circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. וַיִּקְרָא ט״ז:כ״בבערך ת״צ לפנה״ס

    ונשא השעיר עליו את כל עונתם אל ארץ גזרה ושלח את השעיר במדבר׃

  2. וַיִּקְרָא ט״ז:כ״גבערך ת״צ לפנה״ס

    ובא אהרן אל אהל מועד ופשט את בגדי הבד אשר לבש בבאו אל הקדש והניחם שם׃

  3. וַיִּקְרָא ט״ז:כ״דבערך ת״צ לפנה״ס

    ורחץ את בשרו במים במקום קדוש ולבש את בגדיו ויצא ועשה את עלתו ואת עלת העם וכפר בעדו ובעד העם׃

  4. וַיִּקְרָא ט״ז:כ״הבערך ת״צ לפנה״ס

    ואת חלב החטאת יקטיר המזבחה׃

  5. וַיִּקְרָא ט״ז:כ״ובערך ת״צ לפנה״ס

    והמשלח את השעיר לעזאזל יכבס בגדיו ורחץ את בשרו במים ואחרי כן יבוא אל המחנה׃

  6. וַיִּקְרָא ט״ז:כ״זבערך ת״צ לפנה״ס

    ואת פר החטאת ואת שעיר החטאת אשר הובא את דמם לכפר בקדש יוציא אל מחוץ למחנה ושרפו באש את ערתם ואת בשרם ואת פרשם׃

  7. וַיִּקְרָא ט״ז:כ״חבערך ת״צ לפנה״ס

    והשרף אתם יכבס בגדיו ורחץ את בשרו במים ואחרי כן יבוא אל המחנה׃

  8. וַיִּקְרָא ט״ז:כ״טבערך ת״צ לפנה״ס

    והיתה לכם לחקת עולם בחדש השביעי בעשור לחדש תענו את נפשתיכם וכל מלאכה לא תעשו האזרח והגר הגר בתוככם׃

  9. וַיִּקְרָא ט״ז:ל׳בערך ת״צ לפנה״ס

    כי ביום הזה יכפר עליכם לטהר אתכם מכל חטאתיכם לפני יהוה תטהרו׃

  10. וַיִּקְרָא ט״ז:ל״אבערך ת״צ לפנה״ס

    שבת שבתון היא לכם ועניתם את נפשתיכם חקת עולם׃

  11. וַיִּקְרָא ט״ז:ל״בבערך ת״צ לפנה״ס

    וכפר הכהן אשר ימשח אתו ואשר ימלא את ידו לכהן תחת אביו ולבש את בגדי הבד בגדי הקדש׃

  12. וַיִּקְרָא ט״ז:ל״גבערך ת״צ לפנה״ס

    וכפר את מקדש הקדש ואת אהל מועד ואת המזבח יכפר ועל הכהנים ועל כל עם הקהל יכפר׃

  13. וַיִּקְרָא ט״ז:ל״דבערך ת״צ לפנה״ס

    והיתה זאת לכם לחקת עולם לכפר על בני ישראל מכל חטאתם אחת בשנה ויעש כאשר צוה יהוה את משה׃

  14. וַיִּקְרָא י״ז:א׳בערך ת״צ לפנה״ס

    ¶ וידבר יהוה אל משה לאמר׃

  15. וַיִּקְרָא י״ז:ב׳בערך ת״צ לפנה״ס

    דבר אל אהרן ואל בניו ואל כל בני ישראל ואמרת אליהם זה הדבר אשר צוה יהוה לאמר׃

  16. וַיִּקְרָא י״ז:ג׳בערך ת״צ לפנה״ס

    איש איש מבית ישראל אשר ישחט שור או כשב או עז במחנה או אשר ישחט מחוץ למחנה׃

  17. וַיִּקְרָא י״ז:ד׳בערך ת״צ לפנה״ס

    ואל פתח אהל מועד לא הביאו להקריב קרבן ליהוה לפני משכן יהוה דם יחשב לאיש ההוא דם שפך ונכרת האיש ההוא מקרב עמו׃

  18. וַיִּקְרָא י״ז:ה׳בערך ת״צ לפנה״ס

    למען אשר יביאו בני ישראל את זבחיהם אשר הם זבחים על פני השדה והביאם ליהוה אל פתח אהל מועד אל הכהן וזבחו זבחי שלמים ליהוה אותם׃

  19. וַיִּקְרָא י״ז:ו׳בערך ת״צ לפנה״ס

    וזרק הכהן את הדם על מזבח יהוה פתח אהל מועד והקטיר החלב לריח ניחח ליהוה׃

  20. וַיִּקְרָא י״ז:ז׳בערך ת״צ לפנה״ס

    ולא יזבחו עוד את זבחיהם לשעירם אשר הם זנים אחריהם חקת עולם תהיה זאת להם לדרתם׃

  21. וַיִּקְרָא י״ז:ח׳בערך ת״צ לפנה״ס

    ואלהם תאמר איש איש מבית ישראל ומן הגר אשר יגור בתוכם אשר יעלה עלה או זבח׃

  22. וַיִּקְרָא י״ז:ט׳בערך ת״צ לפנה״ס

    ואל פתח אהל מועד לא יביאנו לעשות אתו ליהוה ונכרת האיש ההוא מעמיו׃

  23. וַיִּקְרָא י״ז:י׳בערך ת״צ לפנה״ס

    ואיש איש מבית ישראל ומן הגר הגר בתוכם אשר יאכל כל דם ונתתי פני בנפש האכלת את הדם והכרתי אתה מקרב עמה׃

  24. וַיִּקְרָא י״ז:י״אבערך ת״צ לפנה״ס

    כי נפש הבשר בדם הוא ואני נתתיו לכם על המזבח לכפר על נפשתיכם כי הדם הוא בנפש יכפר׃

  25. וַיִּקְרָא י״ז:י״בבערך ת״צ לפנה״ס

    על כן אמרתי לבני ישראל כל נפש מכם לא תאכל דם והגר הגר בתוככם לא יאכל דם׃