזן המטהר הימנית ועל בהן ידו הימנית ועל בהן רגלו הימנית על דם האשם׃

  7. וַיִּקְרָא י״ד:י״חבערך ת״צ לפנה״ס

    והנותר בשמן אשר על כף הכהן יתן על ראש המטהר וכפר עליו הכהן לפני יהוה׃

  8. וַיִּקְרָא י״ד:י״טבערך ת״צ לפנה״ס

    ועשה הכהן את החטאת וכפר על המטהר מטמאתו ואחר ישחט את העלה׃

  9. וַיִּקְרָא י״ד:כ׳בערך ת״צ לפנה״ס

    והעלה הכהן את העלה ואת המנחה המזבחה וכפר עליו הכהן וטהר׃

  10. וַיִּקְרָא י״ד:כ״אבערך ת״צ לפנה״ס

    ואם דל הוא ואין ידו משגת ולקח כבש אחד אשם לתנופה לכפר עליו ועשרון סלת אחד בלול בשמן למנחה ולג שמן׃

  11. וַיִּקְרָא י״ד:כ״בבערך ת״צ לפנה״ס

    ושתי תרים או שני בני יונה אשר תשיג ידו והיה אחד חטאת והאחד עלה׃

  12. וַיִּקְרָא י״ד:כ״גבערך ת״צ לפנה״ס

    והביא אתם ביום השמיני לטהרתו אל הכהן אל פתח אהל מועד לפני יהוה׃

  13. וַיִּקְרָא י״ד:כ״דבערך ת״צ לפנה״ס

    ולקח הכהן את כבש האשם ואת לג השמן והניף אתם הכהן תנופה לפני יהוה׃

  14. וַיִּקְרָא י״ד:כ״הבערך ת״צ לפנה״ס

    ושחט את כבש האשם ולקח הכהן מדם האשם ונתן על תנוך אזן המטהר הימנית ועל בהן ידו הימנית ועל בהן רגלו הימנית׃

  15. וַיִּקְרָא י״ד:כ״ובערך ת״צ לפנה״ס

    ומן השמן יצק הכהן על כף הכהן השמאלית׃

  16. וַיִּקְרָא י״ד:כ״זבערך ת״צ לפנה״ס

    והזה הכהן באצבעו הימנית מן השמן אשר על כפו השמאלית שבע פעמים לפני יהוה׃

  17. וַיִּקְרָא י״ד:כ״חבערך ת״צ לפנה״ס

    ונתן הכהן מן השמן אשר על כפו על תנוך אזן המטהר הימנית ועל בהן ידו הימנית ועל בהן רגלו הימנית על מקום דם האשם׃

  18. וַיִּקְרָא י״ד:כ״טבערך ת״צ לפנה״ס

    והנותר מן השמן אשר על כף הכהן יתן על ראש המטהר לכפר עליו לפני יהוה׃

  19. וַיִּקְרָא י״ד:ל׳בערך ת״צ לפנה״ס

    ועשה את האחד מן התרים או מן בני היונה מאשר תשיג ידו׃

  20. וַיִּקְרָא י״ד:ל״אבערך ת״צ לפנה״ס

    את אשר תשיג ידו את האחד חטאת ואת האחד עלה על המנחה וכפר הכהן על המטהר לפני יהוה׃

  21. וַיִּקְרָא י״ד:ל״בבערך ת״צ לפנה״ס

    זאת תורת אשר בו נגע צרעת אשר לא תשיג ידו בטהרתו׃

  22. וַיִּקְרָא י״ד:ל״גבערך ת״צ לפנה״ס

    וידבר יהוה אל משה ואל אהרן לאמר׃

  23. וַיִּקְרָא י״ד:ל״דבערך ת״צ לפנה״ס

    כי תבאו אל ארץ כנען אשר אני נתן לכם לאחזה ונתתי נגע צרעת בבית ארץ אחזתכם׃

  24. וַיִּקְרָא י״ד:ל״הבערך ת״צ לפנה״ס

    ובא אשר לו הבית והגיד לכהן לאמר כנגע נראה לי בבית׃

  25. וַיִּקְרָא י״ד:ל״ובערך ת״צ לפנה״ס

    וצוה הכהן ופנו את הבית בטרם יבא הכהן לראות את הנגע ולא יטמא כל אשר בבית ואחר כן יבא הכהן לראות את הבית׃