circa 1406–1380 BC

Conquest of Canaan

Joshua leads Israel across the Jordan into the promised land, defeating the Canaanite kingdoms one by one.

658 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. יְהוֹשֻעַ כ״ב:כ״ובערך 1443 לפנה״ס

    ונאמר נעשה נא לנו לבנות את המזבח לא לעולה ולא לזבח׃

  2. יְהוֹשֻעַ כ״ב:כ״זבערך 1443 לפנה״ס

    כי עד הוא בינינו וביניכם ובין דרותינו אחרינו לעבד את עבדת יהוה לפניו בעלותינו ובזבחינו ובשלמינו ולא יאמרו בניכם מחר לבנינו אין לכם חלק ביהוה׃

  3. יְהוֹשֻעַ כ״ב:כ״חבערך 1443 לפנה״ס

    ונאמר והיה כי יאמרו אלינו ואל דרתינו מחר ואמרנו ראו את תבנית מזבח יהוה אשר עשו אבותינו לא לעולה ולא לזבח כי עד הוא בינינו וביניכם׃

  4. יְהוֹשֻעַ כ״ב:כ״טבערך 1443 לפנה״ס

    חלילה לנו ממנו למרד ביהוה ולשוב היום מאחרי יהוה לבנות מזבח לעלה למנחה ולזבח מלבד מזבח יהוה אלהינו אשר לפני משכנו׃

  5. יְהוֹשֻעַ כ״ב:ל׳בערך 1443 לפנה״ס

    וישמע פינחס הכהן ונשיאי העדה וראשי אלפי ישראל אשר אתו את הדברים אשר דברו בני ראובן ובני גד ובני מנשה וייטב בעיניהם׃

  6. יְהוֹשֻעַ כ״ב:ל״אבערך 1443 לפנה״ס

    ויאמר פינחס בן אלעזר הכהן אל בני ראובן ואל בני גד ואל בני מנשה היום ידענו כי בתוכנו יהוה אשר לא מעלתם ביהוה המעל הזה אז הצלתם את בני ישראל מיד יהוה׃

  7. יְהוֹשֻעַ כ״ב:ל״בבערך 1443 לפנה״ס

    וישב פינחס בן אלעזר הכהן והנשיאים מאת בני ראובן ומאת בני גד מארץ הגלעד אל ארץ כנען אל בני ישראל וישבו אותם דבר׃

  8. יְהוֹשֻעַ כ״ב:ל״גבערך 1443 לפנה״ס

    וייטב הדבר בעיני בני ישראל ויברכו אלהים בני ישראל ולא אמרו לעלות עליהם לצבא לשחת את הארץ אשר בני ראובן ובני גד ישבים בה׃

  9. יְהוֹשֻעַ כ״ב:ל״דבערך 1443 לפנה״ס

    ויקראו בני ראובן ובני גד למזבח כי עד הוא בינתינו כי יהוה האלהים׃

  10. יְהוֹשֻעַ כ״ג:א׳בערך 1427 לפנה״ס

    ¶ ויהי מימים רבים אחרי אשר הניח יהוה לישראל מכל איביהם מסביב ויהושע זקן בא בימים׃

  11. יְהוֹשֻעַ כ״ג:ב׳בערך 1427 לפנה״ס

    ויקרא יהושע לכל ישראל לזקניו ולראשיו ולשפטיו ולשטריו ויאמר אלהם אני זקנתי באתי בימים׃

  12. יְהוֹשֻעַ כ״ג:ג׳בערך 1427 לפנה״ס

    ואתם ראיתם את כל אשר עשה יהוה אלהיכם לכל הגוים האלה מפניכם כי יהוה אלהיכם הוא הנלחם לכם׃

  13. יְהוֹשֻעַ כ״ג:ד׳בערך 1427 לפנה״ס

    ראו הפלתי לכם את הגוים הנשארים האלה בנחלה לשבטיכם מן הירדן וכל הגוים אשר הכרתי והים הגדול מבוא השמש׃

  14. יְהוֹשֻעַ כ״ג:ה׳בערך 1427 לפנה״ס

    ויהוה אלהיכם הוא יהדפם מפניכם והוריש אתם מלפניכם וירשתם את ארצם כאשר דבר יהוה אלהיכם לכם׃

  15. יְהוֹשֻעַ כ״ג:ו׳בערך 1427 לפנה״ס

    וחזקתם מאד לשמר ולעשות את כל הכתוב בספר תורת משה לבלתי סור ממנו ימין ושמאול׃

  16. יְהוֹשֻעַ כ״ג:ז׳בערך 1427 לפנה״ס

    לבלתי בוא בגוים האלה הנשארים האלה אתכם ובשם אלהיהם לא תזכירו ולא תשביעו ולא תעבדום ולא תשתחוו להם׃

  17. יְהוֹשֻעַ כ״ג:ח׳בערך 1427 לפנה״ס

    כי אם ביהוה אלהיכם תדבקו כאשר עשיתם עד היום הזה׃

  18. יְהוֹשֻעַ כ״ג:ט׳בערך 1427 לפנה״ס

    ויורש יהוה מפניכם גוים גדלים ועצומים ואתם לא עמד איש בפניכם עד היום הזה׃

  19. יְהוֹשֻעַ כ״ג:י׳בערך 1427 לפנה״ס

    איש אחד מכם ירדף אלף כי יהוה אלהיכם הוא הנלחם לכם כאשר דבר לכם׃

  20. יְהוֹשֻעַ כ״ג:י״אבערך 1427 לפנה״ס

    ונשמרתם מאד לנפשתיכם לאהבה את יהוה אלהיכם׃

  21. יְהוֹשֻעַ כ״ג:י״בבערך 1427 לפנה״ס

    כי אם שוב תשובו ודבקתם ביתר הגוים האלה הנשארים האלה אתכם והתחתנתם בהם ובאתם בהם והם בכם׃

  22. יְהוֹשֻעַ כ״ג:י״גבערך 1427 לפנה״ס

    ידוע תדעו כי לא יוסיף יהוה אלהיכם להוריש את הגוים האלה מלפניכם והיו לכם לפח ולמוקש ולשטט בצדיכם ולצננים בעיניכם עד אבדכם מעל האדמה הטובה הזאת אשר נתן לכם יהוה אלהיכם׃

  23. יְהוֹשֻעַ כ״ג:י״דבערך 1427 לפנה״ס

    והנה אנכי הולך היום בדרך כל הארץ וידעתם בכל לבבכם ובכל נפשכם כי לא נפל דבר אחד מכל הדברים הטובים אשר דבר יהוה אלהיכם עליכם הכל באו לכם לא נפל ממנו דבר אחד׃

  24. יְהוֹשֻעַ כ״ג:ט״ובערך 1427 לפנה״ס

    והיה כאשר בא עליכם כל הדבר הטוב אשר דבר יהוה אלהיכם אליכם כן יביא יהוה עליכם את כל הדבר הרע עד השמידו אותכם מעל האדמה הטובה הזאת אשר נתן לכם יהוה אלהיכם׃

  25. יְהוֹשֻעַ כ״ג:ט״זבערך 1427 לפנה״ס

    בעברכם את ברית יהוה אלהיכם אשר צוה אתכם והלכתם ועבדתם אלהים אחרים והשתחויתם להם וחרה אף יהוה בכם ואבדתם מהרה מעל הארץ הטובה אשר נתן לכם׃