God

11,427 פסוקים · 2 בני משפחה

פסוקים המזכירים את God

סינון לפי ספר
  1. שְׁמֹות י״ח:י״ב

    ויקח יתרו חתן משה עלה וזבחים לאלהים ויבא אהרן וכל זקני ישראל לאכל לחם עם חתן משה לפני האלהים׃

  2. שְׁמֹות י״ח:ט״ו

    ויאמר משה לחתנו כי יבא אלי העם לדרש אלהים׃

  3. שְׁמֹות י״ח:ט״ז

    כי יהיה להם דבר בא אלי ושפטתי בין איש ובין רעהו והודעתי את חקי האלהים ואת תורתיו׃

  4. שְׁמֹות י״ח:י״ט

    עתה שמע בקלי איעצך ויהי אלהים עמך היה אתה לעם מול האלהים והבאת אתה את הדברים אל האלהים׃

  5. שְׁמֹות י״ח:כ״א

    ואתה תחזה מכל העם אנשי חיל יראי אלהים אנשי אמת שנאי בצע ושמת עלהם שרי אלפים שרי מאות שרי חמשים ושרי עשרת׃

  6. שְׁמֹות י״ח:כ״ג

    אם את הדבר הזה תעשה וצוך אלהים ויכלת עמד וגם כל העם הזה על מקמו יבא בשלום׃

  7. שְׁמֹות י״ט:ג׳

    ומשה עלה אל האלהים ויקרא אליו יהוה מן ההר לאמר כה תאמר לבית יעקב ותגיד לבני ישראל׃

  8. שְׁמֹות י״ט:ד׳

    אתם ראיתם אשר עשיתי למצרים ואשא אתכם על כנפי נשרים ואבא אתכם אלי׃

  9. שְׁמֹות י״ט:ה׳

    ועתה אם שמוע תשמעו בקלי ושמרתם את בריתי והייתם לי סגלה מכל העמים כי לי כל הארץ׃

  10. שְׁמֹות י״ט:ו׳

    ואתם תהיו לי ממלכת כהנים וגוי קדוש אלה הדברים אשר תדבר אל בני ישראל׃

  11. שְׁמֹות י״ט:ז׳

    ויבא משה ויקרא לזקני העם וישם לפניהם את כל הדברים האלה אשר צוהו יהוה׃

  12. שְׁמֹות י״ט:ח׳

    ויענו כל העם יחדו ויאמרו כל אשר דבר יהוה נעשה וישב משה את דברי העם אל יהוה׃

  13. שְׁמֹות י״ט:ט׳

    ויאמר יהוה אל משה הנה אנכי בא אליך בעב הענן בעבור ישמע העם בדברי עמך וגם בך יאמינו לעולם ויגד משה את דברי העם אל יהוה׃

  14. שְׁמֹות י״ט:י׳

    ויאמר יהוה אל משה לך אל העם וקדשתם היום ומחר וכבסו שמלתם׃

  15. שְׁמֹות י״ט:י״א

    והיו נכנים ליום השלישי כי ביום השלישי ירד יהוה לעיני כל העם על הר סיני׃

  16. שְׁמֹות י״ט:י״ז

    ויוצא משה את העם לקראת האלהים מן המחנה ויתיצבו בתחתית ההר׃

  17. שְׁמֹות י״ט:י״ח

    והר סיני עשן כלו מפני אשר ירד עליו יהוה באש ויעל עשנו כעשן הכבשן ויחרד כל ההר מאד׃

  18. שְׁמֹות י״ט:י״ט

    ויהי קול השופר הולך וחזק מאד משה ידבר והאלהים יעננו בקול׃

  19. שְׁמֹות י״ט:כ׳

    וירד יהוה על הר סיני אל ראש ההר ויקרא יהוה למשה אל ראש ההר ויעל משה׃

  20. שְׁמֹות י״ט:כ״א

    ויאמר יהוה אל משה רד העד בעם פן יהרסו אל יהוה לראות ונפל ממנו רב׃

  21. שְׁמֹות י״ט:כ״ב

    וגם הכהנים הנגשים אל יהוה יתקדשו פן יפרץ בהם יהוה׃

  22. שְׁמֹות י״ט:כ״ג

    ויאמר משה אל יהוה לא יוכל העם לעלת אל הר סיני כי אתה העדתה בנו לאמר הגבל את ההר וקדשתו׃

  23. שְׁמֹות י״ט:כ״ד

    ויאמר אליו יהוה לך רד ועלית אתה ואהרן עמך והכהנים והעם אל יהרסו לעלת אל יהוה פן יפרץ בם׃

  24. שְׁמֹות כ׳:א׳

    ¶ וידבר אלהים את כל הדברים האלה לאמר׃

  25. שְׁמֹות כ׳:ב׳

    אנכי יהוה אלהיך אשר הוצאתיך מארץ מצרים מבית עבדים׃