God

11,427 פסוקים · 2 בני משפחה

פסוקים המזכירים את God

סינון לפי ספר
  1. שְׁמֹות כ״ב:ל״א

    ואנשי קדש תהיון לי ובשר בשדה טרפה לא תאכלו לכלב תשלכון אתו׃

  2. שְׁמֹות כ״ג:ז׳

    מדבר שקר תרחק ונקי וצדיק אל תהרג כי לא אצדיק רשע׃

  3. שְׁמֹות כ״ג:י״ג

    ובכל אשר אמרתי אליכם תשמרו ושם אלהים אחרים לא תזכירו לא ישמע על פיך׃

  4. שְׁמֹות כ״ג:י״ד

    שלש רגלים תחג לי בשנה׃

  5. שְׁמֹות כ״ג:ט״ו

    את חג המצות תשמר שבעת ימים תאכל מצות כאשר צויתך למועד חדש האביב כי בו יצאת ממצרים ולא יראו פני ריקם׃

  6. שְׁמֹות כ״ג:י״ז

    שלש פעמים בשנה יראה כל זכורך אל פני האדן יהוה׃

  7. שְׁמֹות כ״ג:י״ח

    לא תזבח על חמץ דם זבחי ולא ילין חלב חגי עד בקר׃

  8. שְׁמֹות כ״ג:י״ט

    ראשית בכורי אדמתך תביא בית יהוה אלהיך לא תבשל גדי בחלב אמו׃

  9. שְׁמֹות כ״ג:כ׳

    הנה אנכי שלח מלאך לפניך לשמרך בדרך ולהביאך אל המקום אשר הכנתי׃

  10. שְׁמֹות כ״ג:כ״א

    השמר מפניו ושמע בקלו אל תמר בו כי לא ישא לפשעכם כי שמי בקרבו׃

  11. שְׁמֹות כ״ג:כ״ב

    כי אם שמע תשמע בקלו ועשית כל אשר אדבר ואיבתי את איביך וצרתי את צרריך׃

  12. שְׁמֹות כ״ג:כ״ג

    כי ילך מלאכי לפניך והביאך אל האמרי והחתי והפרזי והכנעני החוי והיבוסי והכחדתיו׃

  13. שְׁמֹות כ״ג:כ״ה

    ועבדתם את יהוה אלהיכם וברך את לחמך ואת מימיך והסרתי מחלה מקרבך׃

  14. שְׁמֹות כ״ג:כ״ו

    לא תהיה משכלה ועקרה בארצך את מספר ימיך אמלא׃

  15. שְׁמֹות כ״ג:כ״ז

    את אימתי אשלח לפניך והמתי את כל העם אשר תבא בהם ונתתי את כל איביך אליך ערף׃

  16. שְׁמֹות כ״ג:כ״ח

    ושלחתי את הצרעה לפניך וגרשה את החוי את הכנעני ואת החתי מלפניך׃

  17. שְׁמֹות כ״ג:כ״ט

    לא אגרשנו מפניך בשנה אחת פן תהיה הארץ שממה ורבה עליך חית השדה׃

  18. שְׁמֹות כ״ג:ל׳

    מעט מעט אגרשנו מפניך עד אשר תפרה ונחלת את הארץ׃

  19. שְׁמֹות כ״ג:ל״א

    ושתי את גבלך מים סוף ועד ים פלשתים וממדבר עד הנהר כי אתן בידכם את ישבי הארץ וגרשתמו מפניך׃

  20. שְׁמֹות כ״ג:ל״ג

    לא ישבו בארצך פן יחטיאו אתך לי כי תעבד את אלהיהם כי יהיה לך למוקש׃

  21. שְׁמֹות כ״ד:א׳

    ¶ ואל משה אמר עלה אל יהוה אתה ואהרן נדב ואביהוא ושבעים מזקני ישראל והשתחויתם מרחק׃

  22. שְׁמֹות כ״ד:ב׳

    ונגש משה לבדו אל יהוה והם לא יגשו והעם לא יעלו עמו׃

  23. שְׁמֹות כ״ד:ג׳

    ויבא משה ויספר לעם את כל דברי יהוה ואת כל המשפטים ויען כל העם קול אחד ויאמרו כל הדברים אשר דבר יהוה נעשה׃

  24. שְׁמֹות כ״ד:ד׳

    ויכתב משה את כל דברי יהוה וישכם בבקר ויבן מזבח תחת ההר ושתים עשרה מצבה לשנים עשר שבטי ישראל׃

  25. שְׁמֹות כ״ד:ה׳

    וישלח את נערי בני ישראל ויעלו עלת ויזבחו זבחים שלמים ליהוה פרים׃