circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. וַיִּקְרָא י״ח:כ״בבערך ת״צ לפנה״ס

    ואת זכר לא תשכב משכבי אשה תועבה הוא׃

  2. וַיִּקְרָא י״ח:כ״גבערך ת״צ לפנה״ס

    ובכל בהמה לא תתן שכבתך לטמאה בה ואשה לא תעמד לפני בהמה לרבעה תבל הוא׃

  3. וַיִּקְרָא י״ח:כ״דבערך ת״צ לפנה״ס

    אל תטמאו בכל אלה כי בכל אלה נטמאו הגוים אשר אני משלח מפניכם׃

  4. וַיִּקְרָא י״ח:כ״הבערך ת״צ לפנה״ס

    ותטמא הארץ ואפקד עונה עליה ותקא הארץ את ישביה׃

  5. וַיִּקְרָא י״ח:כ״ובערך ת״צ לפנה״ס

    ושמרתם אתם את חקתי ואת משפטי ולא תעשו מכל התועבת האלה האזרח והגר הגר בתוככם׃

  6. וַיִּקְרָא י״ח:כ״זבערך ת״צ לפנה״ס

    כי את כל התועבת האל עשו אנשי הארץ אשר לפניכם ותטמא הארץ׃

  7. וַיִּקְרָא י״ח:כ״חבערך ת״צ לפנה״ס

    ולא תקיא הארץ אתכם בטמאכם אתה כאשר קאה את הגוי אשר לפניכם׃

  8. וַיִּקְרָא י״ח:כ״טבערך ת״צ לפנה״ס

    כי כל אשר יעשה מכל התועבות האלה ונכרתו הנפשות העשת מקרב עמם׃

  9. וַיִּקְרָא י״ח:ל׳בערך ת״צ לפנה״ס

    ושמרתם את משמרתי לבלתי עשות מחקות התועבת אשר נעשו לפניכם ולא תטמאו בהם אני יהוה אלהיכם׃

  10. וַיִּקְרָא י״ט:א׳בערך ת״צ לפנה״ס

    ¶ וידבר יהוה אל משה לאמר׃

  11. וַיִּקְרָא י״ט:ב׳בערך ת״צ לפנה״ס

    דבר אל כל עדת בני ישראל ואמרת אלהם קדשים תהיו כי קדוש אני יהוה אלהיכם׃

  12. וַיִּקְרָא י״ט:ג׳בערך ת״צ לפנה״ס

    איש אמו ואביו תיראו ואת שבתתי תשמרו אני יהוה אלהיכם׃

  13. וַיִּקְרָא י״ט:ד׳בערך ת״צ לפנה״ס

    אל תפנו אל האלילים ואלהי מסכה לא תעשו לכם אני יהוה אלהיכם׃

  14. וַיִּקְרָא י״ט:ה׳בערך ת״צ לפנה״ס

    וכי תזבחו זבח שלמים ליהוה לרצנכם תזבחהו׃

  15. וַיִּקְרָא י״ט:ו׳בערך ת״צ לפנה״ס

    ביום זבחכם יאכל וממחרת והנותר עד יום השלישי באש ישרף׃

  16. וַיִּקְרָא י״ט:ז׳בערך ת״צ לפנה״ס

    ואם האכל יאכל ביום השלישי פגול הוא לא ירצה׃

  17. וַיִּקְרָא י״ט:ח׳בערך ת״צ לפנה״ס

    ואכליו עונו ישא כי את קדש יהוה חלל ונכרתה הנפש ההוא מעמיה׃

  18. וַיִּקְרָא י״ט:ט׳בערך ת״צ לפנה״ס

    ובקצרכם את קציר ארצכם לא תכלה פאת שדך לקצר ולקט קצירך לא תלקט׃

  19. וַיִּקְרָא י״ט:י׳בערך ת״צ לפנה״ס

    וכרמך לא תעולל ופרט כרמך לא תלקט לעני ולגר תעזב אתם אני יהוה אלהיכם׃

  20. וַיִּקְרָא י״ט:י״אבערך ת״צ לפנה״ס

    לא תגנבו ולא תכחשו ולא תשקרו איש בעמיתו׃

  21. וַיִּקְרָא י״ט:י״בבערך ת״צ לפנה״ס

    ולא תשבעו בשמי לשקר וחללת את שם אלהיך אני יהוה׃

  22. וַיִּקְרָא י״ט:י״גבערך ת״צ לפנה״ס

    לא תעשק את רעך ולא תגזל לא תלין פעלת שכיר אתך עד בקר׃

  23. וַיִּקְרָא י״ט:י״דבערך ת״צ לפנה״ס

    לא תקלל חרש ולפני עור לא תתן מכשל ויראת מאלהיך אני יהוה׃

  24. וַיִּקְרָא י״ט:ט״ובערך ת״צ לפנה״ס

    לא תעשו עול במשפט לא תשא פני דל ולא תהדר פני גדול בצדק תשפט עמיתך׃

  25. וַיִּקְרָא י״ט:ט״זבערך ת״צ לפנה״ס

    לא תלך רכיל בעמיך לא תעמד על דם רעך אני יהוה׃