God

11,427 פסוקים · 2 בני משפחה

פסוקים המזכירים את God

סינון לפי ספר
  1. שְׁמֹות ט״ז:ט״ו

    ויראו בני ישראל ויאמרו איש אל אחיו מן הוא כי לא ידעו מה הוא ויאמר משה אלהם הוא הלחם אשר נתן יהוה לכם לאכלה׃

  2. שְׁמֹות ט״ז:ט״ז

    זה הדבר אשר צוה יהוה לקטו ממנו איש לפי אכלו עמר לגלגלת מספר נפשתיכם איש לאשר באהלו תקחו׃

  3. שְׁמֹות ט״ז:כ״ג

    ויאמר אלהם הוא אשר דבר יהוה שבתון שבת קדש ליהוה מחר את אשר תאפו אפו ואת אשר תבשלו בשלו ואת כל העדף הניחו לכם למשמרת עד הבקר׃

  4. שְׁמֹות ט״ז:כ״ה

    ויאמר משה אכלהו היום כי שבת היום ליהוה היום לא תמצאהו בשדה׃

  5. שְׁמֹות ט״ז:כ״ח

    ויאמר יהוה אל משה עד אנה מאנתם לשמר מצותי ותורתי׃

  6. שְׁמֹות ט״ז:כ״ט

    ראו כי יהוה נתן לכם השבת על כן הוא נתן לכם ביום הששי לחם יומים שבו איש תחתיו אל יצא איש ממקמו ביום השביעי׃

  7. שְׁמֹות ט״ז:ל״ב

    ויאמר משה זה הדבר אשר צוה יהוה מלא העמר ממנו למשמרת לדרתיכם למען יראו את הלחם אשר האכלתי אתכם במדבר בהוציאי אתכם מארץ מצרים׃

  8. שְׁמֹות ט״ז:ל״ג

    ויאמר משה אל אהרן קח צנצנת אחת ותן שמה מלא העמר מן והנח אתו לפני יהוה למשמרת לדרתיכם׃

  9. שְׁמֹות ט״ז:ל״ד

    כאשר צוה יהוה אל משה ויניחהו אהרן לפני העדת למשמרת׃

  10. שְׁמֹות י״ז:א׳

    ¶ ויסעו כל עדת בני ישראל ממדבר סין למסעיהם על פי יהוה ויחנו ברפידים ואין מים לשתת העם׃

  11. שְׁמֹות י״ז:ב׳

    וירב העם עם משה ויאמרו תנו לנו מים ונשתה ויאמר להם משה מה תריבון עמדי מה תנסון את יהוה׃

  12. שְׁמֹות י״ז:ד׳

    ויצעק משה אל יהוה לאמר מה אעשה לעם הזה עוד מעט וסקלני׃

  13. שְׁמֹות י״ז:ה׳

    ויאמר יהוה אל משה עבר לפני העם וקח אתך מזקני ישראל ומטך אשר הכית בו את היאר קח בידך והלכת׃

  14. שְׁמֹות י״ז:ו׳

    הנני עמד לפניך שם על הצור בחרב והכית בצור ויצאו ממנו מים ושתה העם ויעש כן משה לעיני זקני ישראל׃

  15. שְׁמֹות י״ז:ז׳

    ויקרא שם המקום מסה ומריבה על ריב בני ישראל ועל נסתם את יהוה לאמר היש יהוה בקרבנו אם אין׃

  16. שְׁמֹות י״ז:ט׳

    ויאמר משה אל יהושע בחר לנו אנשים וצא הלחם בעמלק מחר אנכי נצב על ראש הגבעה ומטה האלהים בידי׃

  17. שְׁמֹות י״ז:י״ד

    ויאמר יהוה אל משה כתב זאת זכרון בספר ושים באזני יהושע כי מחה אמחה את זכר עמלק מתחת השמים׃

  18. שְׁמֹות י״ז:ט״ז

    ויאמר כי יד על כס יה מלחמה ליהוה בעמלק מדר דר׃

  19. שְׁמֹות י״ח:א׳

    ¶ וישמע יתרו כהן מדין חתן משה את כל אשר עשה אלהים למשה ולישראל עמו כי הוציא יהוה את ישראל ממצרים׃

  20. שְׁמֹות י״ח:ד׳

    ושם האחד אליעזר כי אלהי אבי בעזרי ויצלני מחרב פרעה׃

  21. שְׁמֹות י״ח:ה׳

    ויבא יתרו חתן משה ובניו ואשתו אל משה אל המדבר אשר הוא חנה שם הר האלהים׃

  22. שְׁמֹות י״ח:ח׳

    ויספר משה לחתנו את כל אשר עשה יהוה לפרעה ולמצרים על אודת ישראל את כל התלאה אשר מצאתם בדרך ויצלם יהוה׃

  23. שְׁמֹות י״ח:ט׳

    ויחד יתרו על כל הטובה אשר עשה יהוה לישראל אשר הצילו מיד מצרים׃

  24. שְׁמֹות י״ח:י׳

    ויאמר יתרו ברוך יהוה אשר הציל אתכם מיד מצרים ומיד פרעה אשר הציל את העם מתחת יד מצרים׃

  25. שְׁמֹות י״ח:י״א

    עתה ידעתי כי גדול יהוה מכל האלהים כי בדבר אשר זדו עליהם׃