circa 1406–1380 BC

Conquest of Canaan

Joshua leads Israel across the Jordan into the promised land, defeating the Canaanite kingdoms one by one.

658 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. יְהוֹשֻעַ כ״ד:א׳בערך 1427 לפנה״ס

    ¶ ויאסף יהושע את כל שבטי ישראל שכמה ויקרא לזקני ישראל ולראשיו ולשפטיו ולשטריו ויתיצבו לפני האלהים׃

  2. יְהוֹשֻעַ כ״ד:ב׳בערך 1427 לפנה״ס

    ויאמר יהושע אל כל העם כה אמר יהוה אלהי ישראל בעבר הנהר ישבו אבותיכם מעולם תרח אבי אברהם ואבי נחור ויעבדו אלהים אחרים׃

  3. יְהוֹשֻעַ כ״ד:ג׳בערך 1427 לפנה״ס

    ואקח את אביכם את אברהם מעבר הנהר ואולך אותו בכל ארץ כנען וארב את זרעו ואתן לו את יצחק׃

  4. יְהוֹשֻעַ כ״ד:ד׳בערך 1427 לפנה״ס

    ואתן ליצחק את יעקב ואת עשו ואתן לעשו את הר שעיר לרשת אותו ויעקב ובניו ירדו מצרים׃

  5. יְהוֹשֻעַ כ״ד:ה׳בערך 1427 לפנה״ס

    ואשלח את משה ואת אהרן ואגף את מצרים כאשר עשיתי בקרבו ואחר הוצאתי אתכם׃

  6. יְהוֹשֻעַ כ״ד:ו׳בערך 1427 לפנה״ס

    ואוציא את אבותיכם ממצרים ותבאו הימה וירדפו מצרים אחרי אבותיכם ברכב ובפרשים ים סוף׃

  7. יְהוֹשֻעַ כ״ד:ז׳בערך 1427 לפנה״ס

    ויצעקו אל יהוה וישם מאפל ביניכם ובין המצרים ויבא עליו את הים ויכסהו ותראינה עיניכם את אשר עשיתי במצרים ותשבו במדבר ימים רבים׃

  8. יְהוֹשֻעַ כ״ד:ח׳בערך 1427 לפנה״ס

    ואביאה אתכם אל ארץ האמרי היושב בעבר הירדן וילחמו אתכם ואתן אותם בידכם ותירשו את ארצם ואשמידם מפניכם׃

  9. יְהוֹשֻעַ כ״ד:ט׳בערך 1427 לפנה״ס

    ויקם בלק בן צפור מלך מואב וילחם בישראל וישלח ויקרא לבלעם בן בעור לקלל אתכם׃

  10. יְהוֹשֻעַ כ״ד:י׳בערך 1427 לפנה״ס

    ולא אביתי לשמע לבלעם ויברך ברוך אתכם ואצל אתכם מידו׃

  11. יְהוֹשֻעַ כ״ד:י״אבערך 1427 לפנה״ס

    ותעברו את הירדן ותבאו אל יריחו וילחמו בכם בעלי יריחו האמרי והפרזי והכנעני והחתי והגרגשי החוי והיבוסי ואתן אותם בידכם׃

  12. יְהוֹשֻעַ כ״ד:י״בבערך 1427 לפנה״ס

    ואשלח לפניכם את הצרעה ותגרש אותם מפניכם שני מלכי האמרי לא בחרבך ולא בקשתך׃

  13. יְהוֹשֻעַ כ״ד:י״גבערך 1427 לפנה״ס

    ואתן לכם ארץ אשר לא יגעת בה וערים אשר לא בניתם ותשבו בהם כרמים וזיתים אשר לא נטעתם אתם אכלים׃

  14. יְהוֹשֻעַ כ״ד:י״דבערך 1427 לפנה״ס

    ועתה יראו את יהוה ועבדו אתו בתמים ובאמת והסירו את אלהים אשר עבדו אבותיכם בעבר הנהר ובמצרים ועבדו את יהוה׃

  15. יְהוֹשֻעַ כ״ד:ט״ובערך 1427 לפנה״ס

    ואם רע בעיניכם לעבד את יהוה בחרו לכם היום את מי תעבדון אם את אלהים אשר עבדו אבותיכם אשר בעבר הנהר ואם את אלהי האמרי אשר אתם ישבים בארצם ואנכי וביתי נעבד את יהוה׃

  16. יְהוֹשֻעַ כ״ד:ט״זבערך 1427 לפנה״ס

    ויען העם ויאמר חלילה לנו מעזב את יהוה לעבד אלהים אחרים׃

  17. יְהוֹשֻעַ כ״ד:י״זבערך 1427 לפנה״ס

    כי יהוה אלהינו הוא המעלה אתנו ואת אבותינו מארץ מצרים מבית עבדים ואשר עשה לעינינו את האתות הגדלות האלה וישמרנו בכל הדרך אשר הלכנו בה ובכל העמים אשר עברנו בקרבם׃

  18. יְהוֹשֻעַ כ״ד:י״חבערך 1427 לפנה״ס

    ויגרש יהוה את כל העמים ואת האמרי ישב הארץ מפנינו גם אנחנו נעבד את יהוה כי הוא אלהינו׃

  19. יְהוֹשֻעַ כ״ד:י״טבערך 1427 לפנה״ס

    ויאמר יהושע אל העם לא תוכלו לעבד את יהוה כי אלהים קדשים הוא אל קנוא הוא לא ישא לפשעכם ולחטאותיכם׃

  20. יְהוֹשֻעַ כ״ד:כ׳בערך 1427 לפנה״ס

    כי תעזבו את יהוה ועבדתם אלהי נכר ושב והרע לכם וכלה אתכם אחרי אשר היטיב לכם׃

  21. יְהוֹשֻעַ כ״ד:כ״אבערך 1427 לפנה״ס

    ויאמר העם אל יהושע לא כי את יהוה נעבד׃

  22. יְהוֹשֻעַ כ״ד:כ״בבערך 1427 לפנה״ס

    ויאמר יהושע אל העם עדים אתם בכם כי אתם בחרתם לכם את יהוה לעבד אותו ויאמרו עדים׃

  23. יְהוֹשֻעַ כ״ד:כ״גבערך 1427 לפנה״ס

    ועתה הסירו את אלהי הנכר אשר בקרבכם והטו את לבבכם אל יהוה אלהי ישראל׃

  24. יְהוֹשֻעַ כ״ד:כ״דבערך 1427 לפנה״ס

    ויאמרו העם אל יהושע את יהוה אלהינו נעבד ובקולו נשמע׃

  25. יְהוֹשֻעַ כ״ד:כ״הבערך 1427 לפנה״ס

    ויכרת יהושע ברית לעם ביום ההוא וישם לו חק ומשפט בשכם׃