God

11,427 פסוקים · 2 בני משפחה

פסוקים המזכירים את God

סינון לפי ספר
  1. שְׁמֹות כ״ד:ז׳

    ויקח ספר הברית ויקרא באזני העם ויאמרו כל אשר דבר יהוה נעשה ונשמע׃

  2. שְׁמֹות כ״ד:ח׳

    ויקח משה את הדם ויזרק על העם ויאמר הנה דם הברית אשר כרת יהוה עמכם על כל הדברים האלה׃

  3. שְׁמֹות כ״ד:י׳

    ויראו את אלהי ישראל ותחת רגליו כמעשה לבנת הספיר וכעצם השמים לטהר׃

  4. שְׁמֹות כ״ד:י״א

    ואל אצילי בני ישראל לא שלח ידו ויחזו את האלהים ויאכלו וישתו׃

  5. שְׁמֹות כ״ד:י״ב

    ויאמר יהוה אל משה עלה אלי ההרה והיה שם ואתנה לך את לחת האבן והתורה והמצוה אשר כתבתי להורתם׃

  6. שְׁמֹות כ״ד:י״ג

    ויקם משה ויהושע משרתו ויעל משה אל הר האלהים׃

  7. שְׁמֹות כ״ד:ט״ז

    וישכן כבוד יהוה על הר סיני ויכסהו הענן ששת ימים ויקרא אל משה ביום השביעי מתוך הענן׃

  8. שְׁמֹות כ״ד:י״ז

    ומראה כבוד יהוה כאש אכלת בראש ההר לעיני בני ישראל׃

  9. שְׁמֹות כ״ה:א׳

    ¶ וידבר יהוה אל משה לאמר׃

  10. שְׁמֹות כ״ה:ב׳

    דבר אל בני ישראל ויקחו לי תרומה מאת כל איש אשר ידבנו לבו תקחו את תרומתי׃

  11. שְׁמֹות כ״ה:ח׳

    ועשו לי מקדש ושכנתי בתוכם׃

  12. שְׁמֹות כ״ה:ט׳

    ככל אשר אני מראה אותך את תבנית המשכן ואת תבנית כל כליו וכן תעשו׃

  13. שְׁמֹות כ״ה:ט״ז

    ונתת אל הארן את העדת אשר אתן אליך׃

  14. שְׁמֹות כ״ה:כ״א

    ונתת את הכפרת על הארן מלמעלה ואל הארן תתן את העדת אשר אתן אליך׃

  15. שְׁמֹות כ״ה:כ״ב

    ונועדתי לך שם ודברתי אתך מעל הכפרת מבין שני הכרבים אשר על ארן העדת את כל אשר אצוה אותך אל בני ישראל׃

  16. שְׁמֹות כ״ה:ל׳

    ונתת על השלחן לחם פנים לפני תמיד׃

  17. שְׁמֹות כ״ז:כ״א

    באהל מועד מחוץ לפרכת אשר על העדת יערך אתו אהרן ובניו מערב עד בקר לפני יהוה חקת עולם לדרתם מאת בני ישראל׃

  18. שְׁמֹות כ״ח:א׳

    ¶ ואתה הקרב אליך את אהרן אחיך ואת בניו אתו מתוך בני ישראל לכהנו לי אהרן נדב ואביהוא אלעזר ואיתמר בני אהרן׃

  19. שְׁמֹות כ״ח:ג׳

    ואתה תדבר אל כל חכמי לב אשר מלאתיו רוח חכמה ועשו את בגדי אהרן לקדשו לכהנו לי׃

  20. שְׁמֹות כ״ח:ד׳

    ואלה הבגדים אשר יעשו חשן ואפוד ומעיל וכתנת תשבץ מצנפת ואבנט ועשו בגדי קדש לאהרן אחיך ולבניו לכהנו לי׃

  21. שְׁמֹות כ״ח:י״ב

    ושמת את שתי האבנים על כתפת האפד אבני זכרן לבני ישראל ונשא אהרן את שמותם לפני יהוה על שתי כתפיו לזכרן׃

  22. שְׁמֹות כ״ח:כ״ט

    ונשא אהרן את שמות בני ישראל בחשן המשפט על לבו בבאו אל הקדש לזכרן לפני יהוה תמיד׃

  23. שְׁמֹות כ״ח:ל׳

    ונתת אל חשן המשפט את האורים ואת התמים והיו על לב אהרן בבאו לפני יהוה ונשא אהרן את משפט בני ישראל על לבו לפני יהוה תמיד׃

  24. שְׁמֹות כ״ח:ל״ה

    והיה על אהרן לשרת ונשמע קולו בבאו אל הקדש לפני יהוה ובצאתו ולא ימות׃

  25. שְׁמֹות כ״ח:ל״ו

    ועשית ציץ זהב טהור ופתחת עליו פתוחי חתם קדש ליהוה׃