God

11,427 פסוקים · 2 בני משפחה

פסוקים המזכירים את God

סינון לפי ספר
  1. שְׁמֹות ל׳:ט״ז

    ולקחת את כסף הכפרים מאת בני ישראל ונתת אתו על עבדת אהל מועד והיה לבני ישראל לזכרון לפני יהוה לכפר על נפשתיכם׃

  2. שְׁמֹות ל׳:י״ז

    וידבר יהוה אל משה לאמר׃

  3. שְׁמֹות ל׳:כ׳

    בבאם אל אהל מועד ירחצו מים ולא ימתו או בגשתם אל המזבח לשרת להקטיר אשה ליהוה׃

  4. שְׁמֹות ל׳:כ״ב

    וידבר יהוה אל משה לאמר׃

  5. שְׁמֹות ל׳:ל׳

    ואת אהרן ואת בניו תמשח וקדשת אתם לכהן לי׃

  6. שְׁמֹות ל׳:ל״ד

    ויאמר יהוה אל משה קח לך סמים נטף ושחלת וחלבנה סמים ולבנה זכה בד בבד יהיה׃

  7. שְׁמֹות ל׳:ל״ו

    ושחקת ממנה הדק ונתתה ממנה לפני העדת באהל מועד אשר אועד לך שמה קדש קדשים תהיה לכם׃

  8. שְׁמֹות ל׳:ל״ז

    והקטרת אשר תעשה במתכנתה לא תעשו לכם קדש תהיה לך ליהוה׃

  9. שְׁמֹות ל״א:א׳

    ¶ וידבר יהוה אל משה לאמר׃

  10. שְׁמֹות ל״א:ב׳

    ראה קראתי בשם בצלאל בן אורי בן חור למטה יהודה׃

  11. שְׁמֹות ל״א:ג׳

    ואמלא אתו רוח אלהים בחכמה ובתבונה ובדעת ובכל מלאכה׃

  12. שְׁמֹות ל״א:ו׳

    ואני הנה נתתי אתו את אהליאב בן אחיסמך למטה דן ובלב כל חכם לב נתתי חכמה ועשו את כל אשר צויתך׃

  13. שְׁמֹות ל״א:י״א

    ואת שמן המשחה ואת קטרת הסמים לקדש ככל אשר צויתך יעשו׃

  14. שְׁמֹות ל״א:י״ב

    ויאמר יהוה אל משה לאמר׃

  15. שְׁמֹות ל״א:י״ג

    ואתה דבר אל בני ישראל לאמר אך את שבתתי תשמרו כי אות הוא ביני וביניכם לדרתיכם לדעת כי אני יהוה מקדשכם׃

  16. שְׁמֹות ל״א:ט״ו

    ששת ימים יעשה מלאכה וביום השביעי שבת שבתון קדש ליהוה כל העשה מלאכה ביום השבת מות יומת׃

  17. שְׁמֹות ל״א:י״ז

    ביני ובין בני ישראל אות הוא לעלם כי ששת ימים עשה יהוה את השמים ואת הארץ וביום השביעי שבת וינפש׃

  18. שְׁמֹות ל״א:י״ח

    ויתן אל משה ככלתו לדבר אתו בהר סיני שני לחת העדת לחת אבן כתבים באצבע אלהים׃

  19. שְׁמֹות ל״ב:ה׳

    וירא אהרן ויבן מזבח לפניו ויקרא אהרן ויאמר חג ליהוה מחר׃

  20. שְׁמֹות ל״ב:ז׳

    וידבר יהוה אל משה לך רד כי שחת עמך אשר העלית מארץ מצרים׃

  21. שְׁמֹות ל״ב:ח׳

    סרו מהר מן הדרך אשר צויתם עשו להם עגל מסכה וישתחוו לו ויזבחו לו ויאמרו אלה אלהיך ישראל אשר העלוך מארץ מצרים׃

  22. שְׁמֹות ל״ב:ט׳

    ויאמר יהוה אל משה ראיתי את העם הזה והנה עם קשה ערף הוא׃

  23. שְׁמֹות ל״ב:י׳

    ועתה הניחה לי ויחר אפי בהם ואכלם ואעשה אותך לגוי גדול׃

  24. שְׁמֹות ל״ב:י״א

    ויחל משה את פני יהוה אלהיו ויאמר למה יהוה יחרה אפך בעמך אשר הוצאת מארץ מצרים בכח גדול וביד חזקה׃

  25. שְׁמֹות ל״ב:י״ב

    למה יאמרו מצרים לאמר ברעה הוציאם להרג אתם בהרים ולכלתם מעל פני האדמה שוב מחרון אפך והנחם על הרעה לעמך׃