God

11,427 פסוקים · 2 בני משפחה

פסוקים המזכירים את God

סינון לפי ספר
  1. שְׁמֹות ל״ג:י״ז

    ויאמר יהוה אל משה גם את הדבר הזה אשר דברת אעשה כי מצאת חן בעיני ואדעך בשם׃

  2. שְׁמֹות ל״ג:י״ח

    ויאמר הראני נא את כבדך׃

  3. שְׁמֹות ל״ג:י״ט

    ויאמר אני אעביר כל טובי על פניך וקראתי בשם יהוה לפניך וחנתי את אשר אחן ורחמתי את אשר ארחם׃

  4. שְׁמֹות ל״ג:כ׳

    ויאמר לא תוכל לראת את פני כי לא יראני האדם וחי׃

  5. שְׁמֹות ל״ג:כ״א

    ויאמר יהוה הנה מקום אתי ונצבת על הצור׃

  6. שְׁמֹות ל״ג:כ״ב

    והיה בעבר כבדי ושמתיך בנקרת הצור ושכתי כפי עליך עד עברי׃

  7. שְׁמֹות ל״ג:כ״ג

    והסרתי את כפי וראית את אחרי ופני לא יראו׃

  8. שְׁמֹות ל״ד:א׳

    ¶ ויאמר יהוה אל משה פסל לך שני לחת אבנים כראשנים וכתבתי על הלחת את הדברים אשר היו על הלחת הראשנים אשר שברת׃

  9. שְׁמֹות ל״ד:ב׳

    והיה נכון לבקר ועלית בבקר אל הר סיני ונצבת לי שם על ראש ההר׃

  10. שְׁמֹות ל״ד:ד׳

    ויפסל שני לחת אבנים כראשנים וישכם משה בבקר ויעל אל הר סיני כאשר צוה יהוה אתו ויקח בידו שני לחת אבנים׃

  11. שְׁמֹות ל״ד:ה׳

    וירד יהוה בענן ויתיצב עמו שם ויקרא בשם יהוה׃

  12. שְׁמֹות ל״ד:ו׳

    ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃

  13. שְׁמֹות ל״ד:ט׳

    ויאמר אם נא מצאתי חן בעיניך אדני ילך נא אדני בקרבנו כי עם קשה ערף הוא וסלחת לעוננו ולחטאתנו ונחלתנו׃

  14. שְׁמֹות ל״ד:י׳

    ויאמר הנה אנכי כרת ברית נגד כל עמך אעשה נפלאת אשר לא נבראו בכל הארץ ובכל הגוים וראה כל העם אשר אתה בקרבו את מעשה יהוה כי נורא הוא אשר אני עשה עמך׃

  15. שְׁמֹות ל״ד:י״א

    שמר לך את אשר אנכי מצוך היום הנני גרש מפניך את האמרי והכנעני והחתי והפרזי והחוי והיבוסי׃

  16. שְׁמֹות ל״ד:י״ד

    כי לא תשתחוה לאל אחר כי יהוה קנא שמו אל קנא הוא׃

  17. שְׁמֹות ל״ד:י״ח

    את חג המצות תשמר שבעת ימים תאכל מצות אשר צויתך למועד חדש האביב כי בחדש האביב יצאת ממצרים׃

  18. שְׁמֹות ל״ד:י״ט

    כל פטר רחם לי וכל מקנך תזכר פטר שור ושה׃

  19. שְׁמֹות ל״ד:כ׳

    ופטר חמור תפדה בשה ואם לא תפדה וערפתו כל בכור בניך תפדה ולא יראו פני ריקם׃

  20. שְׁמֹות ל״ד:כ״ג

    שלש פעמים בשנה יראה כל זכורך את פני האדן יהוה אלהי ישראל׃

  21. שְׁמֹות ל״ד:כ״ד

    כי אוריש גוים מפניך והרחבתי את גבולך ולא יחמד איש את ארצך בעלתך לראות את פני יהוה אלהיך שלש פעמים בשנה׃

  22. שְׁמֹות ל״ד:כ״ה

    לא תשחט על חמץ דם זבחי ולא ילין לבקר זבח חג הפסח׃

  23. שְׁמֹות ל״ד:כ״ו

    ראשית בכורי אדמתך תביא בית יהוה אלהיך לא תבשל גדי בחלב אמו׃

  24. שְׁמֹות ל״ד:כ״ז

    ויאמר יהוה אל משה כתב לך את הדברים האלה כי על פי הדברים האלה כרתי אתך ברית ואת ישראל׃

  25. שְׁמֹות ל״ד:כ״ח

    ויהי שם עם יהוה ארבעים יום וארבעים לילה לחם לא אכל ומים לא שתה ויכתב על הלחת את דברי הברית עשרת הדברים׃